logo

фарҳанг

САРЧАШМАИ ХУДШИНОСИИ МИЛЛӢ

Омӯзиш ва таҳқиқи мероси ғании гузаштаи миллати тоҷик барои такомули эҳсоси худогоҳиву худшиносии миллӣ, эҳтиром ба арзишҳои умумибашарӣ дар роҳи расидан ба саодати комил яке аз рукнҳои муҳим ва барҷастаи сиёсати маърифатпарваронаи Асосгузори сулҳу ваҳдати миллӣ – Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон ба ҳисоб меравад. Тавре Сарвари давлат таъкид мекунанд: “Омӯхтани таърих танҳо ба хотири донистани гузашта нест, балки он дурнамоест, ки роҳи ояндаи миллат ва пешомадҳои давлатдориро равшан намуда, барои худогоҳии миллӣ, ваҳдату ягонагӣ ва рушди тафаккури таърихии наслҳои оянда хизмат мекунад”. Воқеан ҳам, донистан, омӯхтан ва ибрат гирифтан аз таърихи гузашта беҳтарин сабақест, ки он донишу таҷрибаи садсолаҳоро шояд дар бар дошта бошад.
Имрӯз дар шароити босуръати ҷаҳонишавӣ ва афзоиши хатару таҳдидҳои мухталиф ба инсоният посу гиромидошти асолат ва рисолати инсонӣ ва арзишҳои умумибашарӣ аз ҷомеаи муосир назари наву диди фарохро тақозо менамояд. Ба рушди неруи инсонӣ нигаронда шудани моҳият ва муҳтавои тадбирҳои созанда дар ин самт амри табиист.
Яке аз омилҳои муҳими ин тадбир рӯ овардан ба гузаштаи пурифтихор, осори мондагор ва тамаддуни волои аҷдодист. Ҳифзу гиромидошти арзишҳои миллӣ дар иртибот бо фарҳангу маданияти аҷдодӣ ва тамаддуни башарӣ дар раванди посу гиромидошти ҳофизаи таърихӣ муҳимтарин рукни давлатдории миллиро дар даврони соҳибистиқлолӣ ташкил медиҳад. 
Кору пайкор ва рӯзгори арбоби барҷастаи илм, ходими намоёни давлатию ҷамъиятӣ, Қаҳрамони Тоҷикистон, академик Бобоҷон Ғафуров тимсоли меҳанпарастии воқеӣ ва садоқати ҷасурона барои ҳифзи ҳақиқати таърихӣ мебошад. Аллома аз зумраи муҳаққиқонест, ки тавассути шоҳасари безаволи худ «Тоҷикон» ва таҳқиқоти арзишманди хеш доир ба маданияти моддию маънавии аҷдодӣ фарҳангу тамаддуни пурғановати моро бо чеҳраи асл ба оламиён муаррифӣ намудааст. Озмуне, ки ба ибтикори рӯзномаи расмии ҷумҳуриамон “Ҷумҳурият” ба муносибати 21 - умин солгарди Рӯзи Ваҳдати миллӣ ва 110 - солагии академик Бобоҷон Ғафуров баргузор гардида, мақолаҳои зиёдро ба табъ расонд ва ба наздикӣ дар ноҳияи Бобоҷон Ғуфуров он ҷамъбаст шуд, ин нуктаро бори дигар тасдиқ намуд.
 Бо вуҷуди таҳқиқоти арзишманди дар соҳаи ғафуровшиносӣ то ба ҳол анҷомёфта ҳанӯз масъалаҳои мубрам дар ин самт мавҷуданд. Бо назардошти ин доктори илмҳои таърих, профессор Осим Каримзода  таҳқиқоти солҳои охири худро доир ба паҳлуҳои норавшан ва таҳқиқталаби ҳаёту фаъолияти ин олим ва мутафаккири намоён ҷамъбаст намуда, китоберо таҳти унвони «Академик Бобоҷон Ғафуров-муаррих, арбоби сиёсӣ, шарқшинос» нашр кардааст.
Дар раванди таҳқиқ дар баробари таҳлили нақши таърихии шахсиятҳои барҷаста дар рушду такомули ҷомеаи инсонӣ, тарғиб ва таҳқиқи илмии сиёсати созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти ташаккули  хештаншиносӣ ва худогоҳии миллӣ, махсусан тарбияи ҷавонон дар рӯҳияи ватандорӣ муҳтаво ва меҳвари матолиби китобро ташкил додааст. Дар рисола ҷараёни зиндагӣ ва фаъолияти серсоҳаи аллома ва арбоби сиёсӣ аз таваллуд то ба айёми мактабхонӣ ва фарогирии илму дониш дар марказҳои илмӣ - маърифатӣ, аз фаъолияти рӯзноманигорӣ то ба офариниши тадқиқоти бунёдӣ роҷеъ ба таъриху тамаддуни миллати худ ва иртиботи он бо тамаддуни башарӣ, аз иҷрои вазифаҳои ҳизбию ҷамъиятӣ то расидан ба мансаби баланди ҳизбӣ – Котиби аввали КМ ҲК Тоҷикистон – тамоми паҳлуҳои кору пайкори арбоби бузурги ҳизбию давлатӣ, илмию эҷодии академик Бобоҷон Ғафуров холисона ва бомуҳаббат баррасӣ гардидаанд. Нашри ин китоб армуғони арзандае ба Ҷашни 110 – солагии академик Б. Ғафуров барои ҳаводорони илмҳои ҷомеашиносӣ ва сазовори ҷоизаи вилоятии ба номи ин олими бузурги тоҷик мебошад.
Кароматулло ОЛИМЗОДА,
академики Академияи илмҳои
Ҷумҳурии Тоҷикистон


Баёни ақида (0)    Санаи нашр: 12.07.2018    №: 137    Мутолиа карданд: 215

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед