logo

сиёсат

ЭМОМАЛӢ РАҲМОН ТАШАББУСКОРИ ФАЪОЛИ ҲАЛЛИ МАСЪАЛАҲОИ КАЛИДИИ ҶАҲОН

Маъмулан, барои ҳар як давлат фароҳамоварии шароит, роҳбарӣ ва идоракунии минбаъдаи рушд ва заминаҳои рушди бардавоми кишвар дар мадди аввал меистад. Имрӯзҳо Ҳукумат ва ҷомеаи Тоҷикистон дар остонаи роҳандозии бисёр лоиҳаҳо ва барномаҳои рушди соҳаи иқтисод,  бахши иҷтимоӣ, лоиҳаҳои калони инфрасохторӣ ва дигар тадбирҳои муҳим қарор доранд. Дар замоне ки на танҳо ҳодисаи алоҳида, балки равиши таърих ҳамчун объекти таъсир қарор гирифтааст, барқароркунии муносибатҳои миёни кишварҳо, бахусус  давлатҳои ҳамсоя, падидаи аввалиндараҷа матлуб буда, метавонад ба дараҷаи стратегӣ расида, дурнамои таърихиро соҳиб шавад.
Дар лаҳзаҳои ташвишовари ҷаҳон ва минтақа  пули самти ояндаравро танҳо субъектони қобилиятноку  қавиирода метавонанд  убур кунанд. Ҳукумати Тоҷикистон дар ҳамкорӣ бо дигар кишварҳо тибқи принсипи сиёсати «дарҳои кушода»  самти дурусти муаррифии симои Тоҷикистон ҳамчун кишвари комёб ва дорои фарҳанги бойи ҳамзистии осоишта дар дохил ва хориҷро пеш гирифтааст, ки дарҳояш барои ҳамкориҳои самарабахш бозанд ва омодааст   аз таҳдидҳои минтақа ва ҷаҳон худро ҳифз карда, ҷонибдориашро дар бартараф кардани ҳар гуна зуҳуроти номатлуб дар сатҳи  минтақа ва глобалӣ изҳор намояд. Боиси қаноатмандист, ки ходимони соҳаҳои гуногун ва ҷомеаи кишвар аз самтгирии сиёсии Пешвои худ бо ҳусни тафоҳум истиқбол мекунанд. Ин дастгириҳо хеле муҳиманд. Имрӯз дар масъалаҳои муҳими кишвар, аз ҷумла бехатарии миллӣ, тақдир ва ояндаи кишвар, мардум канорагириву  бетарафӣ намекунанд, ки ин  камоли ношукрӣ мебуд.
Пешвои миллат муҳтарам Эмомалӣ Раҳмон дар давоми идоракунии давлат  тобиши дарки дурусти миссияи худро ҳамчун Роҳбари давлат дар эҳёи иқтидори Тоҷикистони маҳбуб, аз ҷумла дар сиёсат, иқтисод, маънавиёт, фарҳанг, бехатарӣ, некуаҳволӣ ва ғайра  дурахшон намудор месозанд. Аз нуқтаи назари сиёсати тарбиявӣ  муҳим аст, ки  дар солҳои охир Пешвои миллат дар ҳаёти дохилии кишвар ташаббускори якчанд лоиҳаҳои бунёдкоронаи беҳбудбахши ҷомеа мебошанд.  Бо таъкиди он ки қонунҳо кошонаи ҳусни ҷомеаанд,  қабули Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» дар бартараф кардани оворагардии мактаббачаҳо ва ба хониш фаро гирифтани онҳо, баланд бардоштани ҳисси масъулияти волидайн дар ҳифзи ҳуқуқу манфиатҳо ва камолоти матлуби  фарзанд, дарки аҳли ҷомеа аз муҳимияти худи қонун ҳамчун мураббӣ дар педагогикаи сиёсии давлат, ташаккули фарҳанги сиёсии доираи васеи қишрҳои гуногун, ки дарки солими равандҳои муҳими сиёсиро талаб мекунад ва инчунин, боло бурдани сатҳи некуаҳволии мардум ва адолати иҷтимоӣ саҳми назаррас дошт. Муваффақиятҳои тарбия аз қабули қарорҳои оқилонаи сиёсӣ вобастагӣ доранд ва ҳамзамон, мавҷудияти маърифати ибтидоии матлубро мехоҳад. Қонунҳои зикрёфта аз ҷиҳати хислати тарбиявӣ доштанашон нодир маҳсуб меёбанд. Инчунин, шахси  дорои маърифати сиёсӣ ва дарку шинохти тамоюлҳои калидии равандҳои ҷаҳонӣ ватанро дӯст надошта наметавонад. Таъкиди Пешвои миллат аст, ки: «Ҳар як қадами шаҳрвандон бояд исботи ватандӯстӣ бошад», чунки «ваҳдат ягона силоҳи асосӣ» ва пурқудрати мо мебошад. 
Корномаи сулҳофар ва даъватҳои доимии Пешвои миллат дар бораи таъмин ва гиромидошти сулҳу амонӣ дар давлат, минтақа ва ҷаҳон ҷанбаҳои миллӣ ва байналмилалӣ дорад, ки аз ҳар ҷониб  ва сатҳ баҳои баландро соҳиб гардида, маърифатбахш мебошад.
Яке аз хусусиятҳои хосси назаррас дар сиёсати Пешвои миллат Эмомалӣ Раҳмон ин аст, ки новобаста аз шароити буҳронии низом ва равобити сатҳи глобалӣ барои таҳкими тавоноии маҷмӯии кишвар ва осоиштагии мардум ба ҳаҷму сифати  фаъолият ва равобит бо институту субъектҳо ва кишварҳои минтақаву ҷаҳон маҳдуд нашуда дар доираи «сиёсати бисёрсамта» барои васеътар кардани фаъолияти густурда чораҷӯӣ мекунанд. Иқдомоти  мазкур аз бовариву дастгирӣ ва истиқболи халқ далолат мекунад. Бинобар ин, Президенти Ҷумҳурии Тоҷикистон дар Паёми навбатии худ ба  Маҷлиси Олии Ҷумҳурии Тоҷикистон ба таври боварибахш таъкид кардаанд: «Умумияти ҳадафу вазифаҳое, ки дар назди давлатҳои мо қарор доранд, зарурати дар минтақа муҳайё намудани фазои мусоиди рафтуомади озоди одамон, интиқоли бемамониати молу сармоя ва захираҳои меҳнатиро тақозо менамояд». Имрӯзҳо ба туфайли заминагузорӣ ва ташаббусҳои байналмилалии Президенти кишварамон обрӯю эътибори Тоҷикистон дар арсаи ҷаҳонӣ торафт боло рафта, муносибатҳои дипломатӣ ва иқтисодии он боз ҳам доираи васеътар касб карданист, ки минбаъд барои фаъол гардондани муносибатҳо бо кишварҳои Африқо ва Амрикои  Лотинӣ тадбирҳо андешида мешаванд.
Мо шоҳиди он ҳастем, ки  гузашти вақт талошҳо ва самтгириҳои созандаи Эмомалӣ Раҳмонро ҳамчун намунаи пайкор ҳақ баровард.  Самараи ибратомӯзу бунёдбахши хизматҳои дохилӣ ва сатҳи ҷаҳонии он кас буд, ки аз забони шахсиятҳои маъруфи олам хизматҳояшон чунин эътироф шуданд: «Эмомалӣ Раҳмон сиёсатмадори сатҳи ҷаҳонист, ки хизматҳояш дар тамоми олам эътироф гардидаанд». Аз ин рӯ, омӯзиши таъсири хусусиятҳои шахсияти Пешвои муаззами миллат ҳамчун ходими сиёсӣ дар ҷодаи роҳбарӣ, муаррифии Тоҷикистон,  таҷрибаи сулҳофарии бесобиқа, тарғиб ва ҷонибдорӣ аз  сулҳу субот дар тамоми олам, пешоҳанг будан дар пешниҳодҳои аҳамияти умумибашаридошта ва дастгирии баланди ниҳодӣ ёфтани онҳо, талошу бартараф кардани таҳдидҳои глобалӣ, ташаббусҳо ва инсондӯстӣ  асоснок ва муҳим буда, хислати тарбиявӣ доранд.     
Зарур медонам, ки сухане аз Анна Ахматова орам: «Оянда, пеш аз он ки ворид шавад, аввал сояи худро пеш меафканад». Паёме, ки аз оянда дарак медиҳад, ин дастгирии ташаббускориҳои башардӯстонаи Роҳбари муаззами Тоҷикистон алайҳи бартараф сохтани таҳдидҳои умумисайёравӣ ба мардумони олам ва тадриҷан мавқеи татбиқи ниҳодӣ пайдо кардани онҳо аз ҷониби СММ ва дигар институтҳои  байналмилалӣ мебошад. Ин аз маърифати волои  Эмомалӣ Раҳмон ҳамчун ташаббускори фаъоли ҳалли масъалаҳои калидии  ҷаҳон далолат мекунад.
Сарвар РАҶАБОВ


Баёни ақида (0)    Санаи нашр: 30.04.2018    №: 85    Мутолиа карданд: 490

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед