logo

иҷтимоиёт

РУШДИ МИНТАҚА ОМИЛИ ПЕШРАФТИ КИШВАР АСТ

Дар Донишгоҳи давлатии молияю иқтисоди Тоҷикистон  конфронс таҳти унвони “Молияи бахши иҷтимоӣ ва таъсири он ба рушди устувори минтақаҳои Ҷумҳурии Тоҷикистон” коршиносони байналмилалӣ ва ватанӣ, мутахассисони вазоратҳои бахши иқтисод, олимони пажӯҳишгоҳҳо ва устодони макотиби олии кишварро гирд овард.
Ҳангоми ифтитоҳи он ректори донишгоҳ Ш. Хайрзода зикр кард, ки дар солҳои истиқлолияти давлатӣ тавассути сиёсати дурандешонаи иқтисодию иҷтимоии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон на танҳо марказҳои саноатӣ, ҳамчунин, минтақаҳои кишвар ба дастовардҳои бесобиқа ноил гаштанд.  Ӯ дар ин иртибот фасли шашуми Стратегияи рушди иқтисодию иҷтимоии кишвар дар давраи то соли 2030-ро ёдовар шуд, ки дар он, аз ҷумла вобастагии амиқи рушди босуботи давлат аз пешрафти минтақаҳояш таъкид мегардад. Ва пиёдасозии маҳз ҳамин барномаи густурдаи бунёдкорӣ имкон медиҳад, ки дар роҳи расидан ба Ҳадафҳои Рушди Ҳазорсола дар баробари калонтарин шаҳрҳои ҷумҳурӣ ба тараққиёти муназзами минтақаҳо низ дар сатҳи зарурӣ таваҷҷуҳ зоҳир карда шавад.
Дар конфронс масъалаҳои рӯзнома дар ду бахш мавриди баррасии коршиносону мутахассисон қарор гирифтанд. Аввалан, мубодилаи судманди афкор оид ба банақшагирии рушди минтақаҳо дар санадҳои стратегии кишвар, тараққиёти мутавозии онҳо, пешрафти бахши бонкии минтақаҳо ва таъсири он ба сиёсати иҷтимоӣ, мушкилоти рақамисозии иқтисоди мамлакат дар сатҳи минтақаҳо, имконоти субъектҳои иқтисоди кишвар дар рушди инвеститсия дар минтақаҳо ва ғайра ба амал омад. Барои ҳалли мушкилоти минтақаҳо директори Пажӯҳишгоҳи илмию тадқиқотии иқтисод ва демографияи АИ ҶТ, узви вобастаи АИ ҶТ Л. Саидмуродов, муовини директори Маркази тадқиқоти стратегии назди Президенти ҶТ Ф. Муъминова, директори Пажӯҳишгоҳи илмию тадқиқотии “Молия”, профессор М. Кошонова, мутахассиси пешбари Пажӯҳишгоҳи илмию тадқиқотии иқтисод ва демографияи АИ ҶТ А. Холматов, сардори раёсати тадқиқоти макроиқтисодии МТС назди Президенти ҶТ Г. Расулов, профессори Донишгоҳи тиҷорати Тоҷикистон П. Хоҷаев ва дигарон пешниҳодҳои мушаххас ироа карданд.
Бахши дувуми мубоҳисаҳоро масъалаҳои омӯзиши таҷрибаи Иттиҳоди Аврупо, таҳлили дастовардҳои кишварҳои пешрафта дар рушди минтақаҳо, дастгирии давлатии соҳибкории хурду миёна дар сатҳи минтақа ташкил доданд.
Дар маҷмӯъ, ҳамоиши мазкур на танҳо чашмандози ҳирфаӣ ба вазъи кунунии иқтисодию иҷтимоии минтақаҳои кишвар, ҳамчунин, ибрози назар ҷиҳати роҳҳои ҳалли мушкилоти мавҷудаи онҳо гардид. Коршиносону олимони соҳаи иқтисод ба хулоса расиданд, ки ҷиҳати пешрафти мутавозии минтақаҳо андешидани тадбирҳои муассир аз ҷониби давлат мусоидат хоҳанд кард.
М. КОШОНОВА,
директори ПИТ “Молия”


Баёни ақида (0)    Санаи нашр: 02.07.2018    №: 129    Мутолиа карданд: 194

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед