logo

сиёсат

ТОҶИКИСТОН ВА ӮЗБЕКИСТОН. БЕШ АЗ 140 САНАДИ ҲАМКОРӢ РОБИТАҲОРО ТАҚВИЯТ МЕБАХШАД

Дар низоми сиёсати хориҷии Ҷумҳурии Тоҷикистон муносиботи дӯстона бо кишварҳои Иттиҳоди Давлатҳои Мустақил авлавияти хос дошта, дар ин миён Ҷумҳурии Ӯзбекистон ба унвони кишвари ҳамсоя, дӯсту бародар ҷойгоҳи намоён дорад. Зеро умумияту муштаракоти таърихие, ки миёни тоҷикону ӯзбекон дар тӯли асрҳо ташаккул ёфтаанд, ба сурати табиӣ ду халқи бародарро ба ҳам наздиктар кардаанд.
Дар таърихи навини муносибатҳо робитаҳои дипломатӣ байни Ҷумҳурии Тоҷикистон ва Ҷумҳурии Ӯзбекистон 22 октябри соли 1992 барқарор гардида, баъдан сафоратҳои ҳар ду давлат дар Душанбеву Тошкент ба фаъолият пардохтанд.
Айни замон асоси шартномавию ҳуқуқии муносибатҳои дуҷонибаи Тоҷикистон ва Ӯзбекистонро беш аз 140 созишнома ва аҳднома ташкил медиҳанд, ки аз соли 1992 то имрӯз дар сатҳҳои байнидавлатӣ, байниҳукуматӣ ва байнисоҳавӣ ба имзо расидаанд.
Санадҳои асосие, ки дар сатҳи сарони ду давлат, аз ҷумла Аҳднома дар бораи дӯстӣ, ҳусни ҳамҷаворӣ ва ҳамкорӣ миёни Ҷумҳурии Тоҷикистон ва Ҷумҳурии Ӯзбекистон аз 4 январи соли 1993 ва Аҳднома дар бораи дӯстии абадӣ миёни Ҷумҳурии Тоҷикистон ва Ҷумҳурии Ӯзбекистон аз 15 июни соли 2000 ба имзо расидаанд, самтҳои муҳимтарини муносибатҳои тарафайнро муайян месозанд. Эҳтироми соҳибихтиёрӣ, баробарҳуқуқӣ ва истиқлолияти якдигар муқаррароти меҳварии ҳуҷҷатҳои тасвибшуда ба шумор мераванд.
Тоҷикистон ва Ӯзбекистон дорои сарҳади умумӣ буда, ҳоло беш аз ҳар вақти дигар заминаҳои ҳуқуқии рафтуомади озоди аҳолӣ ва маҳсулоту хизматрасониҳо фароҳам шудааст. Таҳаввулоти ахире, ки дар муносиботи ҳасанаи ду кишвар ба миён омад, барои инкишофи таъсирбахши соҳаҳои гуногуни иқтисодиёти миллии ҳар ду ҷониб таъсирбахш буда, чунин раванд метавонад, иқтидори транзитии якдигарро барои баромадан ба дигар бозорҳо тақвият бахшад.
Арзишҳои бегазанди дӯстиву рафоқати ду халқи бародар, ки пайванд ба шоҳроҳи таърихи гузашта дорад, имкон дод, ки дар моҳи марти соли 2018 марҳилаи сифатан нави ҳамкориҳои Тоҷикистону Ӯзбекистон оғоз шавад. Зеро дигаргуниҳои деринтизоре, ки вобас- та ба таҳкими муносиботи дӯстонаи ду кишвар дар доираи сафари давлатии Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон иттифоқ афтод, арзишҳоро ба асли хеш баргардонд.
Зоҳиран тоҷикону ӯзбекон беш аз ҳар чизи дигар солҳо интизор доштанд, ки дар таъмини рафтуомад ба ҳудуди якдигар сабукиҳое дар миён афтад, ки ин ормон бо иродаи сиёсии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев амалӣ гардид.
Дар миёни бастаи калонҳаҷми ҳуҷҷатҳое, ки дар доираи сафари давлатии Президенти Ҷумҳурии Ӯзбекистон муҳтарам Шавкат Мирзиёев ба Ҷумҳурии Тоҷикистон имзо шуданд, Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Ӯзбекистон оид ба сафарҳои мутақобилаи шаҳрвандон барои ҷонибҳо авлавияти хос дошт. Бо назардошти зарурат, билфосила ин санад барои анҷоми расмиёти дохилидавлатӣ ба порлумонҳои кишварҳо ирсол шуда, мавриди амал қарор гирифт, ки дар пайи он гузаргоҳҳои сарҳадӣ ифтитоҳ ва боиси суруру шодмониҳои зиёди мардум гардид.
Фирӯзи РАҲМОНИЁН,
«Ҷумҳурият»

 

 


 


Баёни ақида (0)    Санаи нашр: 16.08.2018    №: 162    Мутолиа карданд: 254

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед