logo

иқтисод

ДУШАНБЕ. МУҲИТИ ПОКУ БЕОЛОИШ МЕСОЗЕМ

Асоси ҳифз ва нигоҳдории ҳамаи манбаъҳои табиӣ, аз ҷумла об, муҳити тоза ва солим ба ҳисоб меравад. Имсол, ки татбиқи Даҳсолаи байналмилалии амал «Об барои рушди устувор, солҳои 2018 – 2028» оғоз гардид, масоили ҳифзи муҳити зист аз пештара дида аҳамияти бештар пайдо кард. Чанд омили таъсиррасон ба муҳит мавҷуд аст, ки аз ҳар яки мо, шаҳрвандони Тоҷикистон, масъулияти беш аз пеш тақозо менамояд. 

“Тозагии соҳил” - тозагии Душанбешаҳр  
Пойтахти кишвар рӯз ба рӯз тозаву озода ва зебо шуда истодааст. Аз вусъати корҳои ободонию созандагӣ симои шаҳр комилан тағйир ёфта, самаранокии гузариш ба марҳилаи нави рушд тавсеа меёбад. Муносибати аҳолӣ бо муҳити зист ҳам дигаргун ва маърифати экологӣ беҳтар шуда истодааст. Дар пайи амалисозии иқдомҳои созандаи шаҳрдорӣ - аксияҳои экологии “Тозагии соҳил” ва “Тозагии маҳал” бо ҳамдастии кормандони сохторҳои шаҳрӣ, корхонаву ташкилотҳои саноатӣ, донишҷӯёни донишгоҳу донишкадаҳо, хонандагони мактабҳои таҳсилоти миёнаи умумӣ ва аҳли ҷамоатчигии шаҳраку маҳаллаҳо, тозагии муҳити зист, хусусан покиза нигоҳ доштани оби нӯшоӣ, хеле беҳтар шуд. Дар доираи аксияҳо атрофи бисёр каналҳо ва селпартоҳо тоза карда шуда, ҳолати ифлосшавии оби дарёҳо пешгирӣ гардид. Масалан, моҳи майи соли ҷорӣ дар доираи аксияи “Тозагии соҳил” соҳили дарёи Лучоб, каналу селпартоҳои Оқ-қӯрғон, Будёний, Чортут - 1 ва Чортут - 2, ҳамчунин, соҳилҳои Шӯраксой ва обпартои хиёбони Ҳофизи Шерозӣ аз партов ва лойу гил тоза ва ба партовгоҳи шаҳрӣ бароварда шуд. Корҳо дар ин самт идома дошта, ба тарғибу ташвиқи оқилона истифода бурдани об таваҷҷуҳи бештар зоҳир мегардад.

Мушкили асосӣ
Идоракунии партовҳо ва коркарди такрории партов яке аз масъалаҳои муҳим дар самти таъмини беҳдошти муҳити зист ба шумор меравад. Зеро, ҳарчанд дар пойтахти кишвар корхонаҳои хурд ба коркарди такрории партов машғул бошанд ҳам, вале фаъолияти сехҳо ҳанӯз қонеъкунанда нест. Аз ҷониби дигар, шаҳрвандон худ партовро ба навъҳо ҷудо намекунанд. Ба КВД «Партовгоҳи  партовҳои сахти маишии шаҳри Душанбе»,  ки дар километри 11 - уми шоҳроҳи Душанбе – Ваҳдат воқеъ аст, ҳар рӯз аз корхонаҳои воҳиди давлатии партовкашонӣ ба ҳисоби миёна 700 - 850 тонна партовҳои сахти маишӣ бароварда,  безарар гардонда мешаванд. Тибқи маълумоти расмӣ, дар ҳудуди шаҳри Душанбе 1575 нуқтаи партовҷамъкунӣ ва шахтаи биноҳои истиқоматии баландошёна барои ҷамъ кардани партовҳои аҳолӣ, корхонаву иншоот, нуқтаҳои хурди савдо ва хӯроки умумӣ мавҷуд аст.

Камбудиҳо бартараф мешаванд
Нурулло Раҳимов, сардори раёсати ҳифзи муҳити зисти шаҳри Душанбе, иброз дошт, ки барои беҳтар кардани ҳолати экологии пойтахт ва ҳифзи муҳити зист раёсат қариб ҳамарӯза санҷишҳои назоратӣ ва рейдҳои фаврӣ мегузаронад. Санҷишҳо нишон доданд, ки дар ин самт ҳанӯз камбудиҳо зиёданд. Дар давоми панҷ моҳи сипаришуда нисбат ба шахсони қонуншикан 223 протоколи ҳуқуқвайронкунии маъмурӣ тартиб дода шуда, маблағи зарар 44750 сомониро ташкил дод. Гузашта аз ин, аз ҳисоби 10 нафар шахсони воқеӣ ва ҳуқуқӣ барои худсарона буридани дарахтон ба маблағи умумии 41350 сомонӣ товони зарар рӯёнда шуд.

Як иқдоми муҳим
Бо дастуру супоришҳои Сарвари давлат муҳтарам Эмомалӣ Раҳмон шурӯъ аз моҳи феврали соли 2017 корҳои ободониву хуррамгардонӣ дар шаҳру навоҳии пойтахт вусъати тоза пайдо кард. Махсусан ба истифода додани майдончаҳои варзишӣ ва қитъаҳои кабудизоркунӣ аз ҷониби 48 ташкилоту идора вазъи экологии шаҳри Душанберо бамаротиб беҳтар намуд. Дар маҷмӯъ барои беҳсозиии пойтахт аз оғози сол 70825 бех ниҳоли ороишиву сояафкан, мевадиҳанда ва буттагӣ шинонда шуда, дар майдони қариб 2 миллион метри мукааб гул кишт карда шуд. Пешрафти корҳои ободонию созандагӣ ҳамеша зери назорати доимии раиси шаҳр Рустами Эмомалӣ қарор доранд.
О. ВАФОБЕК,
“Ҷумҳурият”


Баёни ақида (0)    Санаи нашр: 05.06.2018    №: 112    Мутолиа карданд: 416

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед