logo

ҳуқуқ

НИГАРОНӢ АЗ ОВОРАГАРДӢ ТО СУИҚАСД БА ҶОНИ ХУД

Худкушӣ ва суиқасд ба ҷони худ дар лаҳзаҳои ҳассостарини ҳаёти инсон рух медиҳанд ва таъсири равонӣ низ дар пай доранд. Ба андешаи ҷомеашиносон, ин амал дар зеҳни одамон, бавижа ноболиғону ҷавонон, дар натиҷаи номутобиқатии равонию иҷтимоӣ ва ҳолатҳои номусоиди зиндагӣ пайдо мешавад.  Вобаста ба ин ва дигар ҳуқуқвайронкуниҳо аз ҷониби ноболиғон нозири Хадамоти пешгирии ҳуқуқвайронкунӣ дар байни ноболиғону ҷавонони Вазорати корҳои дохилии Ҷумҳурии Тоҷикистон Алишери Исроил дар суҳбат ба хабарнигори рӯзномаи «Ҷумҳурият» андешаҳояшро чунин баён дошт:
- Бо мақсади пешгирии ҳуқуқ-вайронкуниҳои маъмурӣ ва ҷинояткорӣ дар байни ноболиғон, муайян ва дастгир намудани ноболиғони оворагард, аз мактаб дурмонда, пешгирии ҳолатҳои дарсшиканӣ, худкушӣ ва суиқасд ба ҷони худ кормандони Хадамоти пешгирии ҳуқуқвайронкунӣ дар байни ноболиғону ҷавонони ВКД тибқи нақша – чорабиниҳо корҳои фаҳмондадиҳӣ ва тарғиботию ташвиқотиро дар мамлакат роҳандозӣ карданд. Мутаассифона, бо вуҷуди ин, ҷинояткорӣ дар байни ноболиғон кам нагардидааст.  Масалан, дар чор моҳи соли равон 18 ноболиғ даст ба  худкушӣ зад. Гузашта аз ин, дар ҳамин давра 17 ҳолати худовезӣ ва як ҳолати худсӯзӣ сабт гардид, ки боиси нигаронист. Ба назари коршиносон ва таҳлилҳои анҷомдодаи мо чунин ҳодисаҳо бештар дар асоси муноқишаҳои оилавӣ, мунтазам паст задани шаъну шарафи кӯдак, рӯҳафтодагӣ ва дигар амалҳои ба ҳаёту зиндагии онҳо рабтдошта сурат мегиранд.
Дар иртибот ба дигар ҳуқуқвайронкуниҳои маъмурӣ аз ҷониби кормандони воҳидҳои кор бо ноболиғон ва ҷавонон 1930 рейд ва амалиёти муштарак гузаронда шуд. Дар натиҷа 5062 ноболиғ, аз ҷумла 1429 нафар бо оворагардӣ, 159 талбандагӣ, 122 кашидани бор дар бозорҳо, 98 ҷамъоварии маблағи роҳкиро дар воситаҳои нақлиёти мусофирбар, 1278 нафар дар вақти дарс машғул шудан ба бозиҳои компютерӣ ба шуъбаҳои ВКД дар шаҳру навоҳии ҷумҳурӣ оварда шуданд.
Мувофиқи талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва моддаи 90 - и Кодекси ҳуқуқвайронкунии маъмурии Ҷумҳурии Тоҷикистон  нисбат ба падару модарон ва масъулон 6234 протоколи маъмурӣ тартиб дода шуда, ба судҳои шаҳру ноҳияҳо ирсол гардид. Дар ин давра аз 2128 падару модар, ки уҳдадориҳои худро дар таълиму тарбияи фарзанд  иҷро накардаанд, ба маблағи 282370  сомонӣ ҷарима ситонда шуд. Ҳамзамон, 547 нафар огоҳӣ гирифта, айни ҳол 3559 мавод мавриди таҳлил ва баррасӣ қарор дорад.  
Ба назари мо, барои пешгирии ҳуқуқвайронкунии ноболиғону ҷавонон, пеш аз ҳама, падару модарон, омӯзгорон ва дар маҷмӯъ аҳли ҷомеа бояд  бо воҳидҳои кор бо ноболиғон ва ҷавонони вилоятҳо ва шаҳру ноҳияҳо ҳамкории доимӣ ба роҳ монанд. Зеро пешгирӣ ва аз байн бурдани ин зуҳуроти номатлуб кори танҳо мақомоти дахлдор набуда, саъю талоши дастаҷамъонаро тақозо дорад.
Сафаргул АЛИМОВА, «Ҷумҳурият»


Баёни ақида (0)    Санаи нашр: 21.05.2018    №: 99    Мутолиа карданд: 329

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед