logo

туризм

ТОҶИКИСТОН. САМАРАИ БЕШ АЗ 500 ЧОРАБИНӢ ДАР САМТИ РУШДИ САЙЁҲӢ

Дар доираи Соли рушди сайёҳӣ ва ҳунарҳои мардумӣ дар шаш моҳи аввали соли ҷорӣ беш аз 500 чорабинии ҷумҳуриявию байналмилалии илмӣ - иттилоотӣ, фарҳангӣ - фароғатӣ ва сайёҳӣ - истироҳатӣ баргузор карда шудааст, ки мақсад аз онҳо муаррифии иқтидори ғании кишвар аз ҷиҳати табииву таърихӣ дар дохилу хориҷи мамлакат ва бозорҳои нави ҷаҳонии сайёҳӣ мебошад.
Дар ин бора ба «Ҷумҳурият» аз маркази матбуоти Кумитаи рушди сайёҳии мамлакат ба таври муфассал иттилоъ доданд.
Тибқи иттилои манбаъ, бахусус Форуми байналмилалӣ дар осоишгоҳи “Зумрад” ва Фестивали «Наврӯз – мероси фарҳангии сайёҳӣ» барои рушди соҳаи сайёҳии Тоҷикистон ниҳоят пурсамару манфиатбахш буданд.
Баргузории Форум ва Намоишгоҳи байналмилалӣ дар осоишгоҳи “Зумрад”-и шаҳри Исфара бо иштироки ширкатҳои сайёҳии Ӯзбекистон, Қирғизистон, Қазоқистон, Амороти Муттаҳидаи Араб ва Чин имкон фароҳам овард, ки миёни ширкатҳои ватаниву хориҷӣ беш аз 20 санади нави ҳамкорӣ дар соҳаи сайёҳӣ ба имзо расида, барои ворид гаштани шумораи зиёди сайёҳон ба Тоҷикистон мусоидат намояд. Дар заминаи ин ҳамкориҳо, ки аз сиёсати хирадмандонаи Пешвои муаззами миллат муҳтарам Эмомалӣ Раҳмон маншаъ мегирад, дар шаш моҳи охир танҳо аз Ӯзбекистон беш аз 387 ҳазор сайёҳ ба тамошои Тоҷикистон омаданд. 
Фестивали байналмилалии «Наврӯз – мероси фарҳангии сайёҳӣ» бошад, ки имсол дар Душанбе бори аввал баргузор гардид, шумораи зиёди сайёҳонро ба кишвар ҷалб намуда, дар он ҷашни ҷаҳонии Наврӯз ҳамчун бренди сайёҳии Тоҷикистон муаррифӣ гардид. Чорабинии мазкур, инчунин, барои муаррифии ҳунарҳои мардумӣ ҳамчун армуғони арзанда барои сайёҳони хориҷӣ ва ҷалби бештари онҳо ба кишвари мо нақши бузург гузошт. Натиҷаи ҳамин гуна чорабиниҳои сатҳи баланд буд, ки дар шаш моҳи аввали соли 2018 ҳудуди 530 ҳазор сайёҳи хориҷӣ аз мавзеъҳои сайёҳӣ, маконҳои таърихӣ, чашмаҳои шифобахшу истироҳатгоҳҳо ва табиати нотакрору мафтункунандаи Тоҷикистон дидан намуданд.
Барои рушди соҳаи сайёҳии Тоҷикистон намоишгоҳҳои байналмилалӣ низ нақши муҳим доштанд. Аз ҷумла, Намоишгоҳи байналмилалии ITB-Берлин, ки калонтарин чорабинии намоишии ҷаҳон дар соҳаи сайёҳӣ мебошад, қобили зикри хос аст. Масъулони бахши сайёҳӣ зимни муаррифии имкониятҳои васеи сайёҳии кишварамон дар самтҳои туризми экологӣ, табобатию солимгардонӣ, кӯҳнавардию шикор доираи васеи ширкаткунандагони ин намоишгоҳи бонуфузро тавассути маводҳои тарғиботиву ташвиқотӣ мутаваҷҷеҳи табиати нотакрори Тоҷикистон намуданд. Ҳамин буд, ки ҳангоми ҷамъбасти ҷоизаи “100 самти беҳтарин пешоҳангони глобалӣ дар ҳифзи фарҳанги миллӣ, анъана ва ҷалби мардумон ба соҳаи сайёҳӣ дар соли 2018” минтақаи баландкӯҳи Бадахшони Тоҷикистон ба ин садгона ворид ва дар минтақаи Осиё ва уқёнуси Ором ҷойи аввалро сазовор шуд.
Ҳамин тариқ, дастовардҳои чашмраси соҳаи сайёҳии мамлакат самараи сиёсати хирадмандонаи Пешвои муаззами миллат буда, гувоҳи он аст, ки Тоҷикистон солҳои наздик дар ин самт ба муваффақиятҳои аз ин ҳам бештар ноил хоҳад гашт.

Б. КАРИМ, “Ҷумҳурият”


Баёни ақида (0)    Санаи нашр: 2.08.2018    №: 152    Мутолиа карданд: 294

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед