logo

фарҳанг

ҲУНАРҲОИ МАРДУМӢ ШАҲОДАТНОМАИ МИЛЛАТАНД

Ҳунарҳои мардумӣ яке аз рукнҳои муҳими фарҳанги миллӣ ба шумор мераванд. Омӯхтан ва тарғибу ташвиқ намудани онҳо дар байни омма ва миёни оламиён яке аз вазифаҳои муҳими зиёиён, алалхусус китобдорон маҳсуб меёбад. Аз ин рӯ, моро зарур аст, ки дастовардҳои моддию маънавии мардуми шарифамонро ба аҳли олам муаррифӣ намоем ва нақши тамаддунсози миллати тоҷикро дар таърихи башарӣ таъкид созем.

Ин буд, ки бо ташаббуси бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади муаррифии шоистаи имкониятҳои сайёҳии мамлакат ва фарҳанги миллӣ дар арсаи байналмилалӣ соли 2018 дар кишварамон Соли рушди сайёҳӣ ва ҳунарҳои мардумӣ эълон гардид. Вобаста ба ин, олимони соҳа асари библиографии ҷадидеро, ки феҳристи адабиёт доир ба ҳунарҳои мардумиро дар бар мегирад, таҳия ва нашр намуданд. Он таҳти унвони «Ҳунарҳои мардумӣ – шаҳодатномаи миллат» ба дасти чоп расид. Таҳиягари асари мазкур муҳаққиқи ҷавони соҳаи китобдорӣ Ситора Абдумуъминзода мебошад.  
Чуноне ки аз пешгуфтори асар бар меояд дастури библиографии мазкур дар асоси захираҳои маводи илмию оммавии китобхонаи илмии Донишкадаи давлатии фарҳанг ва санъати Тоҷикистон ба номи Мирзо Турсунзода ва сомонаҳои интернетӣ таҳия шудааст. Сохтори он аз ду қисми асосӣ ва дастгоҳи маълумотдиҳӣ иборат аст. Дар қисми якум доир ба ҳунарҳои мардумие, ки дар минтақаҳои гуногуни Тоҷикистон рушд намудаанд, маълумоти мушаххас оварда мешавад. Ҳамчунин, дар ин бахш, вобаста ба мавзӯъҳои матраҳшаванда расмҳои рангаи маҳсулоти дастии ҳунарҳои мардумӣ ҷой дода шудаанд.   
Қисми дувуми дастур фарогири маводи иттилоотӣ - библиографӣ буда, дар ин ҷо тафсири библиографии мақолаҳо дар матбуоти даврӣ, нашрияҳои илмӣ ва сомонаҳои интернетӣ оварда шудааст. Унвони мақолаҳо бо забони асл ва стандарти нав тасвир ёфта, маводҳо тибқи замони нашр, бо тартиби алифбо, аввал ба забони тоҷикӣ ва сипас, ба забони русӣ мураттаб гардидаанд. Барои осон кардани кори пажӯҳишгарон дар охири асар кумакфеҳристҳои алифбоии асарҳо ва ашхос оварда шудааст. 
С. НАДИРОВ,
корманди Китобхонаи миллии Тоҷикистон


Баёни ақида (0)    Санаи нашр: 06.07.2018    №: 133    Мутолиа карданд: 272

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед