logo

ҳуқуқ

ҚАСДИ КУШТОР МОДАРУ ДУХТАРРО 31,6 СОЛ БА ЗИНДОН БУРД

Ду сокини шаҳри Ҳисор - модару духтар Марҳабо Азизова ва Дилрабо Ҷумъаева, омӯзгорони муассисаи таҳсилоти миёнаи умумии №14 - и шаҳраки Шарора, барои суиқасди одамкушӣ, яъне қасдан аз ҳаёт маҳрум сохтани ду шахс маҳкум ба зиндон шуданд.
Судшавандаҳо Марҳабо Азизова ва духтараш Дилрабо Ҷумъаева барои қитъаи замини наздиҳавлигӣ, воқеъ дар шаҳри Ҳисор, бо аҳли хонаводаи бародараш Маҳмадраҷаб Азизов мунтазам муноқиша намуда, дар натиҷа байнашон хусумату бадбинӣ пайдо мешавад. Марҳабо Азизова ҳамроҳи духтараш қасди аз ҳаёт маҳрум кардани бародараш Маҳмадраҷаб Азизов ва писари ӯ Исломҷон Азизовро мекунад. Дар ин замина модару духтар бо мақсади амалӣ кардани қасди ҷинояткорона ҷиҳати амалӣ намудани куштор, бо мақсади ғаразнок ва кирояи зархаридон, ба ивази маблағи муайян маслиҳати пешакӣ намуда, моҳи октябри соли 2017 нақшаи кушторро тарҳрезӣ менамоянд. Марҳабо ва духтараш бо шаҳрванд Шералӣ Ҷабборов вохӯрда, аввал ба ӯ пешниҳоди харид ва иваз намудани манзили истиқоматиашонро намуда, сипас, оид ба дарёфти шахси кирояи зархарид барои амалӣ кардани куштор аз ӯ ёрӣ мехоҳанд.
Судшаванда Марҳабо Азизова дар маҷлиси судӣ гуфт, ки марҳум падараш ба номи ӯ 0,15 гектар замин туҳфа намуда будааст. Ӯ 0,7 сотихашро ба номи духтараш гузарондааст. Бародараш Маҳмадраҷаб  бо  оилаву писараш мехостаанд, ки замини онҳоро аз дасташон гиранд. - “Ҳар боре ки мо дар заминамон ягон сабзавот кишт мекардем, онҳо чорвояшонро сар дода, ба мо зарар мерасонданд. Аз амалҳои бадкирдоронаи онҳо ба хулосае омадем, ки ягон илоҷ карда хонаву заминро фурӯхта, аз ин ҷо равем. Оид ба ин масъала ба шаҳрванд Шералӣ Ҷабборов ном шахс муроҷиат кардем. Баъди шиносоӣ аз ӯ хоҳиш намудем, ки барои куштори падару писари ҳамсояашон ягон қотил ёбад», - изҳор намуд судшаванда.
Шералӣ Ҷабборов барои пешгирӣ аз ин ҷиноят ба кормандони Раёсати кофтукови ҷиноятии ВКД Ҷумҳурии Тоҷикистон хабар медиҳад, то онҳо амалиёт гузаронда маълум кунанд, ки оё мақсади куштани падару писар воқеият дорад ё не? Дар асоси нақшаи тарҳрезишудаи кормандони милитсия барои пурра исбот намудани гуноҳи онҳо Шералӣ бо Марҳабо ва духтараш вохӯриро давом дода, тибқи нақша амал мекард. Ӯ бо М. Азизова ва духтараш Д. Ҷумъаева таҳти назорати кормандони милитсия қарор гирифта, рафти суҳбатҳояшон сабт мешуд. Моҳи октябри соли 2017 Ш. Ҷабборов қотилро пайдо карда, ӯро тибқи нақшаи кормандони милитсия ҳамчун “киллер" муаррифӣ мекунад. Дар асл ӯ корманди оперативии милитсия буд. “Киллер” барои куштани ду шахс аз онҳо маблағи 12.000 доллар талаб кард. Тибқи нақша «киллер» 26-27 ноябри соли 2017 Исломҷон Азизовро бояд ба қатл мерасонд. Бо ин мақсад кормандони милитсия ӯро ба ҷои махфӣ бурданд.
Сипас, 27 ноябри соли 2017 хабар мерасад, ки Исломҷонро куштаанд. Модару духтар ба ин гуфтаҳо бовар накарда, аз “киллер” талаб мекунанд, ки расми ҷасадро нишон диҳад. Худи ҳамон рӯз “киллер” расм ва навори саҳнасозишудаи ҷасадро ба онҳо нишон медиҳад. Модару духтар ҳолати дар замин хобида ва сару рӯяш пур аз хуни ҷасадро дида, бовар мекунанд, ки ӯро дар ҳақиқат куштаанд.
Баъди аз ҷониби қотили шартӣ пешниҳод шудани навори саҳнасозишуда, ки гӯё куштори Исломҷон Азизов анҷом ёфтааст, ҷинояткорон - модару духтар қаноатманд шуда, ба қотил ваъда медиҳанд, ки маблағи ваъдагиро ҳар чи зудтар пардохт мекунанд. Қотили шартӣ рафти суҳбатҳои худро бо онҳо сабт намуда, ба тафтишоти пешакӣ пешниҳод кардааст.
Ҳамчунин, модару духтар қавл медиҳанд, ки нахуст маблағи барои куштори Исломҷон ваъдакардаро мепардозанд, сипас, аз пайи куштори падараш мешаванд. Мақсади нопоки онҳо амалӣ нашуда, ҳангоми вохӯрии навбатӣ Марҳабо Азизова ва духтараш Дилрабо Ҷумъаева аз тарафи корманди милитсия дастгир мешаванд.
Бо ҳукми суди шаҳри Душанбе ба Марҳабо Азизова бо моддаҳои 32 қисми 3, 104 қисми 2 бандҳои «а, з, и» Кодекси ҷиноятии Ҷумҳурии Тоҷикистон ҷазои маҳрум сохтан аз озодӣ ба муҳлати 16 солу 6 моҳ ва ба Дилрабо Ҷумъаева бо дастрасии моддаҳои 32 қисми 3, 104 қисми 2 бандҳои «а,з,и» Кодекси ҷиноятӣ ҷазои маҳрум сохтан аз озодӣ ба муҳлати 15 сол таъйин карда шуд.
Раҷабалӣ АҲТАМ,
судяи суди шаҳри Душанбе,
Ҷамила АБДУЛХАЙРЗОДА,
корманди дастгоҳи суди шаҳри Душанбе


Баёни ақида (0)    Санаи нашр: 15.05.2018    №: 95    Мутолиа карданд: 339

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед