logo

фарҳанг

ФАРҲАНГ. ЯК НИШАСТИ МУҲИМ ДАР ДОИРАИ СОЛИ РУШДИ САЙЁҲӢ ВА ҲУНАРҲОИ МАРДУМӢ

Дар Донишкадаи давлатии фарҳанг ва санъати Тоҷикистон ба номи Мирзо Турсунзода  бахшида ба Соли рушди сайёҳӣ ва ҳунарҳои мардумӣ таҳти унвони “Масъалаҳои ҳифзи арзишҳои фарҳангӣ дар заминаи истиқлолият ва худшиносии миллӣ” Конфронси ҷумҳуриявии илмӣ - назариявӣ ва эҷодӣ баргузор гардид. Дар ин чорабинӣ  олимон аз Федератсияи Русия, Ҷумҳурии Ӯзбекистон, муҳаққиқону мутахассисони соҳаҳои фарҳанг ва санъати ҷумҳурӣ, устодону донишҷӯёни донишкада иштирок намуданд.
Ректори Донишкадаи давлатии фарҳанг ва санъати Тоҷикистон ба номи Мирзо Турсунзода, доктори илмҳои фалсафа, профессор Хайриддин Идиев мавзӯи “Моҳият ва дурнамои рушди ҳаёти маънавии ҷомеа дар шароити муосир” - ро ба риштаи таҳлил кашида, тазаккур дод, ки ғояи асосӣ ва стратегии сиёсати фарҳангии Ҳукумати Ҷумҳурии Тоҷикистон дар шароити вусъати раванди бебозгашти ҷаҳонишавӣ барои даҳсолаҳои минбаъда дар заминаи андешаи хеле дақиқи Президенти Ҷумҳурии Тоҷикистон - «Фарҳанг ҷавҳари ҳастии миллат аст» роҳандозӣ гардида, он ба ташаккули олами маънавию фарҳангии тоҷикистониён дар асоси ҷаҳонбинии мувофиқ ба манфиатҳои миллиамон мусоидат намуд.
Ба гуфтаи Хайриддин Идиев, бо назардошти он ки фарҳанг, бахусус тамоили ҷаҳонишавии он аз ҷумлаи масъалаҳои мубрами асри XXI мебошанд, Ҷумҳурии Тоҷикистон ҳамчун узви ҷомеаи ҷаҳонӣ аз падидаҳо ва зуҳуроти мусбату манфии он дар канор буда наметавонад. Дар ин радиф талабот нисбат ба сатҳу сифати таълим, фаъолияти иҷтимоӣ - фарҳангӣ, сатҳи маънавиёти инсон, тарбия ва ташаккули насли наврасе, ки вазифаҳои азими бунёди ҷомеаи навро ба уҳда хоҳад гирифт, ба маротиб меафзояд. Вобаста ба ин, дар ҳар як марҳилаи такомули давлатдории миллӣ мақсаду вазифаҳои фарҳанги миллӣ мушаххас гардида, тибқи он бояд стратегияи наву ҳадафманд ва самтҳои афзалиятноки рушди соҳа тарҳрезӣ ва ба ин васила барои беҳдошти симои маънавӣ, ташаккули майлу рағбати зебописандӣ ва ҳунари эҷодгарии афроди ҷомеа фазои мусоид фароҳам ояд.
Сипас конфронс бо ширкати фаъоли мутахассисони соҳа, таҳлилгарон ва устодону донишҷӯён дар ҳафт бахш ҷараён гирифт. Бахши ҳафтуми ин ҳамоиш, ки ба 5500 - солагии Саразми бостонӣ, ҳамчун маркази ташаккули маданияти кишоварзӣ, ҳунармандӣ ва шаҳрсозии тоҷикон, бахшида шуда буд, бо ширкати меҳмонон аз Федератсияи Русия ва Ҷумҳурии Ӯзбекистон дар Осорхонаи ҷумҳуриявии таърихӣ - кишваршиносии ба номи Абуабдуллоҳи Рӯдакии шаҳри Панҷакент, бо намоиши бозёфтҳои таърихии Саразм ва Панҷакенти қадим, ифтитоҳ ёфт. Дар ин бахш сездаҳ маърӯзаи илмӣ мавриди таҳлил ва баррасӣ қарор гирифт.
Боздиди иштирокдорони бахши ҳафтуми ҳамоиш аз оромгоҳи поягузори адабиёти тоҷику форс устод Абуабдуллоҳи Рӯдакӣ, Саразми бостонӣ, Панҷакенти қадим ва шаҳри бостонии Самарқанд хотирмон буд.
Сафаргул АЛИМОВА, “Ҷумҳурият”


Баёни ақида (0)    Санаи нашр: 02.05.2018    №: 86    Мутолиа карданд: 132

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ

Армуғон аз Италия

Ҷаҳон дар як сатр

Низомиёни афғон маркази музофоти Фараҳро аз «Толибон» озод карданд

Дар Қоҳира кишварҳои араб масъалаи Байтулмуқаддасро баррасӣ мекунанд

Дар Қазоқистон иттиҳодияҳои динӣ ҳисоботи молиявӣ хоҳанд дод

Қирғизистон: ҳаҷми воридот аз содирот 3,2 маротиба бештар аст

16.05.2018


Рӯзҳои фарҳангии ВМКБ дар Хатлон

В. Путин: «Силоҳи нави мо даҳсолаҳо тавозуни стратегиро дар ҷаҳон таъмин месозад»

Пхенян таҳдиди дасткашӣ аз ҳамоиши ИМА – Кореяи Шимолӣ кард

«Иқтисоди сабз» метавонад 24 миллион ҷойи нави кор фароҳам орад

Дарёфти 7 медал дар Чемпионати Осиё


Дар сомонаҳои дигари Тоҷикистон хонед