logo

фарҳанг

ЧУ ХОҲӢ, КИ НОМАТ БУВАД ҶОВИДОН…

Ҳақиқати таърихӣ рӯшан мекунад, ки ҳар миллат пас аз шинохти асолати хеш ояндасозӣ кардааст ва дар ин ҷода корнамоиву қаҳрамониҳои гузаштагонаш дарси ибрат будааст. Беҳуда нест, ки мо дар ҳассостарин лаҳзаҳои таърихӣ маҳз бо номҳои қаҳрамонони худ сар бардоштаем ва аз осори эшон ҳамчун дастури корсоз истифода бурдаем.
Озмуне, ки роҳбарияти Нашрияи расмии Ҷумҳурии Тоҷикистон – рӯзномаи «Ҷумҳурият» дар якҷоягӣ бо мақомоти иҷроияи ҳокимияти давлатии вилояти Суғд ва ноҳияи Бобоҷон Ғафуров ба хотири гиромидошти аллома Бобоҷон Ғафуров ва Рӯзи Ваҳдати миллӣ гузаронд, собит намуд, ки Тоҷикистон дар роҳи эҳёи ҳофизаи таърихӣ, абадигардонии ному пайкори фарзонафарзандони хеш ва таҳкими пояҳои давлатдорӣ аз гузаштаи хеш сабақ меандӯзад.
Корҳои бунёдӣ ва осори безаволи аллома Ғафуров аз ҷумлаи чунин сабақҳои таърихист. Зеро ӯ дар замоне «Тоҷикон» - ро навишт, ки дастгоҳи пурқудрати шӯравӣ аз дилхоҳ матлабу мақола бӯи миллатчигӣ меҷуст ва кӯчактарин баҳона бас буд, ки сари Б. Ғафуров дар бало монад.
Коре, ки мутасаддиёни рӯзномаи «Ҷумҳурият» ва вилояти Суғд анҷом доданд, ҳушдор медиҳад, ки тоҷикон дар хатарноктарин давру замон зиста, андешаи фардои миллатро кардаанд ва насли имрӯзаи онҳо дар замони осоишта бояд корҳои аз ин ҳам муҳимтарро сомон диҳанд, то ки барои ояндагон намунаи ибрат бошанд.
Дар партави номи бузургоне, ба монанди устод Садриддин Айнӣ ва Бобоҷон Ғафуров, номи муассисону ташкилкунандагони озмун ҳам рӯшан хоҳад шуд. Зеро баъди чунин  иқдоми дурандешона номи неки Б. Ғафуров дар зиёда аз сад мақолаи озмунӣ ёд ва хидмати мондагораш сутуда шуд.
Мо ҳарчанд аз воқеият дур мешавем, ҳақиқат бештар ба афсона омехта мешавад, аммо озмуни «Ҷумҳурият» аз ҳақиқати таърихӣ шодоб буд. Гуфтаву шунидаҳо ва ёддоштнависону матлабиншокардагон бештарашон муосири аллома Бобоҷон Ғафуров ва шахсиятҳои наҷибу озодаи ин халқу миллат буданд. Баъзе аз онҳо дар суҳбату вохӯриҳои эшон иштирок карда, аз муаллифи «Тоҷикон» некиву ёрмандиҳои бедареғ дидаанд. Ин барои боз ҳам боло рафтани сатҳи чорабинӣ мусоидат мекард.
Банда низ ҳамчун яке аз иштирокчиёни ин озмуни бошукӯҳ эҳсос кардам, ки дар қаъри таърихам, зеро дар ҳалқаи ҳамзамонони аллома будан ҳам хушоянд ва масъулиятбахш буд. Дилро ба ояндасозӣ ва обод кардани ин сарзамин таҳрик медод. Бовар дорам, ки ҳар як ҷавони навкори рӯзнома дар чунин ҳамоишҳои сатҳи баланд эҳсоси монанд ба эҳсоси маро дар дил дошт.
Ҷои баргузории ҷамъбасти озмун низ қадамҷои таърих буд. Қасри Арбоб, кохе, ки дар оғӯши худ чандин шахсиятҳои фарҳангиву сиёсиро гунҷондааст ва онҳо имрӯзу фардо ҳам ба некӣ ёд мешаванд. Аз ҷумла, бунёдгари он раис Ӯрунхоҷаев, Бобоҷон Ғафуров ва дар замони муосир Пешвои миллат Эмомалӣ Раҳмон.
Маҳз дар ҳамин бинои муҳташам Эмомалӣ Раҳмон Парчами  Тоҷикисони соҳибистиқлолро бӯсид ва қавл дод, ки Меҳанро аз порашавӣ ва халқро аз парокандагӣ эмин медорад.
Озмуни «Ҷумҳурият» ба як пораи таърихи Тоҷикистон табдил ёфт ва ин ҷаридаи собиқадортарини кишвар рисолати бузургу таърихӣ ба дӯш доштани худро бори дигар эълом дошт.
Бузургмеҳри БАҲОДУР,
 «Ҷумҳурият»


Баёни ақида (0)    Санаи нашр: 28.06.2018    №: 126-127    Мутолиа карданд: 189

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед