logo

иқтисод

САНГВОР. АВЛАВИЯТ БА РУШДИ УСТУВОР

Мақомоти иҷроияи маҳаллии ҳокимияти давлатӣ ва коллективҳои меҳнатии ноҳия баҳри иҷрои пурраи дурнамои рушди иҷтимоию иқтисодӣ талош варзида, дар семоҳаи аввали соли равон ба натиҷаҳои назаррас ноил гардиданд. Қисми даромади буҷети ноҳия 928 ҳазору 82 сомонӣ иҷро шуд, ки ба 101 дарсади нақша баробар буда, нисбат ба ҳамин давраи соли гузашта  151  ҳазору 355  сомонӣ зиёд мебошад.
Нақшаи андозҳо бо назардошти андози иҷтимоӣ ба маблағи 2 миллиону 18 ҳазору 872 сомонӣ ё 102 дарсад иҷро гардид. Тариқи “Равзанаи ягона” 70 субъекти соҳибкорӣ ба қайд гирифта шуд, ки нисбат ба ҳамин давраи соли гузашта 8 дарсад зиёд аст. Соҳибкорони инфиродӣ, ки бо шаҳодатнома ва  тариқи патент фаъолият доранд, аз ҳисоби ворид намудани маблағҳои нақшаӣ буҷети ноҳияро ғанӣ мегардонанд, ҳамчунин, дар ободонии ноҳия саҳм мегиранд.
Кишоварзӣ аз бахшҳои асосии хоҷагии халқи ноҳия маҳсуб ёфта, зиёда аз 70 дарсади аҳолии қобили меҳнат  дар ин соҳа фаъолият мекунад. Аз ин рӯ, тибқи ҳидояти Сарвари давлат, истифодаи босамару оқилонаи замин дар меҳвари таваҷҷуҳи мақомоти иҷроияи маҳаллии ҳокимияти давлатӣ ва кишоварзон қарор дорад.
Кишоварзон баҳори соли ҷорӣ дар ҳамаи шаклҳои хоҷагидорӣ дар майдони 1539 гектар, аз ҷумла дар 504 гектар ғалладона, 35 гектар зироатҳои техникӣ, 758 гектар картошка, 230 гектар сабзавот, 12 гектар хӯроки чорво кишт намуданд. Бунёди 24 гектар боғи нав дар нақша аст. Назар ба соли гузашта майдони кишти картошка 141 гектар васеъ карда шуд. Маҷмӯи маҳсулоти кишоварзӣ дар семоҳа ба 4,5 миллион сомонӣ баробар гардид, ки нисбат ба ҳамин давраи соли гузашта  300  ҳазор  сомонӣ зиёд аст.
Дар ҳудуди ноҳия 27,4 ҳазор сар чорвои калони шохдор, 56,9 ҳазор сар чорвои хурд, 554 сар асп, 43,8 ҳазор сар паранда ва 12 ҳазору нуҳсад  оилаи занбӯри асал  парвариш меёбад. Дар ин давра 221 тонна гӯшт, 482 тонна шир ва 317 ҳазор дона тухм истеҳсол гардидааст, ки дар муқоиса ба ҳамин давраи соли гузашта мутаносибан аз 5 тонна то 5 ҳазор дона зиёд мебошад.
Ноҳия дорои 597,4 ҳазор гектар замин, аз ҷумла 2825 гектар корам (1944 гектар обӣ, 767 гектар лалмӣ),  424 гектар боғ, 96 гектар алафзор, 170,9 ҳазор гектар чарогоҳ ва 19,7 ҳазор гектар ҷангалу бешазор мебошад.
Бо мақсади оқилона ва самаранок истифода бурдани замин ва афзун намудани истеҳсоли маҳсулоти кишоварзӣ дар ҳар ҷаласаю ҷамъомад аз масъулони соҳа раванди иҷрои нақшаи чорабиниҳо, ки дар ин бахш таҳия гардидааст, талаб карда мешавад. Аз тарафи кормандони кумитаи идораи замини ноҳия дар семоҳа 8 ҳолати вайронкунии қонунгузории замин ошкор гардида, баҳри бартараф намудани онҳо тадбирҳои мувофиқ амалӣ карда шуданд.
Таҳлилҳо нишон медиҳанд, ки барои пешравии соҳаҳои хоҷагии халқи ноҳия ҳанӯз на ҳамаи имкониятҳо пурсамар истифода мешаванд. Хусусан, дар бахшҳои саноату сохтмон, таъсис додани корхонаю коргоҳҳои саноатӣ бо ҷалби соҳибкорони ватанӣ ва ба ин васила ташкил намудани ҷойҳои нави корӣ ва ғанӣ гардондани буҷети маҳаллӣ, захираҳои истифоданашуда хеле зиёданд. Аз ин рӯ, мақомоти иҷроияи маҳаллии ҳокимияти давлатии ноҳия тамоми фаъолияти худро баҳри иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, истифодаи босамари захираю имконот, ислоҳи саривақтии камбудиҳо, ноил шудан ба рушди устувори иҷтимоию иқтисодӣ ва фароҳам овардани шароити мувофиқ ҷиҳати зиндагии шоистаи сокинони ноҳия равона  намудааст.
Зарифхӯҷа ШОҲИЁН,
раиси ноҳияи Сангвор 


Баёни ақида (0)    Санаи нашр: 21.05.2018    №: 99    Мутолиа карданд: 169

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал

ХАТЛОН. Рафти кишти такрорӣ бад нест, аммо...

Ҷаҳон дар як сатр

Путин зарурати рушддиҳии технологияҳои рақамиро таъкид кард

Ба Афғонистон низомиёни Амороти Муттаҳидаи Араб ва Қатар меоянд


Дар сомонаҳои дигари Тоҷикистон хонед