logo

иҷтимоиёт

БАРӮЙХАТГИРИИ АҲОЛӢ. ОМОДАГИҲО ЧӢ ГУНААНД?

Соли  2020 дар Ҷумҳурии Тоҷикистон бори сеюм маъракаи барӯйхатгирии умумии аҳолӣ баргузор  мешавад. Бо ин мақсад, бо Қарори Ҳукумати Ҷумҳурии Тоҷикистон аз 7 сентябри соли 2017 низомнома ва ҳайати Комиссияи давлатии мусоидат ба барӯйхатгирии аҳолӣ ва фонди манзили Ҷумҳурии Тоҷикистон тасдиқ гардидааст. Тибқи қарор,  вазифаҳои асосӣ ҷиҳати тайёрӣ ва гузарондани барӯйхатгирии аҳолӣ ва фонди манзил дар соли 2020 ба зиммаи Агентии омори назди Президенти Ҷумҳурии Тоҷикистон вогузор шудаанд. Шодмон Шокирзода,  муовини якуми директори агентӣ, раванди омодагиҳоро барои  баргузории  барӯйхатгирии аҳолӣ ба хабарнигори рӯзнома чунин шарҳ дод: 
- Барӯйхатгирии умумии аҳолӣ ва фонди манзили Тоҷикистон дар доираи Барномаи умумиҷаҳонии барӯйхатгириҳои аҳолӣ ва фонди манзил, ки аз ҷониби Шӯрои иқтисодӣ ва иҷтимоии  СММ амалӣ карда мешавад, дар даҳ сол як маротиба доир мегардад.
То имрӯз Агентии омор «Нақшаи тақвимии корҳо  оид ба тайёрӣ, гузарондан ва коркарди маводи барӯйхатгирии аҳолӣ ва фонди манзил дар соли 2020» - ро таҳия намуда, ҷиҳати татбиқи он як қатор корҳои муайянро ба анҷом расонд.
Мутобиқи қарори Ҳукумати Ҷумҳурии Тоҷикистон «Дар бораи барӯйихатгирии санҷишии аҳолӣ ва фонди манзил дар соли 2018», тирамоҳи соли ҷорӣ барои санҷидани Барномаи коркарди маводи барӯйхатгирии аҳолӣ ва фонди манзил дар соли 2020 корҳои ташкилӣ ва коркарди технологии он  дар маҳаллаҳои 64 ва 91 – и  шаҳри Душанбе ва шаҳри Нораки вилояти Хатлон барӯйхатгирии санҷишии аҳолӣ ва фонди манзил гузаронда мешавад.
Барои дар сатҳи баланд баргузор намудани  ин маъракаи муҳими давлатӣ баробари Агентии омор, инчунин, фаъолияти самараноки вазоратҳои молия, корҳои дохилӣ, Кумитаи идораи замин ва геодезии назди Ҳукумати ҷумҳурӣ ва мақомоти иҷроияи маҳаллии ҳокимияти давлатӣ зарур мебошад. Мувофиқи қарорҳои зикргардида, барои кумаки ҳамаҷониба  расондан ба мақомоти оморӣ ҷиҳати сари вақт ва босифат гузарондани барӯйхатгирии аҳолӣ ва фонди манзил вазифаҳои вазорату идораҳо ва мақомоти иҷроияи маҳаллии ҳокимияти давлатӣ мушаххас гардидаанд.
Дастрас намудани маълумот дар бораи аҳолии ҷумҳурӣ барои таҳияи дурнамоҳои давлатӣ, консепсияҳо, стратегияҳо, барномаҳои рушди иқтисодию иҷтимоӣ, ҳисоботи ҷорӣ, пешгӯии шумора ва ҳайати аҳолӣ, омӯзиш, истифодаи захираҳои меҳнатӣ ва гузарондани тадқиқоти илмӣ аз ҳадафҳои асосии чорабинии мазкур маҳсуб меёбанд. Дар ҷараёни гузарондани чорабинӣ ба ҷуз аз шумораи аҳолии кишвар, инчунин,  роҷеъ ба суръати афзоиши аҳолӣ, таносуби гурӯҳҳои аҳолӣ аз рӯи ҷинсият,  синну сол,  нишондиҳандаҳои таваллуд ва фавт, шуғл, сатҳи маълумот  ва ғайра ахбори  муфид ба даст меояд. Инчунин, номгӯйи кӯчаҳо, рақами хонаҳо, гузоштани лавҳаю рақамҳо, нақшаҳои ҷойгиршавии маҳаллаҳои шаҳрӣ, деҳоти калон ва  харитаи шаҳру ноҳияҳо ба тартиб дароварда мешаванд. Фоидаи гузарондани ин чорабинӣ  аз  хароҷоти он ба маротиб зиёд хоҳад буд.
Ҷиҳати омодагии ҳамаҷониба ба ин чорабинии муҳими кишвар Агентии омор тадбирҳои зарурӣ андешида, мушкилоти дар ин самт ҷойдоштаро пайваста мавриди омӯзишу таҳлил қарор медиҳад. Аз ҷониби агентӣ бо мақсади омӯзиш аллакай барои баҳисобгирии аҳолӣ лоиҳаи саволномаҳои намунавӣ ба 25 сохтори давлатию ғайридавлатӣ ва мақомоти иҷроияи ҳокимияти давлатии вилоятҳо ва шаҳру ноҳияҳо  пешниҳод гардид, ки ин қадами нахустин барои амалӣ намудани чорабинӣ аст.
Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 05.07.2018    №: 132    Мутолиа карданд: 183

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед