logo

фарҳанг

КАНДАКОРӢ ЧЕҲРАИ ТОҶИКИСТОНРО БА ОЛАМИЁН МЕКУШОЯД

Кандакорӣ усули коркарди бадеии чӯб, санг, устухон, гил ва гаҷ буда, аз маъмултарин намуди санъати миллии тоҷикон маҳсуб меёбад. Имрӯзҳо дар Тоҷикистон маҳсули дасти кандакоронро дар сутуну болор, дару тирезаҳои чойхонаҳо, масҷидҳо, осорхонаҳо, қасрҳои фарҳанг, биноҳои маъмурӣ дидан мумкин аст.  Кандакорӣ таърихи ҳазорсола дошта, намунаҳое, ки аз ноҳияҳои Ишкошиму Ванҷи Вилояти Мухтори Кӯҳистони Бадахшон, шаҳру ноҳияҳои Истаравшан, Исфара, Панҷакент, Айнӣ, Вахш дарёфт шудаанд, ба асрҳои 8 - 10, 15 - 19 мутааллиқанд.
Дар осорхонаҳои кишвар намунаҳои олии кандакорӣ ҳифз шудаанд. Сутунҳои кандакоришуда аз деҳаҳои Рарз, Фатмев, Куруди ноҳияи Айнӣ, Оббурдони Мастчоҳ, сарсутунҳои масҷидҳои Ҳавзи Сангин, Далёни Болои шаҳри Истаравшан, Ҷомӣ дар Хуҷанд, Сурх дар Исфара бо анъанаҳои қадимаи кандакорӣ ороиш ёфтаанд. Дар зиндагии рӯзмарраи тоҷикони Помир кандакории чӯб барои ороиши хонаҳо истифода мешуд.
Санъати муосири кандакории чӯбии тоҷикон, дар ду самт инкишоф меёбад: мардумӣ ва касбӣ. Вале, дар ҳар ду ҳам анъанаҳои асримиёнагии санъати ороишӣ нигоҳ дошта шудаанд. Услуби мардумӣ идомаи анъанаҳои пешин буда, дар деҳот бисёр вомехӯрад. Кандакории касбиро имрӯз бештар наққошону меъморони соҳибмаълумот дар бунёди биноҳои муҳташами фарҳангию  маърифатӣ ба кор мебаранд.
Гаҷкорӣ аз навъҳои дигари кандакорист, ки таърихи қариб ҳазорсола дорад. Ба ин навъи санъат шоҳу ҳокимон майл доштанд. Гаҷкорӣ дар имороти қасри таърихии Ҳулбук, кӯшкҳои ҳокимони Панҷакент, Шаҳристон, бозёфтҳои Тахти Сангину Аҷинатеппа истифода шудаанд. Пештар асоси нақши кандакоронро аслан тасвирҳои дарахтон, ҳайвонот, парандаҳо, меваҳои гуногун ташкил додаанд. Давомдиҳандагони анъанаҳои кандакорӣ дар замони шӯравӣ устоҳои гулдаст усто Раҳимшайх Раҷабов, усто Очил Файзов, усто Охунҷон Ёқубов, усто Сироҷиддин Нуриддинов буданд. Кандакорони Исфараву Истаравшан беҳтарин устоҳо маҳсуб меёфтанду имрӯз ҳам касби бобоиро пос доштаанд.
«Заминкор», «Лӯлапардоз», «Пахтапардоз», «Табақапардоз»  усулҳои махсусе мебошанд, ки онҳоро то ҳол дар кандакорӣ истифода мебаранд. Дар санъати муосири Тоҷикистон кандакории чӯбиву гаҷиро дар ороиши Театри опера ва балети ба номи С. Айнӣ, тарабхонаи «Тоҷикистон», чойхонаи «Роҳат» ва бинои Палатаи ҳисоб (собиқ китобхонаи Фирдавсӣ), дар толори меҳмонхонаҳои бузург ва баъзе биноҳои идораҳои муосир дидан мумкин аст.
Сангтарошӣ, сангкорӣ, ҳаккокӣ - кандакорӣ дар санг яке аз намудҳои қадимтарини санъати ороишӣ - амалии тоҷикон мебошад, ки намунаҳои онро дар ёдгориҳои Юнону Бохтар, Кӯшониён, Сосониён, Сомониён мебинем. Намунаҳои то ба мо расида аз касбияти баланди кандакорони рӯйи санги ҳамон давра шаҳодат медиҳанд.
Тибқи маълумоти таърихӣ дар сангҳои сари мазор, иморатҳои давраи Темуриён нақшҳои рустанишакл ва геометрӣ истифода мешуданд. Ин анъанаи қадимаро устоҳои шаҳрҳои Хуҷанду Истаравшан дар омодасозии нақшҳо дар сангҳои мармар ва табақҳои сафолин то ба имрӯз нигоҳ доштаву сайқал бахшидаанд. Ба армуғонҳои сангиву сафолии ҳунармандони тоҷик сайёҳони кишварҳои хориҷие, ки ба тамошои шаҳрҳои Бохтар, Панҷакент, Истаравшан, Исфара, Хоруғ, Кӯлоб ва  ғайра меоянд, бештар таваҷҷуҳ мекунанд. Онҳоро нақшҳои печдарпечу ҳаррангаи аҷубаҳои сангин, бозичаҳои сафолӣ, табақчаҳои чӯбии кандакоришуда ба ҳайрат меоранд.
Рушди ҳунарҳои мардумӣ, ки бо иқдоми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Соли рушди сайёҳӣ ва ҳунарҳои мардумӣ маҳсулоти коргоҳи хонакорон аз пардохти ҳама намуди андоз озод шудаанд. Ин имкон фароҳам меорад, ки Тоҷикистон дар арсаи байналмилалӣ чун кишвари дорои санъати волои ҳунармандӣ муаррифӣ шавад ва гузашта аз ин, боиси ҳавасманд гардидани сайёҳони зиёд ҷиҳати боздид аз чунин диёри афсонавӣ гардад. 

Қурбон АҲМАДЗОД,
«Ҷумҳурият»


Баёни ақида (0)    Санаи нашр: 25.07.2018    №: 146    Мутолиа карданд: 370

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед