logo

сиёсат

ТОҶИКИСТОН ҶОНИБДОРИ ҲАМБАСТАГӢ ДАР МУБОРИЗА БО ТЕРРОРИЗМ АСТ

Баргузории Конфронси байналмилалии сатҳи баланд дар мавзӯи «Муқовимат бо терроризм ва ифротгароии хушунатомез», ки 3 - 4 - уми май дар шаҳри Душанбе баргузор гардид, барои иттиҳоду ҳамбастагии тамоми кишварҳои олам ва созмонҳои бонуфузи ҷаҳонӣ дар амри мубориза бо ин вабои аср саҳифаи наверо боз хоҳад кард.

Ин нукта хулосаи аксар коршиносону намояндагони воломақоми кишвару созмонҳое буд, ки зарфи ду рӯз дар ҷаласаҳои тахассусӣ ва чорабиниҳои канории Конфронси байналмилалии сатҳи баланд вазъи кунунии минтақа ва ҷаҳонро дар баробари таҳдиду хатарҳои терроризму ифротгароӣ, таҳияи роҳу усулҳои муборизаи самаранок алайҳи ин масъалаи доғи ҷомеаро мавриди баррасӣ қарор доданд.
Иштирок ва суханронии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маросими ифтитоҳи конфронс аз умдатарин нукоти қобили таваҷҷуҳ дар ин ҳамоиши сатҳи ҷаҳонӣ буд. Сарвари давлат дар нутқи пурмуҳтавои худ ба таври амиқ ва ҳамаҷониба вазъи кунунии минтақаву ҷаҳон ва тамоюлоти ҷорӣ дар соҳаи амниятро мавриди арзёбӣ қарор дода, аз ҷомеаи ҷаҳонӣ ҷиҳати муборизаи муштарак бо таҳдиду чолишҳо ба хотири ҳифз ва тақвияти сулҳу субот даъват ба амал оварданд: «Дар шароити мураккабу пуртазоди имрӯза мо бояд ҳамкорӣ кунем, на рақобату бартариҷӯӣ. Барои ноил гаштан ба натиҷаҳои дилхоҳ дар муқовимат бо зуҳуроти хатарзои замони муосир бояд бар пояи ҳусни эътимод ҳамдастиву ҳамоҳангиҳои зичи хадамоту ниҳодҳои амниятии кишварҳо ва мақомоти ҳифзи ҳуқуқ ба роҳ монда шавад».
Пешвои миллат дар ҳузури беш аз 400 намоянда аз 48 кишвар ва 31 созмони байналмилаливу минтақавӣ, намояндагони корпуси дипломатӣ, ҷомеаи шаҳрвандӣ ва доираҳои илмӣ - тадқиқотӣ бори дигар тавзеҳ доданд, ки «Тоҷикистон дар арсаи мубориза бар зидди терроризму ифротгароӣ, тундгароӣ ва дигар хатару таҳдидҳои замони муосир, аз қабили гардиши ғайриқонунии маводи мухаддир ва силоҳ, ҷинояткориҳои муташаккили фаромиллӣ ва киберҷиноятҳо, шарики табиии ҳамаи давлатҳои дунё ва созмонҳои байналмилаливу минтақавӣ мебошад».
Воқеан, имрӯз ҷомеаи ҷаҳон ба нақши Тоҷикистон дар мубориза бо терроризму ифротгароӣ баҳои баланд дода, мавқеи устувор, талошҳои судманду қотеонаи Президенти Ҷумҳурии Тоҷикистонро дар ин самт дастгирӣ менамоянд. Ҳузури меҳмонони зиёди воломақом бо шумули муовини Дабири кулли Созмони Милали Муттаҳид, роҳбари Дафтари зиддитеррористии СММ Владимир Воронков, Дабири кулли Созмони Амният ва Ҳамкорӣ дар Аврупо Томас Гремингер ва дигар созмонҳои бонуфуз дар ҳамоиш ва изҳори назари онҳо бори дигар ба ин воқеият рӯшанӣ андохт. Аз ҷумла, муовини Дабири кулли Созмони Милали Муттаҳид, роҳбари Дафтари зиддитеррористии СММ Владимир Воронков бо истиқбол аз ташаббуси Тоҷикистон дар созмон додани чунин Конфронси байналмилалӣ, ки тамоми дидгоҳҳоро ба сӯи худ ҷалб намуд, ба Эмомалӣ Раҳмон ва Ҳукумати ҷумҳурӣ арзи сипос намуд. Меҳмони олимақом изҳори итминон кард, ки ин ҳамоиш дар таҳкими ҳамкориҳои мутақобила оид ба масоили муайян ва пешгирии амалиёти террористии фаромарзӣ, тавсеаи заминаи ҳуқуқии ҳамкориҳо дар муқовимати дастаҷамъона бо терроризм ва ҷиноятҳои кибернетикӣ нақши муассир хоҳад гузошт.
- Ман ба Ҷаноби Президент ва Ҳукумати Ҷумҳурии Тоҷикистон барои ташаббусҳои нек ва мизбонии чунин як конфронси дорои аҳамияти муҳими башарӣ миннатдорӣ баён менамоям, - изҳор дошт Томас Гремингер, Дабири кулли Созмони Амният ва Ҳамкорӣ дар Аврупо, зимни суханрониаш.
Ба таъкиди ӯ, терроризм ва ифротгароии хушунатомез, танҳо мушкили як кишвар ё минтақа нест, балки он ҳама марзҳоро убур карда, феълан ба мушкилоти ҷаҳонӣ табдил шудааст.
- Ман дар гуфтугӯҳои алоҳида бо намояндагони панҷ кишвари Осиёи Марказӣ дарёфтам, ки онҳо бо назардошти вазъи минтақа ба тақвияти мубориза бо терроризм аҳамияти хос медиҳанд. Аз ин рӯ, конфронси имрӯза барои таҳкими ҳамкорӣ ва мубодилаи таҷрибаи омӯхташуда нақши муҳим хоҳад дошт. Ин нишаст ба мо имкон медиҳад, ки дар татбиқи стратегияву барномаҳои ҳамоҳангшуда роҳу усулҳои навро пайдо намоем, - изҳор дошт Томас Гремингер.
Мубашар Ҷовид Акбар, вазири давлатии корҳои хориҷии Ҷумҳурии Ҳиндустон, ки дар лаҳзаҳои фориғ аз кори конфронс бо хабарнигорон суҳбат мекард, ба нақши калидии Пешвои миллат дар роҳи пешгирии терроризм ва мавқеи сулҳҷӯёна дар ҷаҳон баҳои баланд дод. – Ҷумҳурии Ҳиндустон ба талошҳои Ҳукумати Ҷумҳурии Тоҷикистон ҳамчун шарики боэътимоди худ ҷиҳати ба эътидол овардани вазъ дар Афғонистон, таҳкими амният дар минтақа ва сарнагун кардани терроризму ифротгароӣ дар ҷаҳон эҳтиром мегузорад.
Мубашар Ҷовид Акбар дар суҳбати вижа бо «Ҷумҳурият» ба ҳаводиси солҳои аввали Истиқлолияти давлатии Ҷумҳурии Тоҷикистон ишора кард ва гуфт, Тоҷикистон оқибатҳои фоҷиабори терроризму ифротгароиро таҷриба карда, ҳоло дар набард бо ин зуҳуроти нангин иқдомоти фаромарзиро рӯи даст гирифтааст. «Мо эътироф мекунем, ки таҷрибаи нодири Президент ва давлати Тоҷикистон дар фурӯ нишондани даргириҳо на фақат таъмини субот дар кишвар, балки наҷоти Осиёи Марказӣ аз ҳузури террористон ва пешгирии тавсеаи ифротгароӣ дар минтақа буд».
Қобили зикр аст, ки вобаста ба натиҷаҳои конфронс, ки дар доираи амалӣ намудани иқдомоти байналмилалии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ташаббуси Ҳукумати Ҷумҳурии Тоҷикистон ва мушорикати Созмони Милали Муттаҳид, Иттиҳоди Аврупо, Созмони Амният ва Ҳамкорӣ дар Аврупо баргузор шуд, санади ниҳоӣ – Эъломияи Душанбе қабул гардид, ки ба бовари иштирокдорон фасли наве дар мубориза бо терроризм ва ифротгароӣ хоҳад буд.
Фирӯзи РАҲМОНИЁН, 
“Ҷумҳурият”


Баёни ақида (0)    Санаи нашр: 10.05.2018    №: 91    Мутолиа карданд: 398

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед