logo

фарҳанг

ШОИСТАИ ТАҲСИН АСТ

Озмуни навбатии нашрияи расмии мамлакат – рӯзномаи “Ҷумҳурият” бо ҳадафмандӣ ва арзиши мавзӯъ идомаи мантиқии мавзӯи озмуни соли гузаштааш: “Гиромидошти Қаҳрамони Тоҷикистон, аллома Садриддин Айнӣ” буд. Яъне, “Гиромидошти Қаҳрамони Тоҷикистон Бобоҷон Ғафуров” бахшида ба 21 - солагии Рӯзи Ваҳдати миллӣ. Ин озмун, бешак, адибон, донишмандону рӯзноманигоронро барои шинохти шахсияти абармарди илму сиёсат, фарзанди фарзонаи миллат Бобоҷон Ғафуров сари ковишу андеша кашид.

Зимнан, хидмати академик Бобоҷон Ғафуров пас аз устод Айнӣ дар замон ва рӯзгори сиёсатзадаву пуртаъзиқи миллати тоҷик – замони пеш аз истиқлол ҷиҳати бедорӣ, худшиносӣ, эҳёи ҳофизаи таърихии мардум, шинохти Ватани таърихиямон, муборизаҳои шадид барои ҳифзи сарзамин аз ғосибон, зинда кардани ному пайкори онҳое, ки дар ҳимояи шарафу номуси ҳамдиёрон далерона ҷон бохтаанд, басо бузург ва ибратбахш мебошад. Вале ҷонбозиҳои аҷдодони ғаюру меҳанпарастро дар марҳилаҳои доғи таърихӣ барои озодӣ ва раҳидан аз ҷабру ситами аҷнабиён донистани хонандаи имрӯз барои бақои давлату истиқлолият, ҳамбастагиву саодати миллат дучанд хизмат хоҳад кард. Пайгирии ин ҳадафи бузург аз ҷониби ҳайати эҷодии рӯзномаи “Ҷумҳурият” шоистаи таҳсин аст.
Мавзӯи озмун донишмандони маъруфро, ки дар баробари омӯзиши осори Бобоҷон Ғафуров дар ҷавонӣ бо ин олими забардасту ифтихори миллат ҳамсуҳбат шуда, аз маслиҳату ёрияш бархӯрдор шуда буданд, ангезид, ки хотира ва лаҳзаҳои аҷиби дидор, ҷилои хираду ғамхориҳои падаронаи ӯро рӯи коғаз биёранд, аз хидматҳои беназираш дар рушди илму тарбияи олимони ҷавони тоҷик ба ҳамзамонон изҳори андеша карда, ба ин васила, ҳисси эҳтиромро ба ҷигарбанди фидоии миллат афзун намоянд.
Ба рӯзнома беш аз сад мақола ворид шуда, нигоштаҳои аз ягон ҷиҳат арзишманд ба нашр расонданд, ки оянда дар “ғафуровшиносӣ” мақоми хоссаро касб хоҳанд кард.
Дар арафаи таҷлили 21 - солагии Рӯзи Ваҳдати миллӣ (18.06.2018), дар Соли рушди сайёҳӣ ва ҳунарҳои мардумӣ корвони аҳли қалам: рӯзноманигорон, олимон, адибон, ки бо мақолаҳояшон дар озмун ширкат варзида буданд, бо сарварии сармуҳаррири рӯзномаи “Ҷумҳурият” Қурбоналӣ Раҳмонзода роҳи ноҳияи Бобоҷон Ғафурови вилояти Суғдро пеш гирифт. Ҳам сайру ҳам тамошои табиати сеҳрангези диёр, ҳам созандагиву бунёдкориҳо, ҳам ошноӣ ба ҳамдигару ҳам ёди абармарди сиёсату илм Бобоҷон Ғафуров, ки бо хизматҳои бузургу ҷасуронааш, хосса иншо ва нашри шоҳкоре чун “Тоҷикон” дар дили ҳаммиллатон сахт маскан гирифтааст. Бобоҷон Ғафуров бо ин шоҳкор қаламрави таърихии миллати тоҷикро аз замонҳои қадим муайян ва ҳуқуқҳои онро дар марҳилаи басо ҳассоси сиёсӣ ҳимоя карда тавонист. Сано бод ба чунин фарзанди вафодору тавоно!
Маҳфилҳои пур аз меҳру сафо, суҳбатҳо аз шаҳомати Истиқлолияти давлатӣ, хидмати бузурги Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шукуфоии Тоҷикистони азиз, баланд бардоштани эътибору обрӯи он дар арсаи байналмилалӣ ва сарҷамъии мардум саршори ифтихор буданду барои рӯзноманигорони ҷавон дарси ибрат.
“Ҷумҳурият” боз рисолати азалии маърифатбахшӣ,  қадршиносии шахсиятҳои арзанда, сарҷамъии аҳли қаламро басо зебо ба ҷо овард. Вале, дар чунин сатҳи баланд дар қасри овозадору таърихии Арбоб бо иштирок ва суханронии раиси вилояти Суғд Раҷаббой Аҳмадзода, раиси ноҳияи Бобоҷон Ғафуров ва аҳли зиёи Хуҷанди бостон ба ин андоза бошукӯҳу хотирмон ҷамъбаст гардидани озмунро чашмдор набудам. Бисёр аҷиб. Росташ, ки ба шарофати озмуни рӯзномаи “Ҷумҳурият” ин ҳамоиш беҳтарин ҳадия ба рӯҳи поки аллома Бобоҷон Ғафуров ва таҷлили Рӯзи Ваҳдати миллӣ шуда, дар ёдҳо хотираи рангини нек гузошт.
Абдулҳамид САМАД,
Нависандаи халқии Тоҷикистон


Баёни ақида (0)    Санаи нашр: 10.07.2018    №: 135    Мутолиа карданд: 179

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед