logo

сиёсат

ИНСОН ДАР МАДДИ АВВАЛ

Дар ҳошияи мулоқоти Пешвои миллат бо намояндагони ҷомеаи кишвар
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар мулоқот бо фаъолон ва намояндагони ҷомеаи кишвар изҳор доштанд: «Вобаста ба моҳи шарифи Рамазон дар таълимоти пешвои мазҳаби ҳанафия Имоми Аъзам таъкидҳои зиёд ҷой дошта, аз ҷумла ӯ худдорӣ намудан аз суханҳои ношоиста ва рафтори нописандида, яъне нигоҳ доштани покии забон ва амалҳои шоистаро амри ҳатмӣ дониста, одоби баланди муошират ва бо муҳаббату самимият муомила кардан ба наздикону атрофиёнро шарти муҳими тақводорӣ медонист ва риояи онро аз тарафи пайравонаш воҷиб мешуморид».
Воқеан, аз қадимулайём дар оилаи тоҷикон ба тарбияи кӯдак диққати махсус дода мешавад. Кӯдаконро аз хурдсолӣ дар рӯҳияи эҳтиром ба калонсолон, муомилаи хуб бо атрофиён, хушгуфторӣ ва меҳмоннавозӣ тарбия мекарданд ва имрӯз он анъанаҳои нек идома доранд.
Дар асл тарбия дар оила дар робита бо муносибатҳои байниҳамдигарии волидайн, муносибати хоҳарону бародарон ва дигар аъзои оила ташаккул меёбад. Гузаштагони мо чунин меҳисобиданд, ки агар писар тарбияи хуб гирад, ба фоидаи оила аст ва агар духтар тарбияи хуб гирад, аз он миллат манфиат мегирад. Яъне тарбияи духтар нисбат ба тарбияи писар кӯшишу заҳмати зиёдтарро талаб мекунад, зеро духтар дар оянда модар шуда, дар тарбияи насли наврас саҳмгузори асосӣ мегардад.
Имоми Аъзам таъкид кардааст: «Агар шахс барои ризои Худо дар моҳи Рамазон як амали хайр анҷом диҳад, ба шахсе баробар аст, ки ҳафтод амали фарзиро дар ғайри моҳи Рамазон анҷом медиҳад». Дар ин ҷода дасти кумак дароз кардан ба ятимону маъюбон ва ниёзмандону камбизоатҳо аз ҷониби соҳибкорону ашхоси ҳиматбаланд ба ҳукми анъанаи нек даромада истодааст.
Бинобар ин, дар оила бояд ба ин масъала аз ҷониби калонсолон ва волидон диққати махсус дода шавад. Кӯдак бояд аз хурдсолӣ донад, ки дасти ёрӣ дароз кардан ба ниёзмандон ин ҳиматбаландӣ ва хислати неки инсонӣ мебошад. Фазилатҳои неки дилсӯзӣ, ғамхорӣ, тараҳҳум ба ниёзмандон, ҳамчун як қисми таркибӣ ва ҷудонашавандаи тарбияи фарзанд бояд талқин карда шаванд. Волидон ин хислатҳои некро дар рафтору кирдори ҳамарӯзаи худ нисбат ба ниёзмандон дар амал нишон диҳанд.
Пешвои миллат дуруст зикр карданд: «Дар хотир бояд дошт, ки тибқи таълимоти ислом, барои ободии Ватан анҷом додани амалҳои хайр ибодат буда, аҷру савоби онҳо барои шахсоне, ки ба корҳои неку савоб иқдом мекунанд, бардавом ва ҷория аст».
Мо, муҳаққиқони соҳаи мардумшиносӣ, ҷонибдории худро ба гуфтаҳои Пешвои миллат таъкид намуда, илова менамоем, ки дар ин самт, махсусан дар деҳот, бунёди марказҳои саломатӣ, таваллудхонаҳо, кӯдакистонҳо, мактабҳо  ва китобхонаҳо барои баланд бардоштани мавқеи иҷтимоӣ-иқтисодии занҳо, ки саҳмгузори тарбияи арзандаи насли оянда низ ба ҳисоб мераванд, дорои аҳамияти калон буда метавонанд.
Л. ДОДХУДОЕВА, З. ЮСУФБЕКОВА,
М. ШОВАЛИЕВА, М. МАҲМУДОВА,
кормандони Институти таърих, бостоншиносӣ ва мардумшиносии ба номи Аҳмади Дониш


Баёни ақида (0)    Санаи нашр: 11.06.2018    №: 116    Мутолиа карданд: 149

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал

ХАТЛОН. Рафти кишти такрорӣ бад нест, аммо...

Ҷаҳон дар як сатр

Путин зарурати рушддиҳии технологияҳои рақамиро таъкид кард

Ба Афғонистон низомиёни Амороти Муттаҳидаи Араб ва Қатар меоянд


Дар сомонаҳои дигари Тоҷикистон хонед