logo

туризм

САЙЁҲИИ БАЙНАЛМИЛАЛӢ. ТАВАҶҶУҲИ БЕШТАР МЕБОЯД!

Тоҷикистон бо зебоии нотакроре, ки дорад, метавонад ҳамчун яке аз марказҳои сайёҳӣ барои оламиён муаррифӣ гардад. Зеро табиати нотак- рору манзараҳои дилфиреб, рӯду дарёҳои мусаффову олами набототу ҳайвоноти нодири кишвар кайҳост, ки таваҷҷуҳи ҷаҳониёнро ба худ ҷалб сохтаанд. Ҳамчунин, мавқеи хуби ҷуғрофии кишварамон, барои сайёҳон имкон медиҳад, ки аз минтақаҳои дигари Осиёи Марказиву Ҷанубӣ ва уқёнуси Ором дидан намоянд. Дар баробари ин, Тоҷикистон дар масири Шоҳроҳи бузурги Абрешим ҷойгир аст, ки он  пайвасткунандаи Шарқу Ғарб буда, метавонад барои ҷалби бештари ҷаҳонгардон мусоидат намояд.
Хушбахтона кишвари мо марҳила ба марҳила ба мамлакати сайёҳӣ табдил меёбад ва сол ба сол зиёд шудани шумораи сайёҳони дохилию хориҷӣ далели ин гуфтаҳост. Бино ба гуфтаи Муродалӣ Табаров, сардори бахши муносибатҳои байналмилалии Кумитаи рушди сайёҳӣ, то имрӯз аз кишвари мо тақрибан 530 ҳазор сайёҳи хориҷӣ боздид намуд.
- Афзоиши теъдоди сайёҳони хориҷӣ натиҷаи роҳандозии тадбирҳои муассир мебошад. Аз ҷумла, аз 1 июни соли 2016 низоми раводиди электронии E-Visa амал намуда, дар портали нави аз ҷониби Кумитаи рушди сайёҳӣ таъсисёфта, ҷой дода шуд. Он имкон медиҳад, ки сайёҳ аризаи электрониро пур карда, бе ҳозиршавӣ ба консулгариҳои Тоҷикистон раводиди электрониро ба даст орад. Дар баробари ин, бо зиёда аз 100 давлати дунё низоми содаи додани раводид ҷорӣ гардида, бо 12 давлат низоми бераводид амал мекунад. Робитаҳои сайёҳӣ низ бо кишварҳои олам тақвият меёбанд. Ҳамчунин, имсол бо мақсади баромадан ба бозорҳои нави сайёҳӣ ва ҷалби бештари ҷаҳонгардон, бори нахуст ширкатҳои сайёҳии ватанӣ дар намоишгоҳҳои байналмилалии сайёҳии Ҷопон, Фаронса, Олмон, Корея, Малайзия, Федератсияи ҷаҳонии шаҳрҳои сайёҳӣ (шаҳри Лос-Анҷелеси ИМА) ва дигар чорабиниҳои байналмилалӣ иштирок намуданд,- афзуд Муродалӣ Табаров.
Агар солҳои қаблӣ шаҳрвандони ин ё он мамлакат танҳо барои гузарондани рухсатӣ сафар мекарданд, ҳоло онҳо бо мақсади истироҳату фароғат, машғул шудан ба варзиш ва ё барқарор намудани саломатӣ ба саёҳат мебароянд. Ин боис шуд, ки шумораи сайёҳони хориҷӣ дар Тоҷикистон зиёд гарданд ва тибқи таҳлилҳо онҳо аслан ба туризми экологӣ, кӯҳию варзишӣ ва таърихию фарҳангӣ авлавият медиҳанд.
Ба ақидаи коршиносон, дар ин ҷода ба рушди минбаъдаи сайёҳии экологӣ таваҷҷуҳи бештар бояд дод ва ҳудудҳои махсус ҳифзшавандаи табииро тарзе нигоҳ дошт, ки экосистемаҳои нодири табиӣ ва ҳайвоноту набототи он зарар набинанд. Зеро бо назардошти иқтидори сайёҳии кишвар ва беҳтар кардани вазъи иқтисодию иҷтимоии аҳолӣ роҳбарияти олии мамлакат дараҳои Варзобу Ромит ва ноҳияи Балҷувонро минтақаи сайёҳӣ эълон доштанд, ки онҳо дар доманакӯҳҳо ҷой гирифта, барои туризми экологӣ, кӯҳсору пиёдагардӣ, табобатию солимгардонӣ ва деҳоту хоҷагидорӣ мувофиқанд. Ҳамзамон, барои бунёди инфрасохтори соҳа дар самти сайёҳии экологӣ аз ҷониби Хазинаи ҷаҳонии экологии барномаи рушди Созмони Милали Муттаҳид маблағҳои грантии хурд ҷудо гардиданд, ки дар ноҳияҳои Шамсиддини Шоҳин, Ховалинг, Мурғоб, Лахш ва Айнӣ татбиқ мешаванд. Дар доираи он бунёди ҳомстейҳо дар маҳалҳо ва таҳияи маводи иттилоотиву харитаи сайёҳии ноҳияҳо дар назар дошта шуда, хатсайрҳои нав роҳандозӣ мегарданд. Инчунин, барои баланд бардоштани сатҳу сифати хизматрасонӣ миёни аҳолӣ семинару омӯзишҳо ташкил хоҳанд шуд.
Ба гуфтаи мутахассисон, барои пешрафти сайёҳии байналмилалӣ, пеш аз ҳама, бояд корҳои тарғибу ташвиқотиро пурзӯр намуд. Аз ин рӯ, ҳоло Кумитаи рушди сайёҳӣ тавассути шабакаҳои иҷтимоии “Фейсбук”, “Инстаграм”, “Ютюб”, “Телеграмм” ва “Твиттер” иқтидори соҳаро ташвиқу тарғиб мекунад. Ҳамзамон, маводҳои иттилоотӣ, аз қабили харитаи сайёҳӣ, буклетҳо, роҳнамо барои сайёҳон ва руқъаҳо омода гардидаанд. Дар баробари ин, портали миллии сайёҳӣ, ки бо се забон – тоҷикӣ, русӣ ва англисӣ амал мекунад ва то охири сол ба он маълумот бо панҷ забони дигар – олмонӣ, фаронсавӣ, арабӣ, ҷопонӣ ва испанӣ ворид карда мешавад.
Бо  вуҷуди  ин иқтидори  бузург,  аввалтар аз ҳама Тоҷикистонро ҳамчун мамлакати сайёҳӣ мебояд ба мамолики Ғарб ошно сохт. Мутаассифона, айни замон он маълумоте, ки дар бораи кишвар ба хориҷиҳо пешниҳод мегардад, саҳеҳ нест. Аз ин рӯ, муаррифии шоистаи мамлакат дар сатҳи байналмилалӣ зарур буда, метавон бо истифода аз реклама дар ВАО-и маъруфи ҷаҳонӣ (ба монанди BBC ва Евронюс)  ин корро ба роҳ монд.
Мувофиқи таҳлилҳо шумораи сайёҳони хориҷӣ то соли 2020 дар Тоҷикистон ба 1 миллион нафар расонда шуда, саҳми соҳа дар маҷмӯи маҳсулоти дохилӣ ба 5 дарсад баробар мегардад, ки ин ҳама бо муаррифии шоистаи кишвар ба оламиён даст хоҳад дод.
Меҳрангез ҚОДИРОВА, “Ҷумҳурият”


 


Баёни ақида (0)    Санаи нашр: 20.08.2018    №: 164 - 165    Мутолиа карданд: 96

20.10.2018


 ИДМ. Нозирони навраси тоҷик дар мақоми аввал

 Болоравии тавлидоти маҳсулоти саноатӣ

Рушди чорводорӣ

КАРТОШКАПАРВАРӢ. Талошҳо самар медиҳанд

 "Подоши амал" дар фестивали байналмилалӣ

 Дар ноҳияи Восеъ беш аз 200 иншоот месозанд

ҶОМИ ТОҶИКИСТОН. Ғалабаҳои "Истиқлол" ва "Хуҷанд"

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра


Дар сомонаҳои дигари Тоҷикистон хонед