logo

сиёсат

БАРОДАРИЮ ҲАМСОЯГИИ СИДҚӢ

Дар ҳаёти сиёсӣ ва иқтисодиву иҷтимоии мардумони тоҷику ӯзбек рӯйдоди муҳими таърихӣ ба вуқӯъ пайваст, ки наметавонад ҳар фарди бедордилро бетараф гузорад.  Дар пайи талошҳои созандаи Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев муносибатҳои ду давлати ҳамсоя куллан беҳ шуданд. Рӯзҳои 9 - 10 марти соли 2018 Президенти Ҷумҳурии Ӯзбекистон  Шавкат  Мирзиёев ба Ҷумҳурии Тоҷикистон ташриф овард. Ин аввалин сафари расмии давлатии роҳбари олии кишвари ҳамсоя дар зарфи 26 соли Истиқлолияти давлатии Тоҷикистон ба ҳисоб мерафт.
Дар ин зимн Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон низ бо даъвати Президенти Ӯзбекистон ба кишвари ҳамсоя сафар кард. Мардуми шарифи Ӯзбекистон, тавре аз расонаҳои иттилоотӣ ҳар рӯз дарак дорем, ин сафарро бесаброна интизор буданд. Қаблан дар доираи сафари Президенти Ҷумҳурии Ӯзбекистон ба кишвари мо бастаи бузурги созишномаҳои ҳамкорӣ ба имзо расиданд, ки онҳо тамоми соҳаҳои калидӣ ва афзалиятноки рушди муносибатҳои барои ҳар ду ҷониб манфиатборро  фаро гирифтанд. Акнун бо сафари Пешвои муаззами миллат, боварӣ дорем, ки муносибатҳои ду кишвар ба сатҳи комилан нав дар ҳамаи соҳаҳои ҳаёти иҷтимоию иқтисодӣ ва фарҳангӣ мерасанд.
Кушода шудани беш аз 10 гузаргоҳи сарҳадӣ ва ба муҳлати то 30 шабонарӯз бе раводид сафар кардани шаҳрвандони Тоҷикистону Ӯзбекистон ба кишварҳои ҳамдигар аз бузургтарин иқдомҳоест, ки дар доираи ин сафари Президенти Ӯзбекистон роҳандозӣ гаштанд. Дар асл, аз нав ба ҳам овардани дилҳо, пайвастани риштаи дӯстию муҳаббат, бародарию шафқат миёни  ду халқу миллате, ки тайи садсолаҳо дар як сарзамини таърихӣ паҳлу ба паҳлуи якдигар  мезистанд, аз як ҳаво нафас кашидаву аз як ҷӯй об менӯшиданд, муносибатҳои хешутаборӣ ва фарҳангу анъанаҳои  якхела доштанд, азобу уқубат ва ҷабру ҷафои зиёдеро аз масири таърих таҳаммул кардаанд, бояд мардонавор эътироф намуд.
Ба имзо расидани 27 санади ҳамкорӣ дар ҷараёни сафари Шавкат Мирзиёев ба Ҷумҳурии Тоҷикистон барои ҳар ду миллат ба манзалаи раҳнамои саҳеҳест, ки натиҷаи ҳасанаи он чун машъали фурӯзон ба ояндаи боз ҳам накутар равшанӣ хоҳад дод.  Дар робита ба изҳороти сарони давлатҳо ва имзои силсилаи санадҳои муҳими таърихию тақдирсоз миёни Ҷумҳурии Тоҷикистон ва Ҷумҳурии Ӯзбекистон бовар дорем, ки таҳкиму густариши муносибатҳои неки ду давлати дӯсту бародар, ҳамфарҳангу ҳамсоя ба болоравии сатҳи ҳаёти иқтисодӣ, иҷтимоӣ, фарҳангии кишварҳо комилан мусоидат хоҳанд кард.
Сокинони Ҷамоати деҳоти Эсанбой аз ин иқдомҳои сарони ду кишвари бо ҳам дӯсту бародар хеле шод ва аз ҳамкориҳои оянда умедворанд. Дар ҷамоат мардуми ӯзбекзабон бо мардуми тоҷик тӯли асрҳо бо ҳам мисли дӯсту бародар, хешу ақрабо мезиянд. Деҳот бо ноҳияи Узуни вилояти Сурхандарёи Ӯзбекистон 44 километр сарҳад дорад ва бо 11 деҳаи Эсанбой ва ҳамин миқдор деҳа аз ҷониби ҳамсоякишвар ҳамсарҳад аст. Пас аз соҳибистиқлолӣ зиёда аз 70 шаҳрванди Ӯзбекистон бо сокинони ҷамоат келин шуда, омадааст ва бо беш аз 230 оила хешутабори наздиканд. Қаблан, то солҳои 1997 миёни деҳоти Эсанбой бо ноҳияи Узун рафтуомади тиҷоративу хешутаборӣ зиёд буд.
Барқарор шудани муносибатҳои навини ду миллати дӯсту бародар, ки бо иқдомоти сарони кишварҳои тоҷику ӯзбек дар сатҳи олӣ анҷом пазируфт, насли имрӯзаро ифтихормандию сарфарозӣ фаро гирифтааст. Сокинони Эсанбой умед доранд, ки сафари Президенти Ҷумҳурии Тоҷикистон ба Ӯзбекистони ҳамсоя барои мардуми ҳар ду кишвар заминаи боэътимоди зиндагии боз ҳам накутарро дар фазои муносибатҳои сидқан бародарию ҳамсоядорӣ таъмин хоҳад сохт.
Баҳодур САИДОВ, раиси Ҷамоати деҳоти
Эсанбойи ноҳияи Рӯдакӣ

 

 


Баёни ақида (0)    Санаи нашр: 20.08.2018    №: 164 - 165    Мутолиа карданд: 240

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед