logo

иқтисод

ОЗУҚАВОРӢ. ТАЪМИНИ БЕХАТАРӢ ТАҚОЗОИ ЗАМОН АСТ

Бо мақсади кам намудани шумораи мақомоти давлатии анҷомдиҳандаи санҷиши субъектҳои хоҷагидор  дар заминаи 4 мақомоти санҷишӣ - Хадамоти назорати давлатии байторӣ, Хадамоти назорати давлатии фитосанитарӣ ва карантини рустанӣ, Хадамоти назорати давлатии зотпарварӣ ва Бозрасии назорати давлатии тухмии Вазорати кишоварзии Ҷумҳурии Тоҷикистон Кумитаи бехатарии озуқавории  назди Ҳукумати Ҷумҳурии Тоҷикистон таъсис дода шуд.  Раиси кумита Фарҳод Камолзода зимни суҳбат бо хабарнигори “Ҷумҳурият” ҳадафу вазифа ва натиҷаҳои нахустини фаъолияти кумитаро чунин шарҳ дод:

- Кумитаи бехатарии озуқавории назди Ҳукумати Ҷумҳурии  Тоҷикистон тибқи дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз рӯзи аввали таъсисёбӣ фаъолияти худро ба таъмини бехатарии озуқаворӣ, ҳифзи солимии аҳолӣ, ҳимояи ҳуқуқи истеъмолкунандагон ва дигар манфиатҳои миллӣ равона намудааст.
Бо мақсади интихоб ва ҷобаҷогузории дурусти кадрҳои соҳибихтисосу лаёқатманд дар дастгоҳи марказӣ ва воҳидҳои сохтории кумита аттестатсияи кормандон гузарондем.  Мавриди зикр аст, ки дар натиҷаи аттестатсия 109 ҳолати ишғоли вазифа бе маълумоти касбӣ (ҳатто бо маълумоти миёна), 15 ҳолати дар ду мақомоти зертобеъ фаъолият намудани кормандон, 9 ҳолати фаъолияти хешутабори наздик, инчунин 2 ҳолати доғи судӣ доштани кормандон, ошкор карда, онҳо аз вазифа тибқи тартиби аттестатсионӣ озод карда шуданд.
Дар се моҳи соли равон аз ҷониби мутахассисони озмоишгоҳҳои таъмини бехатарии озуқаворӣ дар бозорҳои истеъмолии ҷумҳурӣ  209896  ташхиси маҳсулот гузаронда, аз ин ҳисоб, тибқи талаботи байторию беҳдоштӣ, маҳсулоти ба талабот ҷавобгӯ набуда, аз ҷумла 3434,6 кг маҳсулоти гӯштӣ, 532,4 литр маҳсулоти ширӣ, 7300 дона тухми паранда, 4983,1 кг меваю  сабзавот, 56,2 кг моҳӣ, 302,4 кг маҳсулоти намакин, 150,8 кг равғани рустанӣ  ҳамчун маҳсулоти бесифат ва хавфнок аз муомилот гирифта, нобуд карда шуданд. Аз 637 нафар  қонуншикан ба маблағи 121440 сомонӣ ҷарима  ситонда шуд.
Мутахассисони соҳаи байторӣ 13437 сар чорвои калони шохдорро барои муайян намудани аломатҳои бемории сил аз ташхиси аллергенӣ гузаронданд. Санҷишҳо нишон доданд,  ки саршумори чорвои хоҷагиҳо аз бемориҳои брутселлёз ва сил эминанд ва ҳолати эпизоотию вазъи солимии чорво дар хоҷагиҳои давлатӣ нисбат ба солҳои гузашта муътадил аст.
Дар хоҷагиҳои деҳқонию фермерии шаҳру ноҳияҳои ҷумҳурӣ  чорабиниҳои безараргардонӣ, аз ҷумла дезинфексия ва дезинсексия, гузаронда  шуд. Нуқтаҳои номусоиди бемориҳои сироятӣ зери назорати доимӣ гирифта, дар манбаъҳои номусоид, таҳдидкунанда ва дорои пайдоиши хавф чорабиниҳои солимгардонӣ, эмгузаронии маҷбурии ҳайвонот ва безараргардонию маҳдудкунӣ доир гардиданд.
Фаъолият дар самти фитосанитарӣ ва карантини рустанӣ ба солимгардонии ҳолати фитосанитарии зироатҳои кишоварзӣ, сари вақт андешидани тадбирҳо, муҳофизати зироатҳои кишоварзӣ аз зараррасонҳо, касалиҳо ва алафҳои худрӯй равона карда шудааст. Давоми семоҳаи аввали соли ҷорӣ ба ҷумҳурӣ 528 922 тонна, 826784 дона ва 83956 метри мукааб маҳсулоти гуногуни карантинӣ ворид шудааст. Ҳамчунин, маводи транзитие, ки аз Покистону Афғонистон ба дигар давлатҳо содирот мешаванд, таҳти назорати қатъии мутахассисон қарор доранд.
Мутахассисони кумита  барои муайян намудани ҳолати фитосанитарии карантинӣ дар минтақаҳои ҷумҳурӣ ва пешгирӣ намудани ҳудудҳои паҳншавии организмҳои зараррасони карантинӣ дар 1664 намунаи маҳсулот 2653 ташхиси гуногуни фитосанитарӣ гузаронданд.  Анборҳо, ҷойҳои нигоҳдорӣ ва захиракунии маводи  карантинӣ, инчунин, ҳудуди секилометраи истгоҳҳои роҳҳои оҳан, аз ҷониби мутахассисон зери назорати доимӣ гирифта шуданд.
Кумита назорати давлатии таъмини бехатарии озуқавориро дар соҳаҳои байторӣ, зотпарварӣ, фитосанитарӣ, карантини рустанӣ ва тухмӣ амалӣ менамояд. Бо дуруст ба роҳ мондани фаъолияти ниҳодҳои мазкур воридоти молу маҳсулоти пастсифат ва ғайристандартӣ пешгирӣ шуда, ба ин васила ҳимояи ҳуқуқи истеъмолкунандагон ва амнияти озуқаворӣ дар қаламрави мамлакат  таъмин мегардад.
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 10.05.2018    №: 91    Мутолиа карданд: 1085

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед