logo

иқтисод

ГРАНТҲОИ ПРЕЗИДЕНТӢ БОНУВОНРО ФАЪОЛ КАРД

Коргоҳи «Шоҳзамон» бо маҳсули дастранҷи 20 зани ҳунарманд - сокинони шаҳри Сарбанд ва дигар минтақаҳои ҷумҳуриро бо атласу адрас таъмин мекунад. Сармояи аввал барои оғози фаъолияти соҳибкории  роҳбари кордону заҳматкаш Файзия Фозилова Гранти президентӣ дар ҳаҷми 10 ҳазор сомонӣ буд.

Грантҳои президентӣ барои дастгирии занони соҳибкор ва боло бурдани нақши онҳо дар рушди иқтисоди миллӣ ҷудо гардида, беҳтаринҳо тариқи озмун интихоб мешаванд. Дар соли 2017 қатори Файзия Фозилова 414 зани соҳибкор лоиҳаи худро барои гирифтани грант пешниҳод карданд. Аз ин 80 лоиҳа бо маблағи 2 миллион сомонӣ беҳтарин дониста шуд. Мақоми ваколатдор Кумитаи кор бо занон ва оилаи назди Ҳукумати ҷумҳурӣ буда, Кумитаи давлатии сармоягузорӣ ва идораи амволи давлатӣ бо таъсиси гурӯҳи корӣ фаъолияти занони соҳибкорро ҳамвора пеш мебарад.  
Идигул Қосимзода, раиси Кумитаи кор бо занон ва оила, иброз дошт, ки иқдоми пешгирифта дар бунёди чандин коргоҳҳои хурди истеҳсолӣ такон бахшида, шумораи зиёди занону духтарон, махсусан дар деҳот соҳиби касб ва ҷойи кор шуданд.
Албатта, амалисозии ин ё он лоиҳа, махсусан лоиҳаҳои грантӣ, таҷриба ва дониши мукаммалро тақозо менамояд. Таҷрибаи занон ва духтарони деҳот агар аз сайқал додани ҳунару истеъдод ва зебоиофарии онҳо афзун гардад ҳам, баргузории чандин курсҳои омӯзишӣ, такмили ихтисос дониши иқтисодӣ ва маърифати ҳуқуқии онҳоро беҳтар кардааст. Вале, бо вуҷуди ин, ҳанӯз ҳам занон аз надоштани малака ва маҳорати таҳияи бизнес – нақшаҳо, кор бо технологияи иттилоотӣ ва коммуникатсия ба мушкилӣ рӯ ба рӯ мешаванд. Дастрасии ками занон ба воситаҳои пешбаранда, аз ҷумла ба иттилоот, яъне сари вақт огоҳ набудан аз ҷараёни навгониҳо ва тағйирот дар соҳа, ҳамчунин, дастрасӣ ба воситаҳои қарзӣ ва замин монеа эҷод мекунанд. Ин аст, ки мувофиқи таҳлили гурӯҳи корӣ, лоиҳаҳои бонувони соҳибкор 14 дарсади ҳамаи лоиҳаҳои дастгириёфта ва қариб 8 дарсади маблағҳои барои дастгирии лоиҳаҳо равонашударо ташкил медиҳад. Дар давоми панҷ соли охир аз ҷониби ташкилотҳои қарзии хурд ба занони соҳибкор додани 6 миллиард сомонӣ қарз, ки 25 дарсади тамоми қарзҳои ҷудошудаанд, далели камфаъолиятӣ ё маҳдудияти дастрасии занон ба ин воситаҳо мебошад.
20  бонуи коргоҳи “Шоҳзамон” низ дар оғози кор аз надоштани ашёи хом, яъне ришта барои тавлиди маҳсулот танқисӣ мекашиданд. Ришта дар вилояти Суғд рангомезӣ шуда, бо интиқол ёфтан ба шаҳри Сарбанд хароҷоти зиёд дошт. Баъд аз омӯзиши нозукии рангбахшӣ, алъон худи занон аз корхонаҳои истеҳсоли нассоҷӣ ришта харида, ранг мекунанд. “Занон дар як рӯз беш аз 200 метр адрас мебофанд. Маҳсулот эҳтиёҷоти занону духтарон ва толибилмони муассисаҳои таълимии шаҳрро қонеъ гардонда истодааст. Барои ин, ҳунармандон дар бозор ба нуқтаи фурӯш ниёз доранд. Тасмим гирифтем ба мақомоти иҷроияи маҳаллии ҳокимияти давлатии шаҳри Сарбанд барои ҷудо кардани нуқтаи фурӯш дар бозор муроҷиат намоем”, - гуфт Файзия Фозилова.
Ҳоло ки таваҷҷуҳи мардум, хусусан хориҷиён ба ҳунарҳои дастӣ зиёд мебошад, кушодани нуқтаҳои алоҳида ва муаррифии ҳунари волои адрасбофӣ ҳаҷми истеҳсоли маҳсулотро зиёд ва таъминот бо ҷойи кориро беҳтар мегардонад. Барои вусъати кори коргоҳ ва пӯшондани хароҷот Файзия Фозилова дар боғи бунёдкардааш хеле заҳмат мекашад. Зани кордону боҳунар тавонист дар 2 гектар замин намудҳои гуногуни дарахтони сояафкан ва мевадиҳанда парвариш намояд. Маҳсулот ба бозор бароварда мешавад. Аз ҳисоби ҳосили боғ шахсони ниёзманди шаҳру ноҳияҳои ин минтақа низ бо мева таъмин шуда истодаанд. Зани заҳматкашу соҳибирода бовар дорад, ки бо бартараф гардидани камбудиҳо коргоҳи “Шоҳзамон” ҳаҷми истеҳсоли маҳсулотро зиёд намуда, бо рақобатпазирӣ дар бозори дохилӣ нуфузу эътибори баланд касб менамояд.    
Оҳистамоҳи ВАФОБЕК,
“Ҷумҳурият”


Баёни ақида (0)    Санаи нашр: 12.07.2018    №: 137    Мутолиа карданд: 250

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед