logo

сиёсат

БА ИНСОН АРҶ ГУЗОРЕМ

Дар ҳошияи суханронии Cарвари давлат Эмомалӣ Раҳмон дар мулоқот бо намояндагони ҷомеаи кишвар


Суханронии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар мулоқот бо намояндагони ҷомеаи мамлакат санаи 12 майи соли равон  баргузор гардид, аз лиҳози вусъат, фарогирии масъалаҳо ва қаробат ба зеҳну тафаккури табақаҳои гуногуни ҷомеа қобили таваҷҷуҳ буд.

Инсон ва таҳкими ҷаҳони маънавӣ, арзишҳои диниву дунявӣ, вижагиҳои моҳи шарифи Рамазон ҳамчун айёми амалҳои хайру савоб, тақвияти мубориза алайҳи терроризму экстремизм аз умдатарин бахшҳои суханронии Пешвои муаззами миллат буданд. Агар дар маҷмӯъ нигоҳ кунем, дар маркази таваҷҷуҳи Сарвари давлат, пеш аз ҳама, инсон меистад, инсоне, ки маскуни гаҳвораи умумии башарият  - рӯи Замин аст ва на дар маҳдудаи ин ё он макони ҷуғрофӣ  зиндагӣ мекунад. Ба ин маънӣ, дар суханронӣ  дардҳои ҷомеаи имрӯзи башар ба таври фасеҳу возеҳ баён гардиданд.
Бо назардошти он ки ин  суханронӣ дар арафаи моҳи шарифи Рамазон доир гардид, Пешвои миллат асоси ҳикмати маънавии ин моҳро «ғолибияти ақл бар нафс» маънидод карданд, ки комилан дуруст буда, аз ҳикматҳои беш аз ҳазорсолаи инсон  ва таълимоти дини мубини ислом, ки «нафс таҳриккунанда ба сӯи бадиҳост» - мегӯяд, сарчашма мегирад. Дар ин бора Мавлоно мегӯяд:


Ҷумла Қуръон шарҳи хубси нафсҳост,
Бингар андар  мусҳаф, он чашмат куҷост?

Боиси таъкид аст, ки андешаҳои Пешвои миллат дар доираи андешаҳои мутафаккирони як халқу миллат маҳдуд набуд, балки дар зимни ин суханронӣ садҳо китобу рисолаҳо ва афкори ахлоқии башар таҷаммӯъ ёфта, дар суханҳои зерин: «ҳадафи ҳамаи динҳо тарбияи инсони комил аст» ба хубӣ ифода ёфта буд.
Масъалаи дигаре, ки дар суханронии Президенти маҳбуби мамлакат баён гардид, тағйирёбии иқлим, нақши инсон дар он ва паёмадҳои он дар зиндагии башар буд. Дар ин бахш бо мисолҳои мушаххас оид ба норасоии обу ғизо ва ҳалокати ҳазорон одамони сайёра, ки бар асари муносибати ғайриоқилонаи инсон бо табиат – хонаи умумии башарият ба тасодум ва буҳронҳои маънавию иҷтимоӣ ва иқтисодӣ мувоҷеҳ мегардад, изҳори назар карда шуд. Танҳо ҳамин ишораи Пешвои миллат, ки дар 70-80 соли охир тасарруфи инсон ба табиат ва тағйироти олам ба дараҷаест, ки дар зарфи мавҷудияти даҳҳазорсолааш мушоҳида нагардидааст, ҳар як сокини рӯи Заминро ба андеша водор мекунад.
Инсон, муаммоҳои ҷаҳонишавӣ, низоъҳо ва таъсири онҳо дар зиндагии инсоният. Таҳлили ин бахши андешаҳои Сарвари давлат низ, ки бо далелҳои қотеъ ва дақиқи илмӣ сурат гирифт, инсонро ба шинохти неъмати Истиқлолияти давлатӣ ва ваҳдати миллӣ, расидан ба қадри сулҳу субот, оромию осудагӣ, дӯст доштани Ватан ва арзишҳои он  раҳнамоӣ мекунад.  Зеро, имрӯз воқеан ҳам, инсониятро доман паҳн кардани ин падидаи номатлуб  ба ташвиш овардааст, ки ба сурати як навъ ориза, агар сари вақт пешгирӣ карда нашавад, инсониятро ба бадбахтиҳои гӯшношунид дучор карда метавонад. Ин  масъала идомаи мантиқии Конфронси байналмилалии сатҳи баланд дар мавзӯи «Муқовимат бо терроризм ва ифротгароии хушунатомез» аст, ки бо ташаббуси  Пешвои миллат муҳтарам Эмомалӣ Раҳмон  ва ҷалби ҷомеаи ҷаҳонӣ 4 майи соли ҷорӣ дар пойтахти кишвари азизамон шаҳри Душанбе баргузор гардида буд.
Заминаи аслии ин зуҳуроти нигаронкунанда нодонӣ, ноогоҳӣ, сатҳи пасти маърифатнокии иддае аз аъзои ҷамъият аст, ки ба доми тазвири душманони миллат меафтанд. Аз ин рӯ, ҳар фарди худогоҳи ҷомеаи осудаи моро зарур аст, ки алайҳи ҳама гуна равандҳои харобкор муқовимат карда, дар пойдории сулҳу ваҳдати комил саҳмгузор бошанд. Зеро, танҳо мавқеи устувор дар баробари ҷараёнҳои номатлуб ба дастовардҳои назарраси иқтисодиву иҷтимоии мамлакат афзуда, фазои зиндагии моро аз таҳдиди хатарҳо эмин нигоҳ медорад.
Тоҷибой СУЛТОНӢ,
мудири шуъбаи рушди иҷтимоӣ ва робита  бо ҷомеаи дастгоҳи раиси вилояти Суғд


Баёни ақида (0)    Санаи нашр: 23.05.2018    №: 102    Мутолиа карданд: 356

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед