logo

Хабарҳо

12 ҲАЗОРУ 482 ҶИНОЯТ ДАР ШАШ МОҲ

Дар шаш моҳи аввали соли ҷорӣ ҷиҳати таъмини волоияти қонун, таҳкими қонуният ва тартиботи ҳуқуқӣ, ҳимояи ҳуқуқу озодиҳои инсон ва шаҳрванд, инчунин, мубориза бо ҷинояткорӣ, муайян намудани вазъи иҷро ва риояи қонунҳо 3183 маротиба санҷиши прокурорӣ гузаронда шуда, 35104 ҳолати қонунвайронкунӣ ошкор ва ҷиҳати бартараф намудани онҳо чораандешӣ шудааст.
Дар ин бора Юсуф Раҳмон, прокурори генералии Ҷумҳурии Тоҷикистон, зимни нишасти матбуотӣ ба рӯзноманигорон иттилоъ дод.
Ба гуфтаи прокурори генералӣ бо ин мақсад ба унвонии роҳбарони мақомоти давлатӣ, ташкилоту корхона, соҳибкорон ва шаҳрвандон 6022 амр, 3007 пешниҳод ва 4225 эътироз ирсол шуда, дар асоси қарорҳои прокурорӣ 8046 нафар ба ҷавобгарии интизомию моддӣ кашида шуда, 13804 парвандаи ҳуқуқвайронкунии маъмурӣ ва 1803 парвандаи ҷиноятӣ оғоз гардид.
Дар ин давра таъмини амнияти иқтисодӣ ва барқарор намудани зарарҳои молиявӣ мавриди таваҷҷуҳи хос қарор гирифта, бо дахолати прокуророн 348 миллион сомонӣ зарар барқарор шуд, ки он нисбат ба ҳамин давраи соли гузашта 48 миллион сомонӣ зиёд аст.
Ҷиҳати таъмини талаботи Қонуни Ҷумҳурии Тоҷикистон “Дар бораи танзими асъор ва назорати асъор” ҳолатҳои зиёди муомилоти ғайриқонунӣ бо асъори хориҷӣ нисбат ба шахсони гунаҳгор 120 парвандаи ҳуқуқвайронкунии маъмурӣ ва 65 парвандаи ҷиноятӣ оғоз шуд. Дар самти назорати иҷрои қонунгузории андоз 154,5 миллион сомонӣ қарзи андоз барқарор ва ба судҳо 45 аризаи даъвогӣ оид ба рӯёндани 19,6 миллион сомонӣ бақияпулиҳои қарзи андоз пешниҳод гардид.
Ҷиҳати бартараф намудани қонуншиканиҳо вобаста ба риояи қонунгузории замин 1554 санади прокурорӣ татбиқ ва 2383 нафар ба ҷавобгарии интизомию маъмурӣ ҷалб гардида, 716 парвандаи ҷиноятӣ оғоз ва 6896 гектар қитъаи замин ба ҳолати аввала баргардонда шуд.          
Вобаста ба муқаррароти  Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» 214  нафар ба ҷавобгарии интизомӣ кашида шуда, нисбат ба 211 нафар парвандаи ҳуқуқвайронкунии маъмурӣ оғоз гардидааст. Ҷиҳати назорати иҷрои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» бошад, 1962 нафар ба ҷавобгарии интизомию маъмурӣ кашида шуда, 124 парвандаи ҷиноятӣ оғоз гардидааст.
Дар ин давра дар ҷумҳурӣ 12 482 ҷиноят ба қайд гирифта шуд, ки 4008 адади он аз ҷониби мақомоти прокуратура ошкор гардидааст.
Лашкар ШАРИФ,
«Ҷумҳурият»


Баёни ақида (0)    Санаи нашр:    №:    Мутолиа карданд: 210

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед