logo

маориф

ВМКБ. ИНТИҚОДИ ШОДИХОН ҶАМШЕД АЗ МАСЪУЛОНИ МАОРИФ

Масъалаи омодагиҳо ба соли нави таҳсил дар Вилояти Мухтори Кӯҳистони Бадахшон дар  машварати  назоратии  навбатии   раиси вилоят мавриди баррасӣ қарор гирифт. Эраҷ  Ҷонмирзоев, сардори   раёсати  маорифи  вилоят, зикр  кард, ки  муассисаҳои  таҳсилоти  миёнаи умумии  вилоят  ба  соли  нави  таҳсил  омодаанд. Аксарияти  муассисаҳо сари  вақт  аз  таъмир  бароварда  шуда,  бо  кадрҳои  омӯзгорӣ таъмин  мебошанд.
Аммо, Шодихон  Ҷамшед, раиси  ВМКБ, роҳбарияти раёсати  маорифи  вилоят ва раисони шаҳру ноҳияҳоро  барои   омодагии  нокифоя  ба  соли  нави таҳсил  мавриди  интиқоди шадид  қарор  дод. Ба  гуфтаи  раис, бо вуҷуди он ки ҳамасола қариб 400 нафар намояндагони Вилояти Мухтори Кӯҳистони Бадахшон риштаҳои омӯзгории муассисаҳои  таҳсилотии  олии  кишварро хатм мекунанд, масъалаи таъмини  мактабҳои вилоят бо омӯзгорони соҳибихтисос  то  ҳол  ҳалли пурраи худро наёфтааст. Вазъият, бахусус, дар ноҳияҳои Ванҷ, Дарвоз  ва Мурғоб  ногувор аст. Муассисаҳои таълимии ин ноҳияҳо аз нарасидани  омӯзгорони фанҳои технологияи иттилоотӣ, риёзӣ, химия ва забонҳои хориҷӣ танқисӣ мекашанд.
Дар баъзе муассисаҳои таълимии вилоят теъдоди зиёди омӯзгорон бо маълумоти миёнаи махсус ва ҳатто маълумоти миёнаи  умумӣ дарс медиҳанд. Далелҳои аз ҷониби омӯзгорони ғайриихтисос таълим додани фанҳои дақиқ ҳам ба назар мерасад. Дар муассисаҳои таълимии ноҳияҳои Мурғоб ва Дарвоз аз забони англисӣ ашхосе дарс медиҳанд, ки фақат курси шашмоҳаи омӯзиши ин забонро хатм намудаанд. Ин дар ҳолест, ки дар шаҳри Хоруғ, ноҳияҳои Рӯшону Шуғнон теъдоди зиёди ҷавононе, ки донишгоҳҳои омӯзгориро бо ин ихтисосҳо хатм намуда, чанд сол боз бекор гаштаанд  ва  дар омори марказҳои шуғли аҳолӣ  сабти ном шудаанд.
   Раиси вилоят аз он  изҳори  нигаронӣ кард, ки  дар раёсату шуъбаҳои маориф дар масъалаи таъминоти кадрии муассисаҳои таълимӣ сифатро қурбони омор мекунанд. Ҳоло  ҳам дар мактабҳои вилоят бо маълумоти олии нопурра 372, бо маълумоти миёнаи умумӣ 31 нафар омӯзгорон кор мекунанд. Дар ноҳияи Ванҷ аз нисф бештари омӯзгорон маълумоти олии касбӣ надоранд. Ҳол он ки танҳо  соли  сипаришуда аз ҳисоби  хатмкунандагони риштаҳои омӯзгории донишгоҳҳои олии кишвар  407 нафар мутахассисони ҷавон барои кор ба муассисаҳои таълимии вилоят омаданд. Мутаассифона, танҳо 96 нафари онҳо ба кор таъмин гардиданду халос. Қисмати зиёди мутахассисони ҷавон барои таъмин бо ҷойи кор дар шуъбаҳои маорифи шаҳру ноҳияҳо дар нав-бат  меистанд, вале барои  кор  ба  деҳоти  дурдаст  ва  ноҳияҳои  дигар  намераванд.
Савол  ба  миён  меояд, ки чаро мутахассисони ҷавон ба ноҳияҳое, ки аз омӯзгорони фанҳои дақиқу забонҳои хориҷӣ танқисӣ мекашанд, рафтану кор кардан намехоҳанд? Ба кадом хотир ҳангоми ҷудо намудани Квотаи президентӣ эҳтиёҷоти ноҳияҳое, ки ба омӯзгорони фанҳои дақиқу забонҳои хориҷӣ бештар  ниёз доранд, сарфи назар карда мешавад? Чаро ҳангоми барномарезии донишгоҳҳо дар робита ба тайёр намудани мутахассисони ин ё он соҳа талаботи бозори меҳнат дар ин ё он минтақа ба назар гирифта намешавад? Ин пурсишҳои раиси вилоят аз ҷониби масъулини раёсати маориф ва раисони ноҳияҳо ҷавоби  худро  пайдо  накарданд. Саволи  дигари раис  дар  робита  ба дастгирии  соҳибкорону  шахсони   саховатпеша дар  самти  таъмири муассисаҳои  таълимӣ низ  беҷавоб  монд.
Ин дар ҳолест, ки дар қаламрави вилоят аз 313 муассисаи таълимӣ  52 - тоаш  дар ҳолати садамавӣ қарор дошта, 85 ададашон ба таъмири асосӣ ниёз доранд.  Ҳатто дар маркази вилоят аз 15 муассисаи таҳсилоти миёнаи умумӣ 10 – тои он ба таъмирӣ асосӣ ниёзманд аст. 
Раиси  вилоят ба  масъулони  соҳа, раиси  шаҳри  Хоруғ ва  ноҳияҳои  вилоят супориш  дод, ки  ба  масъалаи мазкур  таваҷҷуҳи  бештар  равона  карда, камбудиҳои  ҷойдоштаро  то  оғози  соли  нави  таҳсил бартараф  намоянд. Дар  самти  ҷалби  соҳибкорону шахсони саховатпеша ба таъмиру  азнавсозии   биноҳои  муассисаҳои  таҳсилоти  миёнаи умумӣ кор  баранд, барои  мутахассисони  ҷавон дар  маҳалҳо  шароити  мусоид фароҳам  оранд.       
Раҳмони  ГУЛЗОР,
“Ҷумҳурият”


Баёни ақида (0)    Санаи нашр: 14.08.2018    №: 160    Мутолиа карданд: 479
17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД

СҲШ, ИДМ ВА СААД БОРИ АВВАЛ АЛАЙҲИ ТЕРРОРИЗМ МАШҚҲОИ МУШТАРАК МЕГУЗАРОНАНД

ҶАҲОН ДАР ЯК САТР

ФУТБОЛ. ТОҶИКИСТОН БАР ТИМИ ӮЗБЕКИСТОН ҒОЛИБ ОМАД

ТОҶИКИСТОН. 7 ҲАЗОРУ 581 БЕМОРИ COVID – 19 ШИФО ЁФТ

04.09.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 7 ҲАЗОРУ 482 КАС РАСИД

ОЗМУНИ XVII БАЙНАЛМИЛАЛИИ «САНЪАТИ КИТОБ». «УФУҚҲОИ ИСТИҚЛОЛ» СОҲИБИ ШОҲҶОИЗА ГАРДИД

ПЕСКОВ БА АЙБДОРСОЗИИ МОСКВА ДАР ҲОДИСА БО НАВАЛНИЙ ҶАВОБ ГАРДОНД


Дар сомонаҳои дигари Тоҷикистон хонед