logo

ҳуқуқ

ПЕШВОИ МИЛЛАТ: "ҶАВОНОН БОЯД САБАҚҲOИ ИСТИҚЛОЛИЯТРО ОМӮЗАНД"

Масъалаи сиёсати давлатии ҷавонон, нақш ва иштироки бевоситаи онҳо дар ҳаёти ҷомеа ҳамеша дар маркази  таваҷҷуҳи Сарвари давлат Эмомалӣ Раҳмон қарор доранд. Тӯли қариб 27 соли Истиқлолияти давлатӣ Президенти кишвар панҷ маротиба бо ҷавонон мулоқот анҷом доданд, ки дар онҳо масъалаҳои зиёди ҳаёти наврасону ҷавонон мавриди баррасиву таҳлил қарор гирифтаанд.

Нахустин мулоқоти Президенти ҷумҳурӣ бо ҷавонон ҳангоми Анҷумани якуми ҷавонони Тоҷикистон 17 марти соли 1994 дар шароите доир гардид, ки Тоҷикистон ҳамчун кишвари соҳибистиқлол шинохта мешуд. Дар ҳамин шароит, чун аксарияти аҳолии Тоҷикистон ҷавонон буданд, ҷалби насли ҷавон ба фаъолиятҳои сиёсӣ ва беҳтар гардондани вазъи сиёсию иҷтимоӣ дар кишвар мувофиқи мақсад буд.
Баъдан, 23 майи соли 1997, 16 майи соли 1998, 21 майи соли 2005 ва 13 майи соли 2013 ва соли 2017 ба ифтихори Соли ҷавонон Президенти кишвар бо ҷавонон мулоқотҳо баргузор намуданд.
Дар як мулоқот Президенти мамлакат бевосита таъкид намуда буданд, ки «Ҷавонон бояд сабақҳои истиқлолиятро ҳаматарафа омӯзанд, аз равандҳои солиму носолими сиёсати имрӯз огоҳ бошанд, таърихи гузаштаву ҳозираи халқи худро гаштаву баргашта варақ зананд ва аз Ватан, миллат, забон ва фарҳанги худ ифтихор намоянд». Зимни ин мулоқотҳо ҷавонон бо дарки масъулият қавл доданд, ки сиёсати пешгирифтаи Сарвари давлатро ҷонибдорӣ мекунанд ва дар ҳаёти сиёсию иқтисодӣ ва фарҳангии ҷумҳурӣ саҳмгузор мешаванд.
Пешвои миллат Эмомалӣ Раҳмон ҳангоми мулоқот бо намояндагони ҷомеаи кишвар, 12 майи соли ҷорӣ, бори дигар таъкид карданд: «Дар шароите, ки арзишҳо таҳти таъсири равандҳои ҷаҳонишавӣ босуръат тағйир ёфта, муборизаи қудратҳои ҷаҳонӣ барои аз нав тақсим кардани дунё ва неъматҳои моддӣ торафт шиддат гирифта истодааст, тавассути корҳои тарбиявию маърифатӣ ҳифз ва тарғиб намудани арзишҳои меҳварие, ки тафаккур ва амали насли имрӯзу фардои миллатро ташаккул ва рушд медиҳанд, ногузир ва ҳатмӣ мебошад».
Чуноне ки таҳлили ҳодисаҳои кишварҳои ҷангзада шаҳодат медиҳанд, гурӯҳҳои манфиатхоҳ барои татбиқи мақсадҳои ғаразноки аз ин се қишри ҷомеа истифода мекунанд: аввалан, ҷавонони аслан камсаводу ҷаҳонбиниашон ғайриилмию маҳдуд; сониян, баъзе пешвоёни дин, ки дар гузашта аксаран ба ҳамин қишри ҷавонон мансуб буданду  тадриҷан аз он сабзидаанд; солисан, қисмате аз пешвоёни дин, ки ҳарчанд соҳибмаълумоту аз ҳаводиси сиёсии ҷаҳон огаҳанд, вале ба хотири манофеи дунявии худ бо қурбон сохтани манофеи халқу миллату давлату дин ба ҳама гуна аъмоли зишту ғайриинсонӣ қодиранд.
Ҳамин аст, ки Пешвои миллат муҳтарам Эмомалӣ Раҳмон ба тарбияи ватанпарастӣ ва эҳтироми таърихи миллат диққати махсус дода, ҷавононро доим таъкид менамоянд, ки аз фаъолияти созанда ва содиқонаи насли калонсоли бун-нёдкор ибрат гиранд.
Сабаби ёдовар шудани ғамхориҳои Сарвари давлат нисбат ба ҷавонон танҳо як чиз аст. Мо ҳамарӯза дар муассисаҳои ислоҳӣ бо ҷавонони гумроҳу ҷинояткор сару кор дорем. Вақте аз саргузашти талхи онҳо воқиф мешавем, маълум мегардад, ки аз таҳсил, тарбия, корҳои ҷамъиятӣ ва меҳри гарми волидон бебаҳра монда, даст ба ҷиноятҳои гуногун задаанд. Пас аз содир кардани кирдори ношоиста пушаймонанд ва ба чеҳраҳои хандони донишҷӯёну мактаббачагони кӯча бо ҳавасу ҳасрат менигаранд. Аз ин сабаб, аз ҳар як падару модар даъват ба амал меорем, ки пеш аз таъмини шароити бодабдаба ва мусоидат ба зиёдаравии фарзандонашон ба таълиму тарбияи онҳо бештар таваҷҷуҳ кунанд. Зеро маҳз меҳру муҳаббат ва донишу одоби худи волидайн фарзандро чун инсони комил метавонад ба воя расонад.
Рустам АЗИЗЗОДА,
ёрдамчии калони  прокурори назорати  иҷрои қонунҳо дар муассисаҳои ислоҳӣ  ва иҷрои ҷазои ҷиноятӣ


Баёни ақида (0)    Санаи нашр: 18.06.2018    №: 119    Мутолиа карданд: 202

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед