logo

фарҳанг

ҲУНАРҲОИ МАРДУМӢ: МУШКИЛОТ ВА ДУРНАМО

Дар Пажӯҳишгоҳи илмӣ - тадқиқотии фарҳанг ва иттилоот таҳти ҳамин унвон ҳамоиш баргузор гардид. Дар чорабинӣ олимону коршиносон ва рӯзноманигорон ширкат варзида, дар мавриди рушди ҳунарҳои мардумӣ ва робитаи он дар ривоҷи сайёҳӣ табодули афкор намуданд.

Таъкид шуд, ки бидуни рушди ҳунарҳои мардумӣ равнақи соҳаи сайёҳиро тасаввур кардан мумкин нест. Зеро аксари сайёҳон ва меҳмонони хориҷӣ ба расму оин, маҳсули ҳунарҳои дастӣ ва эҷодиёти даҳонакии халқи тоҷик шавқу завқи беандоза доранд.
Фолклоршинос Дилшод Раҳимов баён дошт, ки дар роҳи рушди ҳунарҳои мардумӣ дар баробари мавҷуд будани имкониятҳои зиёд мушкилиҳо низ мавҷуданд.
- Кормандони пажӯҳишгоҳ дар давоми 3 сол ба шаҳру навоҳии вилоятҳои Хатлону Суғд, ноҳияҳои тобеи ҷумҳурӣ ва ВМКБ сафарҳои хидматӣ анҷом дода, 703 ҳунармандро ба қайд гирифтанд. Аз ҷараёни кор, маҳсулоти омоданамуда ва мушкилоти онҳо маводу матлабҳои заруриро таҳия карданд. Дар натиҷа маълум шуд, ки чанд омил ба ривоҷи кори онҳо монеа эҷод мекунад. Аз ҷумла, заиф будани робита ва ҳамкории ҷамоатҳои деҳот, мақомоти иҷроияи маҳаллӣ, дастгирӣ ва ҳавасмандгардонӣ, мавҷуд набудани шароити дурусти корӣ, нуқтаҳои фурӯши маҳсулот ва макони таълимӣ (устохона), дастрасӣ ба ашёи хом ҳунармандонро дар ин росто камфаъолият мегардонанд, - афзуд Дилшод Раҳимов.
Бино ба гуфтаи ӯ, аз масъалаҳои ҳалталаби ёдшуда муҳимтаринаш фароҳам овардани шароити корӣ ва сохтани устохонаҳои хурд аст. Бештари ҳунармандони минтақаҳо синну солашон аз 70-80 боло буда, гила аз он мекунанд, ки таҷрибаву малака ва санъати ҳунармандии худро ба насли нав наомӯзонда мераванд.
Зафар Холмуродов, мудири бахши маркази фарҳанги тоҷикон низ дар баробари мушкилоти дигар таъкид намуд, ки аз байн рафтани баъзе аз намудҳои ҳунармандӣ низ моро нигарон кардааст. Аз сафарҳои хидмативу омӯзишии мо маълум гашт, ки ҳоло дар кишвар чандин навъи ҳунарҳои дастӣ (чармгарӣ, заргарӣ, созтарошӣ) як ё ду усто доранду бас. Бо назардошти ин, иштирокчиёни ҳамоиш саривақтӣ ва ҳаётан муҳим будани ибтикори Пешвои миллатро дар эълон кардани соли 2018 – Соли рушди сайёҳӣ ва ҳунарҳои мардумӣ бори дигар таъкид намуда, изҳор доштанд, ки маҳз ҳамин сол дурнамои тӯлонии рушди ҳунармандӣ ва фарҳанги ғайримоддии тоҷикро муайян мекунад ва корҳои арзишманде дар ин ҷода бояд анҷом пазиранд.
Б. САЛИМОВ,
«Ҷумҳурият»


Баёни ақида (0)    Санаи нашр: 03.05.2018    №: 87    Мутолиа карданд: 254

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед