logo

ҳуқуқ

ТОҶИКИСТОН ПЕШОҲАНГИ МУБОРИЗА АЛАЙҲИ ИФРОТГАРОӢ

Терроризм ва экстремизм аз зуҳуроти номатлуби ҷаҳони муосир ба шумор рафта, хатари онҳо рӯз ба рӯз рӯшантар мешавад. Ҳукумати Ҷумҳурии Тоҷикистон ҳамчун узви ҷомеаи ҷаҳонӣ барои решакан кардани ин падидаи манфӣ аз тамоми имкониятҳо самаранок истифода мебарад.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Конфронси байналмилалии сатҳи баланд дар мавзӯи “Муқовимат бо терроризм ва ифротгароии хушунатомез”, ки 4 майи соли ҷорӣ дар шаҳри Душанбе баргузор гардид, аз хатари ин вабои аср, ки тамоми кишварҳои дунёро ба таҳлука овардааст, изҳори нигаронӣ намуда, чунин иброз доштанд: «Ҷумҳурии Тоҷикистон аввали солҳои 90-уми асри XX - ҳанӯз дар оғози бунёди давлати соҳибихтиёри худ ҳадафи амалҳои тахрибкоронаи террористону ифротгароён бо дастгирии хоҷагони хориҷии онҳо қарор гирифт. Дар он айём ниҳодҳои терроризми байналмилалӣ ва ифротгароён кишвари моро ба саҳнаи озмоиши қудрати маргбори худ ва ҳадафи ғаразҳои зиддиинсонӣ табдил дода буданд. Он замон Тоҷикистон ба ҳамаи он ҳодисаҳои фоҷиаборе, ки имрӯзҳо дар Ироқу Сурия, Яману Афғонистон мушоҳида мешаванд, рӯ ба рӯ шуда буд.  Ҳадафу нақшаҳои пасипардагиву ғаразноки саркардаҳои аслии он амалҳои харобиовар ва хоҷагону сарпарастони онҳо, ки аз ғояҳои ифротгароӣ ва террористӣ сарчашма мегирифтанд, бо роҳи зӯрӣ ва қатлу куштор ба сари мардум таҳмил кардани фарҳанги бегонаву тафаккури асримиёнагӣ ва дар Тоҷикистон таъсис додани давлати исломӣ буд». Дар ин конфронси сатҳи баланд, ки коршиносону намояндагони созмонҳои бонуфузи байналмилалӣ ширкат доштанд, масъалаҳои вобаста ба мубориза бар зидди терроризм ва экстремизм баррасӣ гаштанд. Гуфта шуд, ки давоми солҳои охир зиёда аз 100 мамлакати дунё ҳадафи амалҳои харобкоронаи ифротиён қарор гирифта, бар асари ҳамлаҳои террористӣ садҳо ҳазор нафар мардуми осоишта ба ҳалокат расидаанд ва миллионҳо нафар макону манзили зисташонро тарк кардаанд.
Зарари ба иқтисодиёти кишварҳо расондашуда садҳо миллиард долларро ташкил медиҳад. Танҳо дар қаламрави Афғонистон соли гузашта бар асари ҷангу амалҳои террористӣ зиёда аз 10 ҳазор нафар аҳолии осоишта зарар дида, тақрибан 4 ҳазор нафар қурбон шуд. Сию ду дарсади қурбониён ва 53 фоизи маҷрӯҳонро занону кӯдакон ташкил додаанд.  
Мутафаккири бузурги фаронсавӣ Оноре де Балзак навишта буд: «Идеяҳоро фақат бо идея метавон нест кард».  Яъне идеяи миллӣ ва идеологияи миллӣ даркор аст, ки он бояд бар алайҳи терроризму ифротгароӣ кордеҳ бошад, одамонро гирди ҳам оварад.
Дар Консепсияи миллии тарбия дар Ҷумҳурии Тоҷикистон омадааст, ки ҷавҳар, хосият ё маҷмӯи сифатҳои тоҷикон аз илму донишомӯзӣ, заҳматписандию таҳаммул, сарукор бо замин, оштию сулҳпазирӣ ва ғайра иборатанд. Ва ҳамин консепсия чун идеологияи миллии Тоҷикистон бар зидди терроризму ифротгароӣ равона гардидааст.
Коршиносон сабабҳои асосии шомилшавии ҷавононро ба гурӯҳҳои ифротӣ раванди муҳоҷирати меҳнатӣ, шабакаҳои иҷтимоӣ ва надоштани дониши казоии баъзе ҷавонон унвон мекунанд. Ба қавли онҳо, баъзе муҳоҷирони тоҷик дар Федератсияи Русия фирефтаи аъзои гурӯҳҳои бадхоҳ гардида, ба Сурияву Ироқ мераванд. Ба ҳамин монанд дар шабакаҳои иҷтимоӣ низ аъзои ин гурӯҳҳо бо даъвати ба ном «ҷиҳод» ҷавононро фирефта карда, ба онҳо маблағи пулӣ ваъда мекунанд ва ба ҷанг мебаранд. Ба ин ваъдаҳои сохтаву бардурӯғ танҳо афроде фирефта мешаванд, ки дониши кофӣ ва ҷаҳонбинии васеъ надоранд.
Бунёди корхонаю коргоҳҳои хурду миёна дар ноҳияҳо ва рустоҳои дурдаст, тақсим кардани қитъаҳои замини наздиҳавлигӣ, рушди соҳаи кишоварзӣ, коркарди пахта, меваю сабзавот ва дигар маводи кишоварзӣ дар сатҳи маҳал боиси рушди иқтисод ва беҳшавии вазъи иҷтимоии сокинони маҳаллӣ хоҳад шуд ва ин боис мегардад, ки ҷавонон дар дохил соҳиби шуғл шаванд ва ба доми тазвири ифротиён наафтанд.
Шоёни зикр аст, ки талошҳои Ҳукумати Ҷумҳурии Тоҷикистон дар самти мубориза бар зидди терроризм ва ифротгароии замон натиҷаҳои дилхоҳ дода истодаанд. Ва баргузор гардидани Конфронси байналмилалии сатҳи баланд дар мавзӯи “Муқовимат бо терроризм ва ифротгароии хушунатомез” дар шаҳри Душанбе гувоҳи ин гуфтаҳост. Яъне Ҷумҳурии Тоҷикистон барои решакан кардани ин хатари ҷаҳонӣ дар сафи пеши мубориза қарор дорад.
Бахтиёр САМАДЗОДА,
сардори шуъбаи суди иқтисодии шаҳри Душанбе,
Зулфия САИДЗОДА,
судяи суди иқтисодии шаҳри Душанбе


Баёни ақида (0)    Санаи нашр: 21.05.2018    №: 99    Мутолиа карданд: 361

03.05.2019


 ТАВСЕАИ ҲАМКОРИҲОИ СОХТОРҲОИ ГЕОЛОГИИ ТОҶИКИСТОНУ ӮЗБЕ-КИСТОН

 МУЛОҚОТИ ИСМАТУЛЛО НАСРЕДИН БО МЕҲР ХОЛИД

 ФИЛМИ «ТАНГНО» АЗ ҚАЗОН БО ҶОИЗА БАРГАШТ

 ИҶОЗАТНОМА БАРОИ ФАЪОЛИЯТИ ОПЕРАТОРИ НИЗОМИ ПАРДОХТӢ

 ЁВОН. БУНЁДИ 341 ИНШООТ ТО ҶАШНИ ФАРХУНДА

 ВАРЗОБ. ФАРДО АЗ ИМРӮЗ ЗЕБОТАР ХОҲАД ШУД

 ОЛМОН ЗИДДИ ВУРУДИ НИЗОМИЁН БА ВЕНЕСУЭЛА

 ДАР ҲИНДУСТОН АЗ ХАТАРИ ТУНДБОДИ «ФАНИ» БЕШ АЗ 800 ҲАЗОР НАФАР КӮЧОНДА ШУД

 ПАРЛАМЕНТИ ҚИРҒИЗИСТОН КОРКАРДИ КОНҲОИ УРАНРО БОЗДОШТ

 ДАР ТУРКМАНИСТОН НАРХИ ЧИПТАИ ҲАВОПАЙМОҲО ДУ БАРОБАР БОЛО РАФТ

ТУРКИЯ СЕЮМ КИШВАРИ САБЗТАРИНИ ДУНЁ ЭЪТИРОФ ШУД

02.05.2019


 Ҳадияи раиси шаҳр ба ифтихори 74 – умин солгарди Рӯзи Ғалаба

 Мулоқоти Хусрав Нозирӣ бо Муҳаммад ибни Абдураҳмон

 Баррасии фаъолияти ҳуқуқэҷодкунӣ дар кишвар

 ҶОМИ КФО. Пирӯзии «Истиқлол» бар «Дордой»

 Баргузории мизи гирд доир ба дипломатияи мардумӣ дар Тошканд

 Ҷонибҳои тақобули Сурия қисме аз масоили баҳсиро ҳал намуданд

 ЮНИСЕФ: "Беш аз 2 миллион нафар мардуми Ангола аз хушксолӣ дар азоб аст"

Дар Ҷопон давраи нави Рэйва оғоз ёфт

 Ҷаҳон дар як сатр

01.05.2019


Ноболиғони тоҷик ба Ватан баргардонда шуданд

Вохӯрии Сироҷиддин Муҳриддин бо Ҳамад Солим

Рушди иҷтимоиву иқтисодии минтақаҳои кишвар матраҳ гардид

Се собиқадори тоҷик дар паради Ғалаба дар Москва ва Санкт - Петербург ширкат мекунанд

Дар Венесуэла исён зидди ҳукумат бебарор анҷом ёфт

Дар Либия 345 нафар қурбони бархӯрди мусаллаҳона гашт

Истеҳсоли рекордии чой дар Кения

Дар Париж ба барҷастатарин занҳои олим арҷгузорӣ намуданд

ҶАҲОН ДАР ЯК САТР

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид


Дар сомонаҳои дигари Тоҷикистон хонед