logo

иҷтимоиёт

ДАР ЛАХШ КӮҲНАВАРДОНИ ҶАҲОН ҶАМЪ МЕОЯНД

Дар  ноҳия ба муносибати  Соли рушди сайёҳӣ ва ҳунарҳои мардумӣ  бо ибтикори Шӯрои рушди сайёҳии Тоҷикистон экспедитсияи байналмилалии кӯҳнавардии қуллаи Исмоили Сомонӣ баргузор мегардад.  Мавсими ҷалби кӯҳнавардон ба ин мавзеи дар олам машҳури ҷумҳурӣ дар се марҳила  14 – рӯзӣ аз 15 июл то охири моҳи август  идома меёбад. Дар ин бора Давлат Ҳабибов, роҳбари  шӯро, ба хабарнигори рӯзнома иттилоъ дод. 
- Дастгириҳои Ҳукумати кишвар солҳои охир, бахусус дар чорчӯбаи Соли рушди сайёҳӣ ва ҳунарҳои мардумӣ,  барои  истифодаи самараноки манбаъҳои сайёҳӣ имконияти васеъ фароҳам овард.  Фазои мусоиди фаъолияти сайёҳӣ аз ҷумла барои мо имконият дод, ки дар доираи татбиқи Даҳсолаи байналмилалии амал «Об барои рушди устувор, солҳои 2018 – 2028» кӯҳнавардони сатҳи ҷаҳониро тӯли даҳ сол ба қуллаи Исмоили Сомонӣ ҷалб намоем. Дар ин маврид  дар намоишгоҳҳои байналмилалӣ  ба ширкатҳои сайёҳӣ ва клубҳои кӯҳнавардӣ  ба таври хаттӣ муроҷиат намуда, аъзои онҳоро ба мавсими кӯҳнавардии Тоҷикистон барои даҳ сол даъват намудем. Барои иҷрои ин тарҳи дарозмуддати соҳа тамоми ширкатҳои сайёҳии ҷумҳурӣ ҷалб гардидаанд. Дар доираи роҳбарони ширкатҳои сайёҳии дунё  ин чорабинӣ бисёр хуб пазируфта шудааст. Пас аз эълони чорабинӣ аксари гурӯҳҳои кӯҳнавардии ҷаҳон имсол Тоҷикистонро интихоб намуданд.  Баҳри дар сатҳи баланд гузарондани мавсими кӯҳнавардӣ дар ноҳияи номбурда тамоми шароити зарурӣ муҳайё карда шудааст. Кӯҳнавардон  ба воситаи чархбол ба майдони Масквинаи қуллаи Исмоили Сомонӣ бурда мешаванд. Онҳоро мураббиёни риштаи кӯҳнавардӣ ва табибону нафарони дигар ҳамроҳӣ менамоянд, - гуфт ӯ.  
Азбаски қуллаи Исмоили Сомонӣ дар миқёси Иттиҳоди Давлатҳои Мустақил аз ҳама баландтарин аст, фатҳи он аз ҷониби варзишгарону сайёҳони ин минтақа  ва ҷаҳон боиси ифтихор ва  эътироф шудани дараҷаи баланди касбии онҳо маҳсуб меёбад. Бинобар ин, таваҷҷуҳи кӯҳнавардону варзишгарон ҷиҳати  санҷидани иқтидори хеш ба кӯҳҳои Тоҷикистон сол аз сол меафзояд. 
Ба гуфтаи Давлат Ҳабибов, ҳадаф аз  доир намудани чорабинӣ низ муаррифии бештари қуллаи Исмоили Сомонӣ ва ҷалби сайёҳони зиёд ба ин макон мебошад. Эҳтимоли зиёд вуҷуд дорад, ки дар оянда ин макон яке аз марказҳои асосии рақобату озмоиши кӯҳнавардони дунё қарор гирад. 
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 11.07.2018    №: 136    Мутолиа карданд: 254

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед