logo

иҷтимоиёт

БИРАВАД АЗ НАЗАРУ ЛЕК ЗИ ДИЛҲО НАРАВАД

Нависандаи зарифтабъ ва ҳаҷвнигори хушсалиқаву маҳфилоро Бурҳон Ғанӣ соли 1938 дар фасли гули зардолу (таъбири худи устод), дар деҳаи Рогифи ноҳияи Мастчоҳ ба дунё омадааст. Дере нагузашта аз падару модараш ятим мемонад ва тағоҳояш Аминбеку Мирзосафар тарбияи ӯро ба зимма мегиранд.

Гарчанде дар тифлӣ сахтиҳои зиёде дид, бо вуҷуди ин аз омӯхтани илму дониш лаҳзае дар канор намонд. Зеро ягона роҳе, ки ӯро сӯйи нур мебурд, идома додани таҳсил буд.  Ва ниҳоят мактаби деҳаи Мадрушкатро хатм намуда, ба факултети таъриху филологияи Университети давлатии Тоҷикистон (ҳоло ДМТ) дохил шуд. Баъди хатми донишгоҳ як муддат дар маҷаллаи бонуфузи ҳаҷвии “Хорпуштак” ва Кумитаи давлатии ҶШС Тоҷикистон оид ба телевизион ва радиошунавонӣ ҳамчун муҳаррири барномаҳои адабӣ фаъолият намуд. Баъдан ба маҷаллаи “Хорпуштак” баргашта, то охири умраш дар ин ҷо кор кард. Ҳикояву фелйетон ва памфлету луқмаҳояш дар ин маҷалла нашр шуда, писанди хонандагони сершумор гардиданд.
Бурҳон Ғанӣ табиатан шӯхтабиат буд ва ҳамин аст, ки ӯро дар қатори Сайдалӣ Вализода, Боқӣ Раҳимзода, Ашӯр Сафар ва Мирзо Файзалӣ бо зарофатгӯиву ҳозирҷавобӣ, лаҳни ширину шӯхиҳои намакинаш мешиносанд. Басир Расо дар бораи Бурҳон Ғанӣ нигошта: “Гули маърака буд. Дар суҳбате, ки ӯ ҳузур дошт, ханда гул мекард. Мардум ӯро «Кони гап» мегуфт. Дарвоқеъ, Бурҳон Ғанӣ аз як воқеаи одӣ қиссаҳое месохт, ки сомеаш дар ҳайрат мемонд. Санъати қиссабофӣ ва услуби эҷоди ин ҳаҷвнигор худодод буд. Одами ғазаболудатарин ҳам бо мутолиаи ҳикояву қиссаву латифаҳои намакини Бурҳон Ғанӣ лаб ба табассум мекушоду кӯфти ғамашро мебаровард”.
Ӯ дар ин ҷода пайрави Фазлиддин Муҳамммадиев буд ва мавсуфро устоди хеш мехонд. Асарҳояш аз аввали солҳои 60 - уми асри гузашта рӯйи чоп омаданд ва аз давраи аввали фаъолияташ ҳамчун ҳаҷвнигор шуҳрат пайдо кард. Эҷодиёти ӯ бо сабку услуби хосси эҷодӣ байни дигар ҳамқаламон фарқ мекард. Мавзӯи асосии эҷодиёти Бурҳон Ғаниро ҳаҷви тезутунди муфтхӯрон, қаллобон, фиребгарон ва, умуман масъалаҳои доғи рӯз ташкил медод.
Ҳарчанд Бурҳон Ғанӣ умри тӯлонӣ надид (53 сол), аммо аз худ осоре боқӣ гузошт, ки умри абадӣ дорад.
Ӯ барҳақ яке аз сутунҳои ҳаҷви муосири тоҷик эътироф шудааст ва ҳикояву латифаҳояш дар дили мардум то абад нақш бастаанд.
К. ЗИКРУЛЛО,  “Ҷумҳурият”


Баёни ақида (0)    Санаи нашр: 19.07.2018    №: 142    Мутолиа карданд: 243

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед