logo

иҷтимоиёт

РӮЗГОРЕ БАРОИ ИБРАТ

Бобо Сангинов аз ходими илмӣ то ба дараҷаи олими намоён, академики Академияи илмҳои ҷумҳурӣ ва Академияи илмҳои кишоварзии Тоҷикистон, узви вобастаи Академияи илмҳои кишоварзии Русия, президенти Академияи илмҳои кишоварзии Тоҷикистон расид. Ӯ ҳаёташро ба рушди соҳаи пахтапарварӣ бахшида, дар натиҷаи фаъолияти самараноки бисёрсолааш, тавонист зиёда аз 30 навъи серҳосилу ба бемориҳо тобовар ва дорои сифати баланди пахтаи маҳиннаҳ ва миёнанахро  ихтироъ намояд.
Навъҳои беҳамтои пахтаи маҳиннахи кашфнамудааш барои селексияи зироати мазкур аҳамияти калон дошта, то ҳол дар ноҳияҳои ҷумҳурӣ  парвариш карда мешаванд. Ғайр аз ин, ӯ навъҳои юнучқаи В-233, В-300 ва В-416, ҷави В-116, В-128, ҷувории В-10, В-129, берсими Хатлон – 3 ва дигар зироатҳоро ихтироъ намуда, онҳоро минтақабоб гардонд.
Инчунин, ҳамкории селексионии худро бо генетикҳо, физиологҳо, фитопатологҳо, агрохимикҳо бо мутахассисони саноати бофандагӣ дар алоқамандии зич пеш мебурд. Дастовардҳои илмияш дар муассисаҳои селексионию пахтакории ҷумҳурӣ ва давлатҳои хориҷӣ имрӯз низ мавриди истифода қарор доранд.
Дар натиҷаи таҳқиқотҳои худ академик Бобо Сангинов зиёда аз 250 асари илмӣ навишта, муаллифи 20 кашфиёту ихтироот мебошад.
Ӯ дар ҳамкорӣ бо кормандони Институти илмӣ-таҳқиқотии растанипарварии ба номи И. Вавилови шаҳри Санкт-Петербург Феҳристи коллексияи пахтаи маҳиннахи ҷаҳонро тартиб дод. Инчунин, дар ҳамкорӣ бо олимони Ҳиндустон оид ба ривоҷи пахтакорӣ дар Осиёи Миёна асари илмии пурарзишро ба чоп расонд. Асарҳои илмии ӯ «Захираҳои афзоиши пахтаи маҳиннаҳ дар Тоҷикистон», «Навъҳои минтақавӣ ва ояндадори пахтаи маҳиннах дар Осиёи Миёна», «Инкишофи истеҳсоли пахтаи маҳиннах дар Осиёи Миёна» дорои арзиши баланди  илмию амалӣ мебошанд.
Ӯ на танҳо ҳамчун селексионер ва олими варзида, балки чун ташкилотчии моҳир дар ҷумҳурӣ ва хориҷи кишвар маъруф буд. Дар муддати 25 сол вазифаи директори Стансияи таҷрибавии кишоварзии Вахш (ҳоло Филиали Институти зироаткории АИКТ) - ро ба уҳда дошта, дар рушди илми соҳаи пахтапарварӣ ва татбиқи натиҷаи таҳқиқотҳо дар истеҳсолот саҳми арзанда гузошт.
Академик Бобо Сангинов аввалин президенти Академияи илмҳои кишоварзии Тоҷикистон таъйин ва дар ин вазифа 12 сол фаъолият намуда, барои равнақу ривоҷи илми соҳавӣ дар тайёр кардани кадрҳои баландихтисоси илмӣ, мустаҳкам намудани пояи моддию техникии муассисаҳои илмӣ мусоидат намуд. Дар давраи роҳбариаш маркази ҷумҳуриявии механиконии кишоварзӣ, марказҳои илмӣ дар вилоятҳои Суғду Хатлон, стансияи таҷрибавии кишоварзии Помир, стансияи таҷрибавии кишоварзии Панҷакент ва чандин шуъбаю озмоишгоҳҳои замонавӣ таъсис ёфт. Хизматҳои академик Бобо Сангинов дар соҳаи кишоварзӣ, пеш аз ҳама, равнақу инкишофи пахтакорӣ аз тарафи Бонки ҷаҳонӣ ва Ташкилоти байналмилалии ИКАРДА бо медали тилло  сарфароз гардонда  шуд.
Бобо Сангинов барои хизматҳои шоистааш ба Ҷоизаи давлатии Тоҷикистон ба номи Абуалӣ ибни Сино, Ҷоизаи Академияи илмҳои ҷумҳурӣ ба номи Е. Н. Павловский шарафёб гашта, ба унвони Агрономи шоистаи Ҷумҳурии Тоҷикистон, орденҳои «Байрақи Сурхи Меҳнат», «Дӯстии халқҳо» ва «Нишони Фахрӣ», инчунин ифтихорномаҳо, медалҳои тиллои Намоишгоҳи комёбиҳои хоҷагии халқи Иттиҳоди Шӯравӣ сарфароз гардонда шудааст. Ҳамзамон, ӯро ба мукофоти Созмони байналмилалии ҳамкории иқтисодӣ  (ЭКО) қадр намуданд.
Ҳаёт ва фаъолияти академик Бобо Сангинов, бешубҳа, намунаи ибрат буда, хотираи неки ин инсони шарифу заҳматкаш ҳамеша байни олимону мутахассисони соҳаи кишоварзӣ   боқӣ хоҳад монд.
Н. АСОЗОДА,
президенти Академияи илмҳои кишоварзии Тоҷикистон, 
Д. КОМИЛЗОДА,
академики АИКТ


Баёни ақида (0)    Санаи нашр: 28.06.2018    №: 126-127    Мутолиа карданд: 169

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед