logo

фарҳанг

КИТОБ ВА ОМӮЗГОР ОЯНДАИ КӮДАКОНРО МЕСОЗАНД

Ёд дорам, ки замони наврасии мо таъминоти барқ яке аз муаммоҳои асосӣ буд. Хонаҳои мо танҳо бо шуълаи шамъ равшан мешуданд. Бо рӯшании хираи шамъ китобҳои бадеии нависандаҳоро мехондем. Аз осори эшон фарқи байни сиёҳу сафед ва неку бадро мешинохтем.
Асарҳои бадеӣ дар зиндагиву рӯзгори мардум ҷойгоҳи махсус доранд. Асарҳои бадеӣ дарду ормон ва орзуву умедҳои халқро ифода мекунанд. Имрӯз шаҳрвандон бо қувваи барқ таъминанду хонаҳои мо шабу рӯз равшану дурахшонанд. Кӯдакони мо метавонанд дар равшании барқ бемалол китоб хонанд ва тавассути васоити техникӣ аз тозатарин адабиёти ҷаҳон бархӯрдор бошанд. Аммо, сафи китобхонҳо новобаста аз шароитҳои хуб камтар мегарданд. Чаро?
Фикр мекунам, ин ҳама аз тағйир ёфтани арзишҳои маънавӣ шурӯъ шуд. Бештари одамон ба худ меъёрҳои нави зиндагиро қабул карданд. Барои аксарият соҳиби пули зиёд гардидан, хонаву дар сохтан, сабукравҳои муосир харидан меъёри асосии хушбахтӣ шуд. Ин тарзи нави зиндагӣ бештари моро аз  маънавиёт дур гардонд.      
Китоб дар хонадони тоҷикон, аз ҷумла дар хонаи мо ҳама вақт мавқеи махсус дошт. Ёд дорам, ки мо замони мактабхонӣ ҳар сол ба рӯзномаву маҷаллаҳои бачагона обуна мешудем. Ман аз ҷумлаи аввалинҳо будам, ки пули обунаро сари вақт месупурдам.
Новобаста аз фикри ҷамъият, мавқеи одамон, меъёрҳои арзишҳои маънавӣ марҳилаи мактабхонӣ марҳилаи басо нозуку муҳим аст, зеро он шахсияти хонандаро ташаккул дода, роҳу равишашро дар оянда муайян месозад. Барои ҳамин, масъулияти басо бузург ба дӯши омӯзгорон аст. Як сухан, як ҳарфи беҷои омӯзгор метавонад  дар зеҳни хонанда садамаи рӯҳиро ба вуҷуд оварад. Мураббӣ созандаи муҳит дар ҷомеа мебошад, зеро ҳама вақт ба сухану шахсияти омӯзгор халқ бовар мекунад. Фарзандони ба ҷон баробарашро ба дасти омӯзгор месупурад, ба умеде, ки чароғи саводу ҷаҳонбинии тифлашро рӯшан намояд. Барои ҳамин дар марҳилаи басо нозук масъулияти шаклгирии шахсияти кӯдакону наврасон бар дӯши омӯзгорону эҷодкорон вогузор аст. Фикр мекунам, омӯзгор ва эҷодкор ҳуқуқи иштибоҳ кардан надоранд, зеро як иштибоҳи кӯчактарини онҳо метавонад нафареро умре шикастарӯҳ гардонад.      
Агар вазифа ва рисолати эҷодкор тарбияи маънавии ҷомеа бошад, пас он бояд аз даврони боғчаравии кӯдакон оғоз ёбад. Яъне, пеш аз ҳама, рушди адабиёти бачагона ба инобат гирифта шавад. Боғча, мактаб, китобхонаҳои бачагона саршор аз осори хубу хондании кӯдакона бошанд, омӯзгор ҳам, насли наврас ҳам азоб намекашанд, китоб ба ёрии онҳо мешитобад.
Пешниҳод кардани асарҳои хубу хонданӣ ба кӯдакону наврасон ба ташаккули зеҳнии онҳо пояи асосӣ мегузорад ва муҳаббаташонро ба хондани китобу илмомӯзӣ бештар мегардонад.
Аз ин сабаб, иқдоми рӯзномаи “Ҷумҳурият”-ро дар пеш бурдани адабиёти кӯдак самимона дастгирӣ мекунам. Бовар дорам, ки дар ҷараёни озмун истеъдодҳои нав кашф гардида, адабиёти тоҷик боз ҳам рангинтару доротар мешавад.

Матлуба ЁРМИРЗОЕВА,
шаҳри Хуҷанд


Баёни ақида (0)    Санаи нашр: 31.07.2018    №: 150    Мутолиа карданд: 298

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед