logo

иқтисод

ОБ. НУФУЗИ БАЙНАЛМИЛАЛИИ ТОҶИКИСТОН МЕАФЗОЯД

Тоҷикистон дорои захираҳои бузурги об мебошад. Тибқи омори расмӣ, дар қаламрави кишвари мо зиёда аз 60 дарсади захираи обии минтақаи Осиёи Марказӣ ташаккул меёбад. Сарфи назар аз ин, Ҷумҳурии Тоҷикистон аз солҳои аввали соҳибистиқлолӣ бори рисолати ҳамқаринии давлатҳои ҷаҳонро пазируфт ва бо ибтикору пешниҳодҳои созандаи хеш доир ба масъалаҳои об дар арсаи байналмилалӣ маъруф гардид.

22 марти соли 2018 Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар иҷлосияи 72- юми Маҷмаи умумии Созмони Милали Муттаҳид ширкат варзида, раванди татбиқи Даҳсолаи байналмилалии амал «Об барои рушди устувор, солҳои 2018-2028» - ро ҳусни оғоз бахшид. Ин ташаббуси нави глобалии Президенти Ҷумҳурии Тоҷикистон муҳтарам Эмомалӣ Раҳмон мебошад, ки аз ҷониби кулли давлатҳои ҷаҳон ва ҷомеаи байналмилалӣ дастгирӣ ёфт.
Тоҷикистон ҷиҳати дарёфти роҳҳои ҳалли мушкилоти вобаста ба об, ки аз проблемаҳои глобалии имрӯзу фардои сайёра маҳсуб меёбад, пайваста талош меварзад. Эълон гардидани Соли байналмилалии оби тоза (2003), Даҳсолаи байналмилалии амалиёти «Об барои ҳаёт» (2005 – 2015), Соли байналмилалии ҳамкорӣ дар соҳаи об (2013), Даҳсолаи байналмилалии амал «Об барои рушди устувор, солҳои 2018 – 2028», ҳамчунин, барои бо оби тозаи нӯшиданӣ таъмин намудани кишварҳои Осиёи Марказӣ таъсис додани Консорсиуми байналмилалӣ доир ба истифодаи оби кӯли Сарез, Бунёди байналмилалии  ҳифзи пиряхҳо аз ҷумлаи ташаббусҳои Президенти Ҷумҳурии Тоҷикистон мебошанд.
Дар доираи ташаббусҳои сатҳи ҷаҳонии Сарвари давлат дар мамлакатҳои гуногун, аз ҷумла кишвари мо, конфронсу симпозиумҳои зиёди сатҳи баланди ҷаҳонӣ баргузор гардиданд, ки дар онҳо масъалаҳои муҳими доир ба об мавриди баррасӣ қарор гирифтанд. Ҳамчунин, дар ин ҳамоишҳои сатҳи баланд Тоҷикистон дар арсаи байналмилалӣ ҳамчун кишвари пешоҳанги ҳалли масъалаҳои марбут ба об муаррифӣ шуд.
Норасоии об ва андешидани тадбирҳо ҷиҳати дастрасӣ ба оби тозаю санитария мушкилоти доғи сайёра ба ҳисоб меравад. Бино ба маълумоти ниҳодҳои соҳавии Созмони Милали Муттаҳид, то охири даҳсолаи ҷорӣ ҳудуди ду миллиард ва то соли 2030 зиёда аз 40 дарсади аҳолии кураи Замин ба мушкили камбуди об дучор хоҳад гардид. Маҳз бо назардошти ҳамин мушкилоти глобалӣ ва ҳалли масоили дигари алоқаманд бо об давлатҳо ва созмонҳои байналмилалӣ бояд доир ба истифодаи оқилонаи захираҳои обӣ ва андешидани тадбирҳо барои дастрасӣ ба оби тоза ҳамкориву шарикии созандаро ба роҳ монанд. Амалигардонии ташаббуси навбатии Президенти Ҷумҳурии Тоҷикистон муҳтарам Эмомалӣ Раҳмон  барои расидан ба Ҳадафҳои Рушди Устувори вобаста ба об, ки дар меҳвари Ҳадафҳои Рушди Ҳазорсола қарор дорад, мусоидат хоҳад намуд.
Маҳмадшариф КАРИМОВ,
донишҷӯи Донишгоҳи аграрии Тоҷикистон


Баёни ақида (0)    Санаи нашр: 04.06.2018    №: 110-111    Мутолиа карданд: 479

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед