logo

туризм

САЙЁҲИИ КӮҲСОР. АГАРЧИ САМТИ НАВ АСТ...

Тоҷикистон бо қуллаҳои сарбаафлок барои рушду равнақи сайёҳии кӯҳсор иқтидори бузург дорад. Ва беҳуда нест, ки мутахассисони соҳа ва ҷаҳонгардон кишвари моро чун “Каъбаи кӯҳнавардони олам” ном мебаранд.
Бояд гуфт, ки сайёҳии кӯҳсор дар Тоҷикистон ҳанӯз аз замони шӯравӣ маъмул буд ва давраи инкишофаш ба солҳои 70 - уми асри гузашта рост меояд. Он ба навъҳои кӯҳнавардӣ (алпинизм), шӯхпаймоӣ (скалолаз), саргузаштӣ,  пиёдагардиву рафтинг ҷудо мешавад. Кӯҳнавардӣ ва шӯхпаймоӣ аз намудҳои экстремалии туризм буда, ба ақидаи мутахассисон Тоҷикистон метавонад ба яке аз марказҳои асосии кӯҳнавардии байналмилалӣ табдил ёбад.  Аз ин лиҳоз, чунонки коршиносон иброз медоранд,  дар ҳудуди парваришгоҳи Камароби ноҳияи Рашт ва қаторкӯҳҳои Олой метавон хатсайрҳои халқагиро ташкил намуд.
Дар баробари ин, яке аз намудҳои маъмули сайёҳии кӯҳсор экотуризм ба ҳисоб меравад. Маълум аст, ки аз масоҳати умумии кишвар 22 дарсади онро минтақаи сайёҳии экологӣ ташкил медиҳад.
Мудири кафедраи туризми Донишгоҳи давлатии омӯзгории Тоҷикистон ба номи Садриддин Айнӣ Шоҳимардон Содиқов ба ин масъала дахл намуда,  иброз менамояд, ки  дар ҳоли ҳозир сайёҳон ба экотуризми кӯҳӣ бештар мароқ зоҳир менамоянд. Минтақаҳои кӯҳии мамлакат бо рангорангии олами набототу ҳайвонот ва манзараҳои нотакрорашон барои ташкил намудани сайёҳии экологии кӯҳӣ имкониятҳои зиёд доранд.
Ба ин хотир, тавре коршиносон зикр месозанд, барои ривоҷу равнақи сайёҳии кӯҳсор андешидани тадбирҳои мушаххас зарур мебошад. Аз ҷумла, масъалаи нарасидани кадр беҳбудиро тақозо дорад, зеро норасоии мутахассисон аз мушкилоти умдаест, ки на танҳо садди рушди сайёҳии кӯҳсор, балки соҳаи туризм гаштааст. Роҳбаладони ин навъи сайёҳӣ аксаран миёнасолон мебошанду ҷавонон ба он камтар таваҷҷуҳ доранд. Барои ин ки шавқи онҳоро аз хурдӣ нисбати соҳа бедор созем, лозим аст фаъолияти маҳфилҳои сайёҳии марказҳои таҳсилоти иловагиро дуруст ба роҳ монда, дар минтақаҳо мактаби роҳбаладонро таъсис диҳем. Зеро таҷрибаи мамлакатҳои пешрафта нишон медиҳад, ки аз аъзои чунин маҳфилу мактабҳо кадрҳои хуби соҳа мебароянд.
Ғайр аз ин, ба фаъолияти базаҳои туристӣ низ бояд аҳамияти ҷиддӣ дод. Чунки онҳо муассисаҳое мебошанд, ки барои туристон хизматрасониҳои сайёҳӣ-экскурсионӣ, фарҳангӣ - маишӣ ва варзишӣ - тандурустиро мерасонанд. Мутаассифона, айни замон ба ғайр аз Маҷмааи кӯҳию лижаронии “Сафед - дара” хизматрасонии дигар базаҳои сайёҳӣ ба талабот пурра ҷавобгӯ нестанд. Таҷдиду навсозӣ ва ба меъёрҳои байналмилалӣ мутобиқ гардондани онҳо тақозои бозори сайёҳист. Тарафи дигари масъала ин аст, ки баъзе минтақаҳо  ҳатто пойгоҳ надоранд. Ба ин метавон минтақаи Кӯлобро мисол овард. Дар сурате ки ноҳияҳои Шамсиддини Шоҳин, Муъминобод ва Балҷувон мавзеъҳои беҳтарин барои ташкили саёҳати кӯҳнавардӣ дониста мешаванд.
Бо вуҷуди ин, бояд қайд кард, ки ҳоло сайёҳӣ дар Тоҷикистон соҳаи нисбатан нав асту дар ҳоли рушд қарор дорад ва бо итминон метавон гуфт, ки бо бунёди инфрасохтори зарурӣ ва бартараф намудани камбудиҳои ҷойдошта, Тоҷикистон дар ояндаи наздик ба яке аз кишварҳои аз ҷиҳати туристӣ тараққикардаи минтақа табдил хоҳад ёфт.
Меҳрангез ҚОДИРОВА, “Ҷумҳурият”


Баёни ақида (0)    Санаи нашр: 03.07.2018    №: 130    Мутолиа карданд: 339

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед