logo

маориф

РӮЗГОРЕ БАРОИ ИБРАТ

Як зумра одамон дар касбу кори хеш намунаи олии садоқатро аз худ нишон медиҳанд. Бо вуҷуди муаммоҳои оилавӣ, каму кости рӯзгор, маош ва мақому мартаба, муҳаббат ба касбро лаҳзае фаромӯш намекунанд. Гӯё онҳо барои кор ва кор барои онҳо офарида шуда бошад.

Қаҳрамони мо Ҳалима Усмонова низ қариб панҷоҳ сол аст, ки китобдорӣ мекунад. Дар мактабу муассисаҳои гуногун фаъолият бурда, ҳазорон хонандаи тоҷикро бо китобу китобхона қарин намудааст.
Вақте ногаҳон ба китобхонаи МТМУ № 10 - и ноҳияи Исмоили Сомонӣ ворид шудем, ӯро саргарми кор ёфтем. Китобхонаи мактабро чунон оро додааст, ки кас бояд онро бо чашмони худ бубинаду ба завқи баланди китобдорӣ аҳсант гӯяд. Ба қавли маъруф, «шунидан кай бувад монанди дидан».
Китобҳоро вобаста ба синну сол ва аҳамияташон тақсим карда, барои муаррифии муаллифон газетаҳои деворӣ таҳия карда, аксу ангораҳои вобаста ба асарҳои машҳурро кашида, охирину тозатарин нусхаҳои ҳафтаномаву маҷаллаҳоро дар як рада гузошта, рӯйхати китобхонони фаъолро баҳри ҳавасмандиашон тартиб дода, деворҳои ҳуҷраро бо гулҳои сохтаи худ оро додааст.
Ҳалима Усмонова аз соли 1972 инҷониб китобдор аст. Фарзандонаш дар касбу кори гуногун фаъолият дошта, модари азизашонро ҳамаҷиҳата таъмин кардаанд. Ду фарзанди дигараш дар шаҳри Сочии Русия қарор дошта, борҳо ӯро ба ин шаҳри бузург даъват кардаанд, аммо ӯ напазируфтааст. Сабабашро худи ӯ чунин шарҳ медиҳад: «Меҳр ба касбу китоб, чашмакони боумеди хонандагони мактаб, ҳиссу ҳаяҷон ва бардоштҳои рангоранги онҳо аз атроф, меҳру муҳаббати ниҳониву ошкорашон намегузоранд, ки ин даргоҳи илму маърифатро тарк намоям. Бе ҳузури онҳо ҳатто як рӯзи истироҳат ҳам парешон мешавам. Фикр мекунам, рӯҳи ман дар ҳамин муҳиту фазои озода пар мезанад».
Директори мактаб Мақсуда Муродова аз таҷрибаву малакаи касбии Ҳалимабону огоҳ аст ва намегузорад, ки чунин мутахассиси хуб аз мактаб дур шавад.
Ростӣ, имрӯзҳо баъзе касон на танҳо ба молу мулки ҷамъиятӣ, балки ба асбоби рӯзгори хеш низ муносибати боадолатона надоранд. Аммо Ҳалима Усмонова хурдтарин лавозимоти мактабӣ, бавижа китобҳоро чун зарфҳои нуқрагиву чинии қиматбаҳо эҳтиёт, гарди рӯяшонро тоза мекунад. Ман аз будани чунин инсонҳои покизаву босафо ифтихор мекунам, меҳрам ба зиндагиву одамон зиёд ва як бори дигар ин байти Мавлоно вирди забон мешавад:
Ҳар киро аз баҳри коре сохтанд,
Меҳри ӯро дар дилаш андохтанд.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 17.07.2018    №: 140    Мутолиа карданд: 1214
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед