logo

иқтисод

ЛАХШ. КАРТОШКАПАРВАРӢ АЗ БАХШҲОИ АФЗАЛИЯТНОК АСТ

Бо дастгирии ҳамешагии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳия пешравиҳои назаррас ба вуқӯъ пайвастанд ва симои ин диёри дурдасти кишвар ба куллӣ дигаргун гардид. Дар заминаи заҳмату талошҳои роҳбарият ва аҳли заҳмати ноҳия соҳаҳои иқтисодию иҷтимоии он босуръат рушд намуда истодаанд. 
Бо мақсади  таъмини рушди устувори иқтисодию иҷтимоии соҳаҳои хоҷагии халқи ноҳия дастгирии кишоварзон ва фароҳам овардани шароити хуб барои парвариши зироат яке аз самтҳои асосии фаъолияти мақомоти иҷроияи маҳаллии ҳокимияти давлатӣ қарор гирифтааст. Ба ин васила даромаднокии соҳа дар маҳал меафзояд. Даромади  умумии  кишоварзони  ноҳия тайи  семоҳаи аввали сол қариб ба 6,9 миллион сомонӣ расид, ки дар муқоиса ба  ҳамин давраи соли гузашта 224,5 ҳазор  сомонӣ бештар аст.
Соҳаи картошкапарварӣ барои сокинони ноҳия яке аз бахшҳои афзалу ояндадор маҳсуб меёбад.  Иқлим  ва заминҳои доманфароху ҳосилхези водии Лахш  барои кишти хушсифати картошка мувофиқанд. Роҳбарияти ноҳия ба василаи таъмиру барқарорсозии шабакаҳои обёрӣ, зиёд намудани тухмиҳои серҳосили навъи маҳаллӣ ва таъмини техникаи кишоварзӣ майдони  кишти картошкаро  хеле фарох намуд. Соли  ҷорӣ, тибқи дурнамо,  кишти картошка дар ноҳия 2500 гектар тасдиқ гардида бошад ҳам, дар асоси  дастуру супориш ва дастгириҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон майдони кишт ба 3 ҳазор гектар расонда шуд. Ҷиҳати пурра обёрӣ намудани заминҳои картошкапарварӣ ва зироатҳои дигари кишоварзӣ  бо дастур ва дастгирии Сарвари давлат муҳтарам Эмомалӣ Раҳмон каналҳои ҳудуди ноҳия пурра таъмир ва барои обёрӣ омода гардиданд.
Бо истифода аз имкониятҳои васеи табиӣ чорводорон низ ба дастовардҳои назаррас комёб шуда истодаанд. Танҳо саршумори чорвои  калони шохдор дар ҳамаи шаклҳои хоҷагидории ноҳия  наздики 30 ҳазор сарро ташкил медиҳад, ки  аз он қариб нимаш модагов аст. Чорвои  майда қариб 135 ҳазор сарро ташкил медиҳад.
Шароиту имкониятҳои фароҳамовардаи Ҳукумати ҷумҳурӣ ба пешрафти соҳаи занбӯриасалпарварӣ низ мусоидат намуд ва дар ин давра шумораи оилаҳои занбӯри асал қариб ба 5 ҳазор адад расонда шуд. 
Мақомоти иҷроияи маҳаллии ҳокимияти давлатии  ноҳия ҷиҳати боз ҳам рушду нумӯъ бахшидани  соҳаҳои иқтисодию  иҷтимоӣ, вусъати корҳои ободонию созандагӣ бо ҷалби соҳибкорон ва ғанӣ гардондани буҷети маҳаллӣ пайваста тадбирҳо меандешад. Имкониятҳои  рушди иқтисодӣ дар  ноҳия зиёданд. Моро зарур аст, ки аз дастуру ҳидоятҳои судманди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон самаранок истифода намуда, ба муваффақиятҳои беназир ноил гардем. Бо ин роҳ таъмини рушди иқтисодию иҷтимоӣ, таъсиси ҷойҳои нави кор ва фароҳам овардани шароит барои зиндагии шоистаи сокинон имконпазир мегардад.  
Файзулло БАРОТЗОДА,
раиси ноҳияи Лахш


Баёни ақида (0)    Санаи нашр: 05.06.2018    №: 112    Мутолиа карданд: 260

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед