logo

фарҳанг

АСРОРИ ҲУНАР

Мо намунаҳои бисёр зебову дилнишини гулдӯзиҳоро дидаему завқ бурдаем. Аз ҷумла, гулу булбул, дарахту барг, нақшаҳои мушкили ҳандасавӣ ва дигар ҷузъиёти гулдӯзиҳо моро тасхир кардааст. Аммо қаҳрамони мо – Машварат Лутфиллоева дар ин ҷода ба як силсила корҳои тоза даст зада, тавонистааст нақшҳои қаҳрамонони тоҷик, дарёву кӯлҳо, афсонаву ривоятҳо ва мазмуни модарномаву ошиқонаҳои бадеиро дар гулдӯзияҳояш инъикос намояд.
Машваратбону ҳамроҳи аҳли оила маҳз ба хотири тавсеаи ҳунараш ба шаҳри Душанбе омад. Инак, чанд сол мешавад, ки ин ҷо дар баробари ҳунармандӣ, дар мактаби № 72 пойтахт ба таълиму тарбияи кӯдакон машғул аст. Аслан, ӯ омӯзгори синфҳои ибтидоист. Бо вуҷуди серкорӣ тадриҷан маҳсули ҳунараш дар намоишгоҳҳои хурду бузурги мактабӣ, ноҳиявӣ ва ҷумҳуриявӣ пешкаши бинандагону шавқмандон мегарданд. Ниҳоят муштариёни корҳои ӯ афзуда, дар кӯтоҳтарин муддат меҳмонону сайёҳони хориҷиро ҳам тасхир мекунад.
Воқеан ҳам, ҳунар муъҷиза меофарад. Машварат Лутфиллоева бо меҳру муҳаббат ва маҳорати хосса чунон меҳнат мекунад, ки ҳар як тасвир дар гулдӯзиҳо тавассути риштаҳо зиндаву зебо ҷило медиҳанд. Вақте шумо бо намунаҳои ҳунари он кас ошно мешавед, ба як хулоса меоед: «Бо риштаҳо ҳам мешавад расм кашид».
- Гузаштагони пуршарафи камина аз аҳли ҳунар буданд. Ҳанӯз тифл будаму ёд дорам, ки чи гуна модару бибиям гулдӯзӣ мекарданд, бо матоъ, ришта, сӯзан ва рангҳо бозӣ карда, бо замзамаи «Шашмақом» маҳсули ҳунарӣ меофариданд. Албатта, дар чунин муҳит будан, хушоянд буд ва ҳамин минвол меҳри ҳунарҳои мардумӣ дар сиришти мо низ ҷой гирифт ва то имрӯз бо ҳунар – бо риштаву сӯзан нафас мекашем. Ростӣ, яке аз хусусиятҳои ҳунар ин аст, ки шуморо аз дарди бекорӣ мераҳонад ва на танҳо зиндагиатонро рангин, ризқатонро фаровон, балки ҷисману рӯҳан зебову солим нигаҳ медорад, - изҳор медорад қаҳрамони мо.
Аз ҷумла, намоиши дар бинои «Душанбе-плаза» баргузоргаштаро чунин ба ёд меорад: «Соли 2010 дар бинои «Душанбе-плаза» намунаҳои гулдӯзии худро дар баробари ҳунармандони дигар ба намоиш гузошта менишастем, ки бонуи ҳабаштаборе, ки Рита ном доштааст, ба маҳсули дасти камина сахт таваҷҷуҳ кард. Қариб панҷ дақиқа гулдӯзиҳоро мушоҳида карда, нобоварона бо англисӣ чизе гуфт, ки «мошинаш»-ро фаҳмида, зуд пай бурдам, ки гумони нодуруст мебарад. Сӯзан, ришта ва дигар лавозимоти кории худро нишон додаму фаҳмондам, ки ин сирф кори дастист. Воқеан ҳам, бовар ҳосил кард».
Пас аз шиносоӣ ва шунидани асрори ҳунарҳои дастии тоҷикӣ номбурда пешниҳод мекунад, ки тасвири Мавлоноро гулдӯзӣ кунад ва барои ин амал дастмузди хубе ҳам доданист. Ва Машваратбону тасвири шоирро бо меҳру ихлоси хосса сӯзанӣ кард ва баъди гузашти соле меҳмони хориҷӣ омада, Мавлоноро бо худ бурд.
Ҳоло ба муносибати Соли рушди сайёҳӣ ва ҳунарҳои мардумӣ Машваратбону сар аз риштаву сӯзан бардошта наметавонад. Ангуштбона ба ангуштонаш ҳар лаҳза бо риштаҳои рангоранг нақшеро меофарад. Бо риштаҳо не, балки бо нури чашмони худ рӯи матоъ гул мезанад.
Воқеан, аз ин ва ба ин монанд воқеаҳои фараҳбахш, ки далели безаволу мондагор будани ҳунар аст, дили касро ҳисси ифтихор пахш мекунад. Дар ҳақиқат, ҳар миллатро бо ҳар гуна датовези илмию ҳунарӣ ва техникию фарҳангӣ мешиносанд. Дар ин росто, халқи тоҷикро бо Наврӯз, адабиёт, ҳунарҳои мардумӣ, аз ҷумла бо "Шашмақом", Фалак, оши палав ва дигар ҷашну оинҳои нек ва ҳунарҳои нотакрораш шинохтаанд.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 03.05.2018    №: 87    Мутолиа карданд: 201

16.08.2018


Рӯзноманигорони ӯзбек меҳмони Тоҷикистон

15.08.2018


ЛЕВАКАНТ. Пастравии сатҳи ҷинояткорӣ дар байни ноболиғон

БАЛҶУВОН. Бунёди 14 иншоот

САНОАТ ДАР НОҲИЯИ МИР САЙИД АЛИИ ҲАМАДОНӢ КОҲИШ МЕЁБАД,ЧАРО?

КИШОВАРЗӢ ДАР НОҲИЯИ ТЕМУРМАЛИК АФЗАЛИЯТ ДОРАД

14.08.2018


ТОҶИКИСТОН – ҚАЗОҚИСТОН. Нахустҷаласаи Шӯрои корӣ ва ҳамоиши соҳибкорон

МАҚОМОТИ СУДӢ ВА ВАО. Иқдоме барои таҳкими ҳамкориҳо

"ЗЕБОНИСО". Аввалин чемпиони Тоҷикистон оид ба футбол миёни бонувон

ММТ: "Беш аз 50 ҳазор довталаб донишҷӯ шуд"

10.08.2018


Қабули нусхаи Эътимоднома аз сафири Туркманистон

Ҷаласаи Шӯрои ИДМ оид ба сайёҳӣ оғоз ёфт

Ҷаласаи Шӯрои марказии Ҷамъияти ихтиёрии мусоидат ба артиши ИДМ

Ҳамоиши тиҷоратии соҳибкорони Тоҷикистону Қазоқистон

ХАТЛОН. Нахустин форуми тиҷорати маҳсулоти боғдорӣ доир гардид

СУҒД. 90 ҳазор сомонӣ барои ғолибони озмуни "Маҳаллаи беҳтарин"

Семинари муфид

09.08.2018


Туҳфаи ФФТ ба варзишгарони Хоруғ

МАОРИФ. Имконияти нав ба як гурӯҳ довталабон

КӮЛОБ. Истеҳсоли маҳсулоти кишоварзӣ афзудааст

Ғолибони ҷоизаи Зебунисо Рустамова муайян шуданд

07.08.2018


ДУШАНБЕ. Таъсиси ҷойҳои махсус барои забҳи чорво

Шӯрои сайёҳии давлатҳои аъзои ИДМ дар Душанбе

Пресс-тури рӯзноманигорони агентиҳои иттилоотии ИДМ

«Сомон Эйр». Роҳандозии парвозҳо ба самти Бухоро

Буҷети давлатӣ 2,4 миллиард сомонӣ афзуд

ММД. Афзоиши воқеии он 7,2 дарсадро ташкил дод

ММТ. “Пешномнависӣ” кори довталабро осон кард

Роҳхати 28 варзишгари дигар ба бозиҳои Осиё

06.08.2018


Вохӯрии Абдуҷаббор Раҳмонзода бо аҳли ҷомеаи Данғара

Аввалин гурӯҳи зоирони тоҷик ба Арабистони Саудӣ сафар кард

Душанбе. Ярмаркаҳои мактабӣ ташкил мешаванд

03.08.2018


Мулоқоти Абдуҷаббор Раҳмонзода бо сокинони шаҳри Кӯлоб

Боздиди Раҷаббой Аҳмадзода аз намоиши ҳунарҳои мардумӣ ва маҳсулоти кишоварзӣ

Ҷамъбасти Намоишгоҳи якмоҳаи ҳунарҳои мардумӣ дар Душанбе


Дар сомонаҳои дигари Тоҷикистон хонед