logo

фарҳанг

АЙНӢ. ҶОЙГОҲИ ФАРЗОНАФАРЗАНДОНИ МИЛЛАТ ДАР АДАБИЁТИ ҶАҲОНӢ

Устод Садриддин Айнӣ туфайли эҷоди асарҳои барҷастааш шуҳрати ҷаҳониро соҳиб гашт. Ӯро хуб мешинохтанд ва асарҳояшро, ки ба забонҳои гуногун тарҷума шуда буданд, бо шавқ мутолиа мекарданд.
«Франсузҳо, ворисони адабиёти бузурги Франсия ба қарибӣ бо забони модарии худ асари асосгузори адабиёти советии тоҷик Садриддин Айнӣ «Марги судхӯр»-ро, ки дар саҳифаҳои газетаи «Юманите» нашр гардида буд, хонданд» (Маҷаллаи «Тоҷикистон», № 10, соли 1958, саҳ. 8).
Дигар шоҳасари устод Садриддин Айнӣ «Ёддоштҳо» хонандагони зиёде дошта, дар доираи адабиёти ҷаҳонӣ мавқеи хосса дорад. Ҳанӯз соли 1958 нашриёти «Туҳфа» - и Байрут «Ёддоштҳо» - и классики адабиёти советии тоҷик Садриддин Айниро аз чоп баровард. Тарҷумаи ин асар ба қалами Аҳмад Абу Саид тааллуқ дорад. Дар маҷаллаи «Ал - адиб» - и Лубнон доир ба асари устод Айнӣ тақриз чоп мешавад.
«Ёддоштҳо», - гуфта мешавад дар он, - асари барҷастаи адабист. Ин асар аз ҳаёти худи нависанда дида, бештар зиндагии халқро, ки ҳафтод-ҳаштод сол пеш буд, инъикос мекунад».
Муаллифи тақриз аҳамияти умумиҷаҳонӣ доштани «Ёддоштҳо» - ро таъкид намуда, онро чунин баҳогузорӣ кардааст: «Номи Айнӣ асрҳо зинда хоҳад монд. Эҷодиёти ӯ адабиёти ҳақиқӣ мебошад. Асарҳои ӯ то ба қуллаи адабиёти ҷаҳонӣ расидаанд».
Бо қарори ЮНЕСКО соли 1978 садсолагии сардафтари адабиёти навини тоҷик Садриддин Айниро ҷашн гирифтанд. Ба ин муносибат аз ҷониби Ҷамъияти дӯстӣ ва алоқаҳои мадании Тоҷикистон бо мамлакатҳои хориҷӣ корҳои зиёди тарғиботӣ анҷом дода шуд. Мувофиқи дархости дӯстони хориҷӣ ҷамъият оид ба ҳаёт ва фаъолияти устод Айнӣ ба 59 давлати хориҷӣ маводи чопӣ фиристод. Инчунин, дар варақаи иттилоотии Ҷамъият - «Тоҷикистон», ки бо 5 забон (русӣ, фаронсавӣ, олмонӣ, англисӣ ва форсӣ) нашр мешуд, доир ба фаъолияти устод мақолаҳо чоп карда, якҷо бо маҷмӯи аксҳо ба 50 кишвари олам интиқол ёфт.
Нависандаи ӯзбек Комил Яшин нигоштааст, ки Садриддин Айнӣ ба корҳои илмӣ - тадқиқотӣ низ қувваю ғайрати зиёд сарф кардааст. Очеркҳои адабии бахшида ба ҳаёту фаъолияти Рӯдакӣ, Абуалӣ ибни Сино, Фирдавсӣ, Восифӣ, Бедил симои ин бузургонро ҳамаҷониба кушода додаанд. (Рӯзномаи «Тоҷикистони советӣ», ҳоло «Ҷумҳурият») № 241, 13 октябри соли 1968).
Бо муаррифӣ кардани симои чунин шахсиятҳои бузург ва туфайли заҳмати пурсамар боқӣ гузоштани осори зиёди илмию бадеӣ устод Айнӣ, барҳақ, шуҳрати ҷаҳонӣ касб намудаанд.
Аъзам МӮСОЕВ,
Корманди шоистаи Тоҷикистон


Баёни ақида (0)    Санаи нашр: 23.05.2018    №: 102    Мутолиа карданд: 249

20.10.2018


 ИДМ. Нозирони навраси тоҷик дар мақоми аввал

 Болоравии тавлидоти маҳсулоти саноатӣ

Рушди чорводорӣ

КАРТОШКАПАРВАРӢ. Талошҳо самар медиҳанд

 "Подоши амал" дар фестивали байналмилалӣ

 Дар ноҳияи Восеъ беш аз 200 иншоот месозанд

ҶОМИ ТОҶИКИСТОН. Ғалабаҳои "Истиқлол" ва "Хуҷанд"

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра


Дар сомонаҳои дигари Тоҷикистон хонед