logo

туризм

САЙЁҲӢ ОМИЛИ ПЕШРАФТ ВА РУШДИ УСТУВОР

 Ҳар вақт сухан аз рушди сайёҳӣ дар кишварамон равад, наворҳои барномаи муваффақи “Уқоб ё панҷара” – и яке аз шабакаҳои телевизионии Русия ба хотирам меояд. Барандаҳои он зимни сафар ба ягон кишвар бо услуб ва гуфтори ҷолиб имкониятҳои сайёҳии онро барои ҳам миллиондорон ва ҳам сайёҳони қаторӣ басо хотирмон манзур месозанд. Пас аз тамошои намоиш ҳатто каси ҳамёнаш “хароб” беихтиёр шавқи сафар ба ин шаҳр ё давлат пайдо мекунад.
Воқеан ҳам, дар давлатҳои пешрафтаи сайёҳӣ, ки маҳз ҳамин соҳа даромади асосии буҷеташонро таъмин месозад, инфрасохтори туризм ба дараҷае рушд кардааст, ки ҳатто ҳар гуна хоҳиши сайёҳони сернозунузро метавонад комилан қонеъ созад. Бешак, барои ба ин сатҳи баланди хизматрасонӣ расидан солҳо ва маблағҳои ҳангуфт сарф шудаанд.
Вақти рекламаи шаҳрҳо, ҷазираҳо ва мамлакатҳои номбаровардаи сайёҳиро тавассути видеофилмҳо, сомонаҳои интернет, расонаҳо дидану хондан дар сар, пеш аз ҳама, фикре давр мезанад, ки онҳо аз ҷиҳати манзараҳои дилфиреби табиат, чашмаю кӯлу дарёҳо, обҳои шифобахш, меваҳои шаҳдбори аз ҷиҳати экологӣ беназир, ёдгориҳои таърихию фарҳангӣ аз Тоҷикистони азизи мо ҳеҷ бартарие надоранд. Онҳо танҳо дар ташкили инфрасохтори туристӣ, сатҳу намудҳои хизматрасонӣ, тарғибу таблиғи ин дороиҳо ва усулҳои ҷалби сайёҳон пеш рафтаанд.
Ба ибораи дигар, дар тамоми минтақаҳои кишварамон табиати афсункор дари сахояшро он қадар арзонӣ кушодааст, ки ҳар сайёҳи дохилӣ ё хориҷӣ ба як дидан мафтун мешавад. Кӯҳҳои сар ба афлок барои кӯҳнавардӣ, дарёҳои хурӯшон барои рафтинг, дараҳои зебоманзар барои пиёдагардӣ, чашмаҳои мусаффою шифобахш барои табобат, шикоргоҳҳо барои дӯстдорони шикори ҳайвонҳои нодир... Ин рӯйхат басо тӯлонист ва на ҳар кишвари дунё чунин имкониятҳои азими сайёҳӣ дорад.
Ин сарват аст, сарвати Тоҷикистони соҳибистиқлол ва халқи шарифу заҳматпешаи он. Ва ин ганҷи номакшуф бояд баҳри шукуфоии минбаъдаи диёр, ҳамзамон, рӯзгори шоистаи мардуми он истифода шавад.  Ба фаҳми ман, ҳадафи асосии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз эълони Соли рушди сайёҳӣ ва ҳунарҳои мардумӣ маҳз ҳамин аст. Пас аз ироаи ин тасмим дар асоси ҳидояту дастурҳои Пешвои муаззам Ҳукумати кишвар тадбирҳои зиёде андешида истодааст, ки ба рушди бесобиқаи соҳаи сайёҳӣ нигаронда шудаанд. Муҳимтарини онҳо таъсиси сохтори вижаи давлатӣ - Кумитаи рушди сайёҳӣ мебошад. Яъне ривоҷи сайёҳӣ ба дараҷаи сиёсати давлатӣ бардошта шуд. Ва қобили зикр аст, ки ин ниҳоди навташкил дар муддати кӯтоҳ дар ҳамкории зич бо дигар ниҳодҳои давлатӣ ва бахши хусусӣ корҳои судмандро анҷом дода истодааст.
Алъон дар Тоҷикистон низоми содакардаи раводид барои шаҳрвандони 80 кишвари ҷаҳон ҷорӣ гардида, шабакаи ягонаи электронӣ амал мекунад. Тибқи баҳои созмонҳои байналмилалии сайёҳӣ, кишвари мо аз лиҳози низоми содаи гирифтани раводиди сайёҳӣ дар миёни панҷ мамлакати пешсафи ҷаҳон мавқеи чорумро ишғол менамояд. Дар рейтинги Форуми ҷаҳонӣ оид ба рақобатпазирӣ дар бахши туризм Тоҷикистон тавонист соли гузашта мавқеашро 12 зина боло бурда, миёни 136 кишвари дунё мақоми 107-умро касб кунад. Ин, ба қавле, танҳо оғози кор аст. Дар ин рейтинг Қазоқистон дар ҷои 81 ва Қирғизистон дар ҷо 115 -ум мебошанд. Туркманистону Ӯзбекистон дар рейтинг ҳузур надоранд.
Яке аз масъалаҳои ҳалталаб барои рушди сайёҳӣ баланд бардоштани сатҳу сифати хизматрасонию мусофиркашонӣ аз ҷониби ширкати ҳавопаймоии давлатии “Тоҷик Эйр” ва корхонаи воҳиди давлатии “Роҳи оҳани Тоҷикистон” мебошад. Аз ин хотир, “Тоҷик Эйр” ва “Роҳи оҳани Тоҷикистон” аз пардохти боҷи гумрукӣ ва андоз аз арзиши иловашуда озод карда шуданд.
Дигаргуниҳои мусбате, ки солҳои охир дар соҳаи туризм ба амал меоянд, далели онанд, ки Тоҷикистони соҳибистиқлол дар роҳи пиёдасозии ҳадафи воло - ба кишвари сайёҳӣ табдил ёфтан устуворона гом мениҳад. Табиист, ки ин роҳи кӯтаҳ нест, шебу фароз, мушкилоти зиёд дорад. Ва дар Соли рушди сайёҳӣ ва ҳунарҳои мардумӣ ҳамаи онҳоро ҳал кардан имкон надорад. Муҳим он аст, ки дар ин сол тамоми имкониятҳо барои ҷаҳиши бузург дар ривоҷи соҳа истифода гарданд. Дар ин сурат дур нест замоне, ки Тоҷикистони азизи мо, бешубҳа, аз чеҳраҳои тобноки сайёҳии на танҳо Осиё, балки дунё шинохта мешавад. 
Далери АБДУҒАФФОР,
корманди Хадамоти зиддиинҳисории
назди Ҳукумати Ҷумҳурии Тоҷикистон


Баёни ақида (0)    Санаи нашр: 14.08.2018    №: 160    Мутолиа карданд: 289

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед