logo

ҳуқуқ

ҶИНОЯТ ва ҶАЗО

ПОРА
Корманди ВКД бо гирифтани 19 800 доллар дастгир шуд
Агентии назорати давлатии молиявӣ ва мубориза бо коррупсия аз дастгир шудани Ҷӯрахон Нусратуллозода, муовини сардори шуъбаи Раёсати мубориза бар зидди гардиши ғайриқонунии маводи мухаддири Вазорати корҳои дохилӣ, хабар дод.
Тибқи иттилои агентӣ шаҳрванд "А" ба Агентии назорати давлатии молиявӣ ва мубориза бо коррупсия бо ариза муроҷиат намуда, хоҳиш кардааст, ки нисбат ба муовини сардори шуъбаи Раёсати мубориза бар зидди гардиши ғайриқонунии маводи мухаддири ВКД Ҷӯрахон Нусратуллозода чораи қонунӣ андешида шавад. Чунки номбурда барои аз ҷавобгарии ҷиноятӣ озод намудани бародаронаш 20 000 ҳазор доллари ИМА ба сифати пора талаб кардааст.
Дар натиҷаи гузарондани чорабиниҳои фаврӣ-тафтишотӣ Ҷӯрахон Нусратуллозода ҳангоми гирифтани маблағи 19 800 доллари ИМА дар дохили ҳуҷраи табобатии Маҷмааи табобатии "Истиқлол", воқеъ дар шаҳри Душанбе дастгир шуда, маблағи мазкур аз ӯ ҳамчун далели шайъӣ ёфта гирифта шуд.
Оид ба ҳолати зикршуда нисбат ба Ҷӯрахон Нусратуллозода, бо моддаҳои 32 қисми 3 - 319 қисми 4 банди "г"- и Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, тафтишоти пешакӣ идома дорад.

ҚАЛЛОБӢ
Ин дафъа дар ҳаҷми махсусан калон
Ба ШВКД-1 дар ноҳияи Сино марди 34 - солаи сокини шаҳри Ҳисор муроҷиат намудааст, ки моҳи июни соли 2016 ҳангоми дар шаҳри Душанбе қарор доштанаш, як сокини шаҳри Ҳисор ба бовариаш даромада, аз ӯ 37 миллиону 156 ҳазору 630 рубли русиро гирифта, ба маблағи 32 миллиону 441 ҳазору 630 рубл аз Русия чӯбу тахта оварда, боқимонда 4 миллиону 715 ҳазор рубли онро ба манфиати шахсиаш сарф намудааст.
Бино ба маълумоти Вазорати корҳои дохилӣ зимни тафтишот муайян гардид, ки номбурда бо ҳамин роҳ моҳи июни соли 2016 низ ба боварии як сокини дигари шаҳри Ҳисор даромада, аз ӯ 21 миллиону 687 ҳазору 350 рубли русӣ гирифта, ба маблағи 17 миллиону 334 ҳазору 100 рубл аз Федератсияи Русия чӯбу тахта оварда, боқимонда 4 миллиону 270 ҳазор рубли онро ба фоидаи худ сарф кардааст.
Аз рӯи ин ҳодиса нисбат ба гумонбар бо моддаи 247 қисми 4 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишот идома дорад.

120 ҲАЗОР СОМОНӢ ПОРА
Боз як ҳолати суистифода аз мансаб ошкор шуд
 
Кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҳангоми чорабиниҳои фаврӣ -тафтишотӣ Илҳомҷон Раҳмонқулов, котиби Ҷамоати деҳоти Истиқлоли ноҳияи Носири Хусравро бо ҳамроҳии Бахтиёр Султонов, ки худро духтури госпитали ВКД муаррифӣ намудааст, ҳангоми гирифтани пора ба маблағи 120 000 сомонӣ дастгир карданд.
Аз рӯи иттилои сомонаи агентӣ, Илҳомҷон Раҳмонқулов ҳангоми дар вазифаи котиби Ҷамоати деҳоти Истиқлоли ноҳияи Носири Хусрави вилояти Хатлон кор карданаш, тибқи маслиҳати пешакӣ ҳамроҳи шаҳрванд бо номи Бахтиёр, ки худро духтури госпитали Вазорати корҳои дохилӣ муаррифӣ намудааст, бо истифода аз ваколатҳои мансабӣ бо роҳи фиреб ва суистифодаи боварӣ бо мақсади ба даст даровардани даромади муфт аз шаҳрванд “А” барои ҷудо кардани 0,45 га қитъаи замин барои сохтмони манзили истиқоматӣ аз ҳисоби заминҳои корами обии Ҷамоати деҳоти Истиқлол маблағи 120 000 сомонӣ талаб намудааст.
Оид ба ҳолати зикршуда нисбат ба Илҳомҷон Раҳмонқулов ва Бахтиёр Султонов бо моддаи 247 қисми 4 банди "б"- и  Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, тафтишоти пешакӣ идома дорад.
Шуъбаи ҳуқуқи рӯзномаи «Ҷумҳурият»

 


 


 


Баёни ақида (0)    Санаи нашр: 13.08.2018    №: 159    Мутолиа карданд: 249

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед