logo

ҳуқуқ

МАЪРАКАИ МИЛЛӢ ОИД БА ФАРОГИРИИ МАСОИЛИ МАЪЮБИЯТ ОҒОЗ ГАРДИД

Масъалаи таъмини ҳуқуқи шахсони дорои маъюбият, алалхусус кӯдакон зери таваҷҷуҳи доимии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. Дар ин раванд Ҳукумати мамлакат мутобиқи Конститутсияи Ҷумҳурии Тоҷикистон ва қонунгузории миллӣ, инчунин, уҳдадориҳои дар доираи қарордодҳои байналмилалӣ қабулгардида беҳзистии шахсони дорои маъюбиятро таъмин намуда, тадбирҳои зиёдро амалӣ карда истодааст.

Ин суханҳое буданд, ки дар маросими расмии оғози Маъракаи миллӣ оид ба фарогирии масоили маъюбият садо доданд. Ин маъракаро Ҳукумати Ҷумҳурии Тоҷикистон, Намояндагии Хазинаи кӯдакони СММ (ЮНИСЕФ) дар Тоҷикистон ва шарикон аз ҷомеаи шаҳрвандӣ рӯзи 16 июл зимни як ҳамоиш дар меҳмонхонаи Ҳаят Риҷенсии пойтахт оғоз бахшиданд. Ҳадаф аз роҳандозии он ташвиқи эҳтиром ба ҳуқуқ ва шаъну шарафи кӯдакон, занон ва мардони дорои маъюбият, бунёди ҷомеаи фарогир бо имконот барои ҳамагон, коҳиши доғгузорӣ ва рафъи тасаввуроти ғалат дар бораи маъюбият мебошад. Чорабинӣ таҳти шиори «Ҳар яки мо – тавоно!» ҷараён гирифта, зимнан таъкид гардид, ки ҳар як узви ҷомеаи Тоҷикистон барои субот, муттаҳидӣ ва инкишоф саҳми арзандаи худро гузошта метавонад.
Қобили зикр аст, ки 22 марти соли ҷорӣ дар ҳошияи кушодашавии чорабинӣ бахшида ба оғози Даҳсолаи байналмилалии амал «Об барои рушди устувор, солҳои 2018 - 2028» Президенти мамлакат дар бинои СММ, воқеъ дар шаҳри Ню - Йорки ИМА зери Конвенсия оид ба ҳуқуқи шахсони маъюб имзо гузоштанд. Ҳарчанд конвенсияи мазкур дар ибтидои соли ҷорӣ ба имзо расида бошад ҳам, вале қабл аз он чандин санадҳои меъёрии ҳуқуқӣ қабул гардиданд, ки ба манфиати шахсони дорои маъюбият равона шудаанд.
Маҳз дар доираи ҳамин сиёсат бо Қарори Ҳукумати Ҷумҳурии Тоҷикистон аз 28 октябри соли 2016, таҳти рақами 455 «Барномаи миллии тавонбахшии маъюбон барои солҳои 2017 - 2020» қабул гардида, вазорату идораҳо, кумитаҳо, мақомоти маҳаллии ҳокимияти давлатӣ, муассисаву ташкилотҳо ҷиҳати таъмини иҷрои бандҳои дахлдори Нақшаи чорабиниҳои барнома муваззаф шудаанд.
Ваколатдор оид ба ҳуқуқи кӯдак дар Ҷумҳурии Тоҷикистон Раҷабмо Ҳабибуллозода гуфт, ки шахсони маъюбиятдошта аъзои комилҳуқуқи ҷомеаи мо мебошанд. Онҳо ба ҳаёти мукаммал ҳуқуқ доранд ва бояд шаъну эътиборашон таъмин гардида, ба ҳаёти ҷамъиятӣ фаъолона шомил шаванд. Зимнан, ба таъмини шароити баробар барои кӯдакони маъюбиятдошта (дастгирии иҷтимоӣ, тавонбахшии онҳо, дахолати барвақтӣ ва пешгирии маъюбият) афзалият дода мешавад.
Маъракаи мазкур ҷиҳати дастгирии ташаббусҳои Ҳукумати Ҷумҳурии Тоҷикистон дар амалисозии Конвенсия оид ба ҳуқуқи маъюбон равона шудааст. Ин маъракаи нахустини шашмоҳа дар доираи «Барномаи миллии тавонбахшии маъюбон барои солҳои 2017 - 2020» мебошад, ки баҳри бунёди ҷомеаи фарогири иҷтимоӣ мусоидат мекунад. Интизор меравад, ки аз рӯйи натиҷаи маъракаи оғозшуда ва марҳилаҳои минбаъдаи он дониши мардум оид ба маъюбият беҳтар гардида, тасаввуроти ғалат ислоҳ мешавад. Дар зеҳни аъзои ҷомеа – кӯдакон, ҷавонон ва калонсолон нисбати шахсони дорои маъюбият муносибати мусбат ташаккул меёбад. Ҷомеа барои бештар гардидани боварии кӯдакони маъюб ба тавонмандии худ ва раҳнамун сохтани онҳо баҳри рушди минбаъда мусоидат мекунад. Қобилияти волидайни кӯдакони дорои маъюбият бештар шуда, онҳо саъй меварзанд, ки фарзандони худро берун аз муассисаҳои интернатӣ беҳтару хубтар нигоҳубин кунанд.
Ш. ҚУРБОН,
«Ҷумҳурият»


Баёни ақида (0)    Санаи нашр: 18.07.2018    №: 141    Мутолиа карданд: 449

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед