logo

иқтисод

ЗАРФҲОИ ЯККАРАТА. ИСТИФОДАИ ТАКРОРИИ ОНҲО ПАЙОМАДИ НОГУВОР ДОРАД

Мутахассисону олимони соҳаи тиб илман исбот кардаанд, ки истифодаи такрории зарфҳои пластикии яккарата ангезаҳои нохуш дар пай дошта,  истифодабарандагонро ба бемориҳои гуногун гирифтор мекунад. Пас, худдорӣ кардан аз истифодаи нодурусти зарфҳои полимерӣ барои ҳифзи саломатӣ муҳим аст.

Мутаассифона, имрӯз мо дар роҳраву бозорҳо, манзилҳои истиқоматӣ, кӯчаю маҳаллаҳо зиёд вомехӯрем, ки аз чунин зарфҳо бо такрор истифода мебаранд. Махсусан, фурӯшандаҳои обҳои газноку ташнашикан, ки дар ин мавсим сари ҳар қадам ба назар мерасанд, дар зарфҳои полимерӣ, ба истилоҳ – баклашкаҳои истифодашуда дубора об пур карда ба мизоҷон пешкаш мекунанд.  Аз ин зарфҳо дар нуқтаҳои хӯроки умумии тезтайёри сарироҳӣ бештар истифода мебаранд.
Чунонки мутахассисони «Тоҷикстандарт»  зимни суҳбат ба хабарнигори рӯзнома  иттилоъ доданд, зарфҳо вобаста ба маводи истифодашаванда ба намудҳои металлӣ, полимерӣ, қоғазӣ, картонӣ, шишагӣ, чӯбӣ, аз маводи омехта, саноатӣ,  бофандагӣ, сафолӣ ва ғайра тақсим мешаванд ва бояд аз рӯи бехатарӣ ба талаботи  нишондодҳои санитарӣ - беҳдоштӣ, устувории кимиёӣ ва  ҳавоногузарӣ ҷавобгӯй бошанд. Мутобиқи талаботи ҳуҷҷатҳои меъёрӣ - техникӣ ва Регламенти техникии  «Бехатарии борҷома» истифодаи дубораи зарфҳои полимерӣ манъ мебошад, вале ин амал айни ҳол бисёр ба назар расида, ба як кори маъмул табдил ёфтааст.
- Зарфҳои полимерӣ аз рӯи таъйиноташон ба гурӯҳи истифодаашон яккарата дохил буда, бештар барои  нигоҳдории нӯшокиҳои хунук ва равғанҳо истифода мешаванд. Ҳангоми истифодаи дубора эҳтимолияти хатарнокии   онҳо баланд мегардад. Муҳлати нигоҳдории зарфҳои полимерӣ аз рӯзи истеҳсолашон 12 моҳ мебошад. Пас аз гузаштани муҳлати истифода ранг  ва сохти маҳсулот дигар мешавад ва истифодаи он ҷоиз нест. Ба истифодабарандагон тавсия дода мешавад, ки ба ҷои зарфҳои пластикии яккарата аз зарфҳои шишагин, металлӣ, сирдор ва амсоли инҳо, ки бехавфанд, пайваста истифода баранд, - гуфт мутахассиси соҳа А. Қодиров.
Боиси нигаронист, ки баъзеҳо зарфҳои пластикиро, ки аллакай 1 маротиба истифода шудаанд, аз роҳраву партовгоҳҳо ҷамъоварӣ карда, такроран мавриди истифода қарор медиҳанд. Мутаассифона, дар баробари калонсолон кӯдакону наврасон низ ба чунин кор машғуланд.
Набояд фаромӯш кард, ки шир ҳам аз ҷумлаи маҳсулотест, ки ҳангоми дар зарфи пластикӣ нигоҳ доштан сифаташро гум карда, турш ва барои саломатӣ зараровар мегардад.
- Зарфҳои пластикӣ аслан аз маҳсулоти полимерӣ, аз қабили полиолефин, поливинхлорид, полистирол, поликарбонат, амнопласт омода шуда, дар таркиби онҳо окситолуол, гексометилендиамин, дифенилпропан, Е - каптролактам, меламин, стерол, фенол , формалдегид, синк, фтор, тинувин Р, сурб ва як қатор маводи дигари кимиёвӣ мавҷуданд ва дар ҳолати риоя нагардидани талаботи истифодабарии дурусти зарфҳо онҳо ба маҳсулоти хӯроквории гирифта омехта шуда, ба организми инсон ворид мегарданд. Ҳамчунин, зери таъсири ҳарорати баланд, нурҳои ултрабунафш ва дигар омилҳои муҳити атроф ҳолати физикию кимиёӣ ва механикии онҳо вайрон шуда, ба саломатии инсон таъсири манфӣ мерасонанд, - гуфт Зоиршо Ишратов, мутахассиси Сарраёсати нозироти давлатии санитарию эпидемиологӣ.
Ба гуфтаи мутахассисони соҳа, истифодаи нодурусти зарфҳои пластикӣ ба узвҳои роҳи нафас, гурда, меъда,  ҷигар, талха, масона ва чанде аз узвҳои дигари  организми инсон зарар дошта, ба безурётӣ оварда мерасонад. Донистан муҳим аст, ки таъсири он на яку якбора, балки бо гузашти вақт аён мешавад.
Ниҳодҳои мутасаддиро зарур аст, ки ин масъаларо зери назорати ҷиддӣ қарор диҳанд ва дар байни аҳолӣ корҳои фаҳмондадиҳиро бештар ба роҳ монанд. Чунки аксари сокинони кишвар зарари чунин зарфҳоро намедонанд. Хусусан дар рӯзҳои гарм аз харидории маҳсулоте, ки дар дохили зарфҳои пластикии якчанд бор истифодашуда ҷойгиранд, худдорӣ намудан даркор аст.
Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 01.06.2018    №: 109    Мутолиа карданд: 335

22.10.2018


МАҲСУЛОТИ БЕҲТАРИН - муаррифии кишвар дар ҷаҳон

Ба муҳоҷирати меҳнатӣ рафтани тоҷикистониён кам шуд

Россия ва Ӯзбекистон ба маблағи $27 миллиард созишнома имзо карданд

Беш аз 2100 нафар қурбони заминларза дар Индонезия гашт

Конфронси Мюнхен оид ба амният бори нахуст дар Минск доир мегардад

Масири нави ҳавоӣ ҳафт шаҳри Туркияро бо Қирғизистон мепайвандад

Ҷаҳон дар як сатр

ЧЕМПИОНАТИ ОСИЁ. Тоҷикистон онро бо пирӯзӣ оғоз кард

20.10.2018


 ИДМ. Нозирони навраси тоҷик дар мақоми аввал

 Болоравии тавлидоти маҳсулоти саноатӣ

Рушди чорводорӣ

КАРТОШКАПАРВАРӢ. Талошҳо самар медиҳанд

 "Подоши амал" дар фестивали байналмилалӣ

 Дар ноҳияи Восеъ беш аз 200 иншоот месозанд

ҶОМИ ТОҶИКИСТОН. Ғалабаҳои "Истиқлол" ва "Хуҷанд"

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист


Дар сомонаҳои дигари Тоҷикистон хонед