logo

фарҳанг

ТӮЛҚИН ХОҶА.САНГИНТАРИН БОХТ АЗ ДАСТ ДОДАНИ ИНСОНҲОИ НОДИР АСТ

Зиндагӣ паст асту баланд, ширин асту талх, ранг  –  ранг монанди манзараҳову лавҳаҳои зебои ранг ба ранги зиндагӣ... Мутаассифона, пораҳое аз ин ҷаҳони рангобаранг гоҳ – гоҳо сиёҳу сафед мешаванд, рангҳои дигарро аз байн мебаранд, манзар ва назарро сиёҳу сафед, дилгир мекунанд…
Сангинтарин бохт аз даст додани инсонҳои нодир аст. Хусусан, вақте чунин шахси нодир аз паҳлуи мо ба ҷаҳоне меравад, ки дигар саодати дидор надорад. Шеъри тоҷик то имрӯз барои Ҳабиб Юсуфии ҷавонмарг хун мегиряд. Саҳнаи суруди тоҷик ҳамоно як тобиши оҳанги мотам барои Кароматулло Қурбон дорад.
Аз ҷаҳон даргузаштани Тӯлқин Хоҷа, хусусан ба ҳамин ҷавонмардӣ, як реши равон аст.
Шеъри ӯ аз пора – пораҳои нахустинаш, ки дар матбуот мехондам, барои ман бисёр хуш буд. Рӯзе дар як рӯзнома номи Тӯлқин Хоҷа ба чашмам афтид, хурсанд шудам, аммо хурсандиам дерпо набуд. Ин шеър аз дарде менолид, ки дарди шахсии ман аст.
Аз дардҳо бо шитоб мегузарам ва аҳсан ба шоирии Тӯлқин Хоҷа мегӯям. Дар ҳамин шеър, ки марсияи писаронаш аст, ҷанбаи хоси тоҷикӣ, махсусан хоссагиҳои забони маҳаллии кӯлобӣ, зебову баҷо омадаанд, (Гулҳои туро ман ба сарам мезанам акнун..., Ҳуввас мазану ёд макун..., Овоз маяндоз, ки овози ту гирад...).
Тӯлқин Хоҷа таъбироту истиороти маҳаллиро, чӣ кӯлобӣ, чӣ ғайрикӯлобиро бисёр хуб истифода мекард. Аз ҳамқаламон шояд ягона шоир аст, ки дур аз пойтахти фарҳангӣ зиндагӣ намуд, аммо ҳамқадам ва гоҳо аз шеъри пойтахт пешқадамтар ҳам буд. Дар шеъри иҷтимоӣ бисёр ҷасур, ҳадафгир аст.
Дар ин гузориши мухтасар, ки дар ҳошияи таҳқиқи Ҷумъахон Темурзода (Аз қаламроҳ то қадамҷо. «Ҷумҳурият», 24 июли соли 2018) дар шеъри Тӯлқин Хоҷа аст, аз як нукта гузаштан наметавонам. Манзурам ин аст, ки Тӯлқин Хоҷа ҳам ба саодати шоирӣ расидааст, ҳам ба саодати муаллимӣ. Шеъри «Достони самимият» ба яке аз арбобони шинохтаи сиёсати муосир Асадулло Раҳмон бахшида шудааст, аслан шеъри бисёр фарогир аст. Бо иқтибоси ҳамин мисраъҳо мехоҳам иктифо кунам, ки ширинанд, ҳам ҳақиқат. Хусусан аз назари муаллим ва аз назари ҳар соҳибхираде, ки ба муаллимон эҳтироми ҳамешагӣ дорад:
Гар бигӯям сухани муҳташамат,
Раиси муҳтарамат,
Нонамоён шавад аз шахси ту он баччаҳаки партаи пеши мактаб,
Он писарбаччаи саркардаи пеши мактаб,
Ки ба ҳар пурсиши ман хуб ҷавобе медод,
Хубу хушрӯй ҷавоби басавобе медод.
Хуш ба ҳоли муаллим. Хуш ба ҳоли шогирди ин муаллим, ки мероси гаронбаҳои устодашро нигаҳбониву сарпарастӣ мекунад. 
Назри ЯЗДОНӢ,
Шоири халқии Тоҷикистон


Баёни ақида (0)    Санаи нашр: 20.08.2018    №: 164 - 165    Мутолиа карданд: 244

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед