logo

маориф

РӮЗГОРЕ БАРОИ ИБРАТ

Саттор Қувватов фаъолияти кориашро аз соли 1990 дар мактаб – интернати ҷумҳуриявии кӯдакони ношунавои ноҳияи Рӯдакӣ ба сифати мураббӣ оғоз бахшидааст. Баъдҳо дар ин муассисаи таълимӣ муовини директор оид ба корҳои тарбиявӣ ва таълимӣ буд. Алҳол мутахассиси забони имову ишора дар мактаб – интернати мазкур ва омӯзгори калони Донишгоҳи давлатии омӯзгории Тоҷикистон ба номи С. Айнӣ мебошад.
Чандин сол боз саъю кӯшишаш бар он аст, ки барои таълиму тарбия ва зиндагиву кори шоистаи ношунавоёни кишвар шароиту имкониятҳои бештару беҳтар фароҳам гардад.
Ӯ муаллифи китобҳои дарсии «Луғати ишоравии забони тоҷикӣ» (2008) Алифбо (барои синфи тайёрӣ, 2010), «Талаффуз» (барои синфи 1 – 2, 2010) «Инкишофи нутқ» (барои синфи 2, 2011), «Хониш» (барои синфи 3, 2013), ва «Имову ишора» (2015) аст.
Ба андешаи Саттор Қувватов ба кӯдакони ношунаво ҳар чи зудтар забони имову ишораро бояд омӯхт. Инчунин, зарур аст, ки онҳо ба таълиму тарбия ва касбомӯзӣ дар мактабҳои махсус фаро гирифта шаванд. Нигарониаш аз он аст, ки аксар падарону модарони ин қишри ҷомеа умед мебанданд, ки рӯзе ва ё соле фарзандонашон забон мекушоянд ва сухан мекунанд. Оқибат чунин умед бароварда намешавад, баъд барои омӯзиши онҳо таваҷҷуҳ зоҳир менамоянд, ки дар ин маврид таълиму тарбия самари хуб намедиҳад.
- Мо бояд аз ҳисоби ношунавоён мутахассисонро дар донишгоҳ омода созем. Муаллим ва мураббиёни муваффақ хоҳанд шуд. Ба дунёи ношунавоёни мактабхон онҳо бештару беҳтар роҳ бурда метавонанд. Ба ин васила соҳиби ҷойи кор ҳам мешаванд. Ношунавоён хотираи қавӣ доранд ва ҳам аз дигар истеъдодҳои фитрӣ бархӯрдоранд. Зарур аст, ки бо роҳҳои гуногун онҳоро кашф бикунем. Ин қарзу рисолати инсонӣ ва шаҳрвандии мо аст. Дар бархе аз кишварҳои пешрафта ношунавоён ба дастовардҳои бузурги илмӣ ноил гардида, рисолаҳои номзадиву докторӣ ҳимоя кардаанд, - мегӯяд Саттор Қувватов.
Ҳамин тавр, ӯ 28 соли умрашро сарфи таълиму тарбияи ношунавоён ва омӯзондани забони имову ишора ба волидону хоҳишмандон намудааст. Ёдовар мегардад, ки интихоби ин роҳ аз оғоз на танҳо як амри тасодуф, балки ҳидояту туҳфаи илоҳӣ буд ва тайи ин роҳи мушкилу кор дар ин соҳа аҷру подоши бузург дорад.
Абдулқодири РАҲИМ,
«Ҷумҳурият»


Баёни ақида (0)    Санаи нашр: 30.05.2018    №: 107    Мутолиа карданд: 852

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед