logo

иҷтимоиёт

ТАНЗИМ. ШИКАСТИ ХУРОФОТ БАРАКАТ ОВАРД

Соли пурошӯби 1994. Рӯзи аз шаҳр ба зодгоҳ рафтанам, фарзандони яке аз иштирокчиёни Ҷанги Бузурги Ватанӣ маъракаи ҳафти қиблагоҳашонро медоданд. Бо вуҷуди сардии зимистони  қаҳратун  ҳавлии падарии онҳо аз меҳмонони хондаю нохонда лабрез буд. Ҳатто қисме аз меҳмонон даста-даста дар кӯча навбат мепоиданд, то вориди хона шаванд. Аҷиб, аз даробарои одамон ва ҳам аз чеҳраҳои онҳо пай бурдан мушкил буд, ки ин ҷо маросими азодорист ё тӯю хурсандӣ, яъне аксаран парвои азодории аҳли ин хонаро надоштанд ва танҳо барои қонеъ кардани нафс ба қавле бо як пой рост меистоданд…..

Вақте дохили ҳавлӣ шудам, муллосуратеро дидам, ки баробари хестани гурӯҳе аз одамон даст аз табақ бардошта, оят мехонд ва зуд омин карда, дубора ба дастархон чашм медӯхт. Дар кунҷи ҳавлӣ се деги ош  қатор меистод. Аз яке ош мебардоштанд, ба дуи дигар дам партофта буданд. Гуфтанд, ки илова ба ин барои занон  боз ду дег ош омода мешавад. Садои мулло ба гӯш мерасид: «Хӯред, ош намонад, бо иштиҳо бошед, ки арвоҳ хурсанд шавад». Вале касе парво надошт, ки азодорон дар ин тангии рӯзгор харҷи маъракаро чӣ гуна мепӯшонанд? Магар садақа дар ҳаққи гузаштагон  бо қарз ва аз ҳисоби ризқи фарзандон шоистаи марҳамати иллоҳист? Аммо ҳайҳот.
Воқеан, дар он айём чунин маъракаҳои миёншикан дар байни аҳолии мамлакат  нав ба ҳукми анъана даромада буд. Солҳои минбаъда бо фароҳам омадани фазои орому осоиштаи зиндагӣ дороии мардум афзунтар гардид. Аммо ба ҷойи ислоҳи камбудиҳо, таассубу хурофот дар маросимҳои тӯю азодорӣ  амиқтар  реша давонд ва сабқат дар харҷу дабдабаи маъракаҳо шиддат гирифт. Аксари соҳибони тӯю маросимҳо аз тарси маломати мардум, харҷи барзиёд намуданд ва ба қарз ғӯтавар гаштанд. Бахусус, фарзандони азодор ба Одина- қаҳрамони асари устод Айнӣ табдил мешуданд. Чунончи ӯ барои худоии падараш аз Арбобкамол якумра қарздор монда буд.
Хушбахтона, танзими ҷашну маросими сокинони кишвар аз назари неки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дур намонд. Дар асоси қабули Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» соли 2007 амалҳои исрофкорона дар баргузории маъракаҳои мардум аз байн рафт.
Пешвои миллат  24 майи соли 2007  қонуни номбурда ба мардуми ҷумҳурӣ муаррифӣ намуда, чунин иброз доштанд:
«Мо имрӯз барои тамоман аз байн бурдан ё барҳам додани расму оинҳои халқӣ ва маросимҳои динӣ ҷамъ наомадаем, балки мақсади асосиамон ин аст, ки дар баробари муайян кардани меъёрҳои баргузории онҳо ба раҳоии мардуми кишвар аз банди худнамоӣ ва таассубу хурофотпарастӣ оғози нек бахшем».
Шаҳрвандон аҳамияти санади мазкурро дар баланд бардоштани сатҳи зиндагӣ  амиқ дарк намуданд. Қонун бар асоси ҳимояи манфиатҳои иқтисодиву иҷтимоии мардум амал намуда, ба шаҳрвандон ба ҷойи исрофкорӣ фарҳанги сарфакориро талқин менамояд. Хурду бузурги кишвар  хуб сарфаҳм рафтанд, ки баракати  зиндагӣ дар танзими ҷашну маросимҳост, на исрофкорию хурофотпарастӣ. Сарфа гардидани харҷи расму анъанаҳо ва аз ин ҳисоб зиёд гардидани маблағи пасандоз барои бархе оилаҳо имконият дод, ки  фарзандони онҳо касбу ҳунари замони хешро омӯхта, дар роҳи ободию шукуфоии Ватан саҳм гузоранд. Ба як меъёри муайян даровардани  расму оин ва маъракаҳо шаҳодат медиҳад, ки сокинон ба ин васила аз банди таассубу хурофот раҳо ёфта, акнун файзу баракоти зиндагиро дарёфтанд.   
Моҳи августи соли гузашта қонуни номбурда бо овози якдилонаи шаҳрвандон дар таҳрири нав қабул гардид. Тайи муддати кӯтоҳ харҷи беҳудаи маъракаҳо ва расму оинҳои миллӣ камтар ва дасти саховатмандон дар корҳои ободонию созандагӣ дарозтар шуд. Дар маҷмӯъ қонуни мазкур тавонист дар як муддати кӯтоҳ барои таъмини зиндагии шоистаи мардум, ки аз ҳадафҳои меҳварии давлату Ҳукумати кишвар маҳсуб меёбад, заминаи мусоид фароҳам созад.
Олуфтабону АСКАРЗОДА,
корманди дастгоҳи суди шаҳри Душанбе


Баёни ақида (0)    Санаи нашр: 16.05.2018    №: 96    Мутолиа карданд: 169

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра

ДЗЮ-ДО. Натиҷаҳо аз Ҷоми Президенти Тоҷикистон

"ПАЛАНГИ ТИЛЛОӢ". Ғалабаи Ҷомӣ Ҳасанов

Сафари расмии Владимир Путин ба Ҳиндустон

Трамп ба вохӯрияш бо Путин дар Хелсинки баҳои баланд дод

Дар Туркия ҳамоиши чорҷониба оид ба Сурия баргузор мегардад

Селфи бо марг бозӣ кардан аст

Ҷаҳон дар як сатр


Дар сомонаҳои дигари Тоҷикистон хонед