logo

туризм

МУЪМИНОБОД. РУШДИ САЙЁҲӢ РУШДИ ЯК МИНТАҚАИ КӮҲСОР АСТ

Бо ташаббуси бунёдкоронаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  эълон гардидани соли 2018  Соли рушди сайёҳӣ ва ҳунарҳои мардумӣ дар ноҳияи Муъминобод ҳамовозии гарму самимӣ пайдо намуд. Ин бешубҳа, ба бунёди инфрасохтори сайёҳӣ, пазироии ҳарчи бештари сайёҳон, эҳё ва рушди ҳунарҳои мардумӣ, ба шуғли самаранок фаро гирифтани шаҳрвандон ва баланд гардидани сатҳи зиндагии онҳо мусоидат мекунад.

Ноҳия бо осорҳои таърихӣ, манзараҳои зебои табиат, обҳои софу сарди рӯдҳои аз дараҳо ҷоришаванда ва чашмаҳои поку зулол, ҷангалзори дарахтони гуногуни мевадори доманаи кӯҳҳои сарбафалаккашида, хониши парандагони хушнаво, боғоти меваҳои шаҳдогин, гиёҳҳои шифобахш, боду ҳавои форам ба рушди сайёҳӣ мувофиқ ва созгор аст.
Махсусан, чеварон ва устоҳои ноҳия бо маҳсулоти дастиашон, аз ҷумла сӯзанию чакану қуроқ, думбураву доира ва торҳои зебою хушнавояшон, ки аз чӯби туту зардолую арча месозанд, маъруфу машҳуранд.  Солҳои охир бошад, зардӯзию шероздӯзӣ дар байни занону духтарон  ва табақу чумчатарошӣ дар байни устоҳои чӯбкор хеле тавсеа ёфтааст. Бо мақсади рушд ва эҳёи ҳунарҳои мардумӣ  соҳибкорон, бахусус занони ҳунарманд барои иштирок ва ба даст овардани грантҳои Президенти Ҷумҳурии Тоҷикистон ва гранти раиси вилояти Хатлон дар озмуну чорабиниҳо ширкат меварзанд. Дар ноҳия теъдоди ҳунармандони чирадаст, аз ҷумла дар соҳаи нонпазӣ ва омода намудани таомҳои миллӣ Зулайхо Абдуллоева, дар бахши қуроқдӯзӣ Сайёрамо Абдуллоеваю Лутфия Кароматова ва муҳраву кокулбофӣ Саъбагул Саймиддинова чакану гулдӯзӣ Надя Саидова хеле маъруфанд.  Хусусан, апаи Надя, ки худ зодаи Украина буда, беш аз 40 сол дар ин ҷо зиндагӣ дорад ва забони тоҷикиро хуб медонад, дар тайёр намудани  сарулибос ва ҷиҳози арӯсӣ аз ҳунармандони асил маҳсуб меёбад ва ба қавле ангуштнамои мардум аст. Ҳамчунин, усто Пираҳмад бо шогирдонаш дар созтарошӣ, фарзандони усто Шералӣ дар кандакорӣ маъруфу муваффақанд. Имрӯзҳо мардуми ноҳия, бахусус ҳунармандон дар эҳёи ҳунарҳои мардумӣ ва шуғлҳои аз ёд зудудашуда бо дасту дили гарм кор мекунанд.
Ноҳияи Муъминобод  мантақаи сайёҳӣ ва дӯстдорони табиати зебои кӯҳистон  аст. Соли гузашта беш аз шаш ҳазор сайёҳи дохиливу хориҷӣ  ба ноҳия ташриф оварда, аз тамошои ҷойҳои таърихӣ ва сайёҳӣ баҳравар гардиданд. Мавриди зикр аст, ки дар даромадгоҳи ноҳия харитаи хатсайри  сайёҳон насб гардида, дар он ҷойҳои таърихиву саёҳатӣ ва меҳмонхонаҳо нишон дода шудаанд. Дар маркази ноҳия меҳмонхона барои 32 ҷой бо тамоми шароиташ муҳайёст. Дар соҳилҳои обанбори Муъминобод низ меҳмонхона ва нуқтаҳои хизмати маишӣ сохта ба истифода дода шудаанд. Дар пояи кӯҳи Чилдухтарон аз тарафи соҳибкор Амонуллоҳ Саъдуллоев сохтмони меҳмонхонаи замонавӣ, нуқтаҳои хизмати маишӣ ва ҳавзи шиноварӣ идома дорад. Бояд таъкид кард, ки баъди сангфарш гардидани роҳ ба мавзеи Чилдухтарон метавон бо тамоми намуди мошинҳо сафар кард. Ҳар сол ҳазорҳо дӯстдорони табиат ба тамошои муъҷизаи табиат – кӯҳи Чилдухтарон ва барои истироҳату  қаиқронӣ ба обанбори Муъминобод меоянд. Мавриди зикр аст, ки обанбори мазкур солҳои панҷоҳуми асри гузашта ба мақсади обёрии заминҳои кишоварзии шаҳри Кӯлоб ва Восеъ сохта шуда, ғунҷоишаш ба 30 миллион метри мукааб мерасад.  Дар гирду атрофи обанбор меҳмонхонаву ошхонаҳо мавриди баҳрабардорӣ қарор доранд. Ноҳия дорои беш аз 100 ёдгории таърихӣ ва мавзеъҳои тамошобоб, аз ҷумла масҷид ва мақбараи Шоҳи Хомӯш (асрҳои 11 - 12), мақбараи Мир Сайид Ҷалолиддини Гулдаста (асрҳои 11–12), Қалъаи Муъминобод (асрҳои 11 – 12), мақбараи Хоҷаи Нур (асри 10) мебошад. Боварӣ дорам, ки сокинони ноҳияи Муъминобод дар Соли рушди сайёҳӣ ва ҳунарҳои мардумӣ дар қабули сайёҳони дохиливу хориҷӣ ва эҳёву  густариши ҳунарҳои мардумӣ  ва бад-ин минвол баланд бардоштани сатҳи зиндагии хеш саҳми муносиб мегузоранд.
Лутфия ШАРИФЗОДА,
муовини раиси ноҳияи Муъминобод


Баёни ақида (0)    Санаи нашр: 18.06.2018    №: 119    Мутолиа карданд: 315

28.02.2020


ҶАРАЁНИ ОМОДАГИҲО БА БАРГУЗОРИИ КОНФЕРЕНСИЯИ БАЙНАЛМИЛАЛӢ МАТРАҲ ШУД

ОҒОЗИ БУНЁДИ БОЗ ЯК ОСОИШГОҲ ДАР ГУЛИСТОН

ДАР НАМОИШГОҲИ БАЙНАЛМИЛАЛИИ «ИНТУРМАРКЕТ – 2020» ИМКОНИЯТҲОИ САЙЁҲИИ ТОҶИКИСТОН МУАРРИФӢ МЕГАРДАНД

ХАТМКУНАНДАГОНИ БАРНОМАИ ДАСТГИРИИ МАБЛАҒГУЗОРИИ ТИҶОРАТӢ СОҲИБИ ШАҲОДАТНОМА ШУДАНД

ҲАМКОРИИ БМТ ВА КОРПОРАТСИЯИ БАЙНАЛМИЛАЛИИ МОЛИЯВӢ

“ГАНҶИ СУХАН”. ҲАМОИШЕ, КИ МАЪРИФАТ МЕАФЗОЯД

ХУРОСОН ҲУСНИ ТОЗА МЕГИРАД

ҶОМИ КФО – 2020. "ХУҶАНД" БА МАРҲАЛАИ ГУРӮҲӢ РОҲ ЁФТ

AMAZON АВВАЛИН МАРКАЗИ САВДО БИДУНИ ХАЗИНА КУШОД

ӮЗБЕКИСТОН ВА УКРАИНА АЛОҚАИ РОҲИ ОҲАНРО БАРҚАРОР НАМУДАНИЯНД

ИТТИҲОДИ АВРУПО САНАИ МУЗОКИРОТ БО БРИТАНИЯРО ОИД БА ШАРИКӢ ГУФТ

ИМА: АФҒОНИСТОН БОЯД ДАР ФИКРИ ҚАТЪИ ҶАНГ БО "ТОЛИБОН" БОШАД

Ҷаҳон дар як сатр

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР


Дар сомонаҳои дигари Тоҷикистон хонед