logo

иҷтимоиёт

"САРАЗМ - ҶАРТЕППА". ДӮСТ ОЯД, ГАРМ ДАР ОҒӮШ ГИР...

Баъд аз ифтитоҳи гузаргоҳи сарҳадии «Саразм - Ҷартеппа», яке аз калонтарин гузаргоҳҳои марзии байни Ҷумҳурии Тоҷикистон ва Ҷумҳурии Ӯзбекистон, наздик ба 100 ҳазор шаҳрвандони ду кишвар тавассути он равуо кардаанд.

Дар ин бора, марзбонони тоҷик зимни сафари гурӯҳи хабарнигорон ба минтақаҳои сарҳадӣ, ки бо ташаббуси роҳбарияти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон сурат гирифт, ба мо иттилоъ доданд. Ба гуфтаи марзбонон, ҳамарӯза тавассути гузаргоҳи сарҳадии «Саразм» аз ҳар ду ҷониб ҳазорон нафар барои саёҳат, дидорбинии хешу ақрабо ва дӯстони худ равуо мекунанд. Ин ҳақиқатро мо дар рӯзи сафар мушоҳида кардем. Аз ду ҷониб сокинон бо фараҳмандӣ ва истиқбол аз таҳаввулоти ахир дар муносиботи дӯстонаи ду кишвари ҳамҷавор марзро убур мекарданд.
Ба қавли Зафар Шарифов, сардори гузаргоҳи сарҳадии «Саразм», дар  гузаргоҳ шаш нуқтаи бақайдгирии шиносномавӣ, санҷиши гумрукӣ ва нақлиёти сабукрав фаъолият мекунад. Нуқтаҳои бақайдгирӣ бо системаи ягонаи марказӣ пайваст буда, маълумот дар бораи ҳар нафари ба қайд гирифташуда дар Вазорати корҳои хориҷии мамлакат сабт  мегардад. Дар даромадгоҳи бинои санҷиши гумрукӣ аз ҷониби Ҷумҳурии Ӯзбекистон ба Ҷумҳурии Тоҷикистон ду лавҳа насб шуда, дар он байти машҳури Мирзо Турсунзода навишта шудааст:
Дӯст ояд гарм дар оғӯш гир,
Расми хуби тоҷиконро гум макун.
Дар канори дигари ҳамин даромадгоҳ лавҳаи тасвирие, ки фарогири фарҳанги ғанӣ, мавзеъҳои зебову дилрабои Тоҷикистон аст, моҳияти Соли рушди сайёҳӣ ва ҳунарҳои мардумиро ба меҳмонон шарҳ медиҳад. Ифтитоҳи гузаргоҳҳои сарҳадӣ байни ду кишвари дӯсту бародар, ки дар доираи таҳаввулоти ахири муносибот бо иродаи сиёсии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев ба миён омад, на танҳо ба рафтуомади бемонеаи шаҳрвандон, балки ба тавсеаи табодули молу маҳсулот ва рушди тиҷорат ҳам мусоидат намуд. Ба гуфтаи Дилмурод Рашидов, сардори шуъбаи гумруки шаҳри Панҷакент, ҳоло тавассути ин гузаргоҳ содироту воридоти номгӯи зиёди маводи ғизоиву ашёи рӯзгор ба роҳ монда шудааст.
Асланҷон Ҳотамов, шаҳрванди Ҷумҳурии Ӯзбекистон, баъди кушодашавии сарҳад бори аввал аст, ки ба Тоҷикистон меояд. Ӯ аз сифати хизматрасонӣ ва муомилаи хуши марзбонони тоҷик дар сарҳад ситоиш намуд ва гуфт, ки барои иштирок дар тӯйи писари бародараш ба шаҳри Душанбе раҳсипор аст.
Сурайё Шокирова, сокини шаҳри Самарқанд, ки дар марз бо ӯ ҳамсуҳбат шудем, ба қавле «аз шодӣ дар куртааш намеғунҷид». Вай гуфт, таҳкими дигарбораи дӯстие, ки сарони давлатҳои Тоҷикистону Ӯзбекистон асос гузоштанд, ҳамеша поянда бод. «Охир мо бо он наздикие, ки тӯли таърих ба ҳам доштем, наметавонем, ки аз ҳам ҷудо бошем, ҳар ду халқи бародар ба ҳам сахт омехтаанд, ки дигар ҳеҷ қувваи нест, ки онро барои ҳамеша аз байн бубарад. Қабл аз ин ҳусни тафоҳуми ҳамсоядорӣ, тӯй як тараф истад, мо дар мусибати наздиконамон иштирок карда наметавонистем. Хушбахтона, ҳоло дар тамоми тӯю маросими хешу ақрабо ва дӯстон метавонем озодона ширкат намоем. Шукр ва сад бор шукр, ки ба ин саодат даст ёфтем», гуфт ӯ.
Роҳбарияти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон тасмим гирифтааст, ки дидбонгоҳи сарҳадиро дар оянда барои равуои шаҳрвандони калонсол ва имконияташон маҳдуд аз гузаргоҳи сарҳадии Ӯзбекистон то гузаргоҳи сарҳадии Тоҷикистон бо нақлиёти махсус таъмин намояд. Ҳамчунин, қарор аст, ки дар назди ин гузаргоҳи сарҳадӣ як меҳмонхонаи замонавӣ ва терминали мусофиркашонӣ сохта ба истифода дода шавад.
Маҳмуд ҶӮРАЕВ,
«Ҷумҳурият»


Баёни ақида (0)    Санаи нашр: 07.05.2018    №: 89    Мутолиа карданд: 291

23.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед