logo

туризм

АГАР ПОРСОЕ САЁҲАТ НАКАРД...

Сайру саёҳат ва сафар кардан ба мавзеъ ва мамолики гуногуни олам дар тӯли таърих ҳамеша ҳамсафари ҳаёти инсонӣ будааст. Агар бо дидаи таҳқиқ ба ин мафҳумҳо назар кунем, дармеёбем, ки тавассути саёҳат ва ба кишвару минтақаҳои гуногуни олам сафар кардан боиси кашфиётҳои аҷиб ва таълифи асарҳои муҳташаме гардидааст. Бузургтарин асари ҷуғрофие, ки бо забони тоҷикӣ дар асри Х таълиф шудааст, китоби “Ҳудуд-ул-олам” мебошад. Муаллифи то ҳол номаълуми он асарро дар натиҷаи сафару саёҳатҳо ба минтақаҳои гуногуни Мовароуннаҳру Хуросон ва манотиқи дигари атрофи он таълиф намудааст.
Тавре ки аз таърихи адабу фарҳанги миллати тоҷик бар меояд, Носири Хусрав “Сафарнома”, Саъдии Шерозӣ “Гулистон”, Абдурраҳмони Ҷомӣ “Баҳористон”, Аҳмади Дониш “Наводир-ул-вақоеъ”, Мирзо Турсунзода “Ҷони ширин”-ро, ки аз осори маъруфу машҳур ва зинатафзои адабиёти умумибашарӣ ба шумор мераванд, дар натиҷаи сайру саёҳат ба кишварҳои гуногуни олам таълиф намудаанд. Ин далели он аст, ки сайру саёҳат як ҷузъи ҷудонопазири ҳаёти сиёсию иҷтимоӣ ва иқтисодию фарҳангии миллати тоҷик низ буда ва дар таърихи тамаддуни ин миллати фарҳангсолор собиқаи деринаи таърихӣ низ доштааст. Адибони забардасти тоҷик дар осори худ ҳамеша саёҳат карданро тарғибу ташвиқ мекарданд. Масалан, Саъдии Шерозӣ дар “Бӯстон” чунин мефармояд:
Агар порсое саёҳат накард,
Сафаркардагонаш нахонанд мард.
Ё Мирзо Турсунзода моҳияти сафар карданро чунин ба қалам додааст:
Рӯйи олам дидан одам дидан аст,
Неку бадро дар ҷаҳон санҷидан аст.
Дар замони муосир, ки ҷаҳонишавӣ тамоми паҳлуҳои ҳаёти инсониро фаро гирифтааст, сайру саёҳат низ чун як ҷузъи муҳими ин раванд маъно ва мавқеи махсусро касб кардааст. Яъне, инсони ҷаҳони муосир ба сайру сафар ва саёҳат намудан ниёз пайдо кардааст. Моҳияти асосии саёҳат ба кишварҳои гуногун ба шавқу рағбат, хоҳиш, завқу ҳавас барин талаботи инсонӣ ва ҳадафу мароми сайёҳ вобастагӣ дорад.
Дар низоми сиёсию иҷтимоии ҷаҳони муосир низ ба сайру саёҳат ва сайёҳӣ аз ҷониби роҳбарони сиёсии мамлакатҳо таваҷҷуҳи хосе зоҳир мегардад. Ҳар як кишвар мехоҳад, ки тавассути ташкили сайёҳӣ дастовардҳои муҳими таърихии миллати хеш ва табиати сарзамини худро ба оламиён муаррифӣ намояд.
Дар ин росто Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки барои беҳбудии ҳаёти сиёсию иҷтимоӣ ва иқтисодию фарҳангии кишвар ба мамолики зиёде сафар карда, барҳақ ва дониста изҳор доштааст, ки Тоҷикистон бо тамоми имкониятҳои таърихию фарҳангӣ ва табиати зебою дилрабо, обҳои мусаффо, кӯҳҳои сарбафалаккашида, чашмаҳою боғу бӯстонҳои дилрабояш беҳтарин минтақаи сайёҳӣ ба шумор меравад. Дар ин замина соли 2018-ро Соли сайёҳӣ ва рушди ҳунарҳои мардумӣ эълон намуд.
Пас аз интишори ин хитобаи Сарвари давлат мо ҳамарӯза мушоҳида менамоем, ки сайёҳони зиёде аз гӯшаву канори дунё вориди кишвари мо ва ба таъриху тамаддуни ин миллати куҳанбунёд ва табиати биҳиштосои он аз наздик ошно мешаванд. Тавре мушоҳида мегардад, сайёҳон ба расму оини қадима ва ҳунарҳои гуногуни мардуми тоҷик низ ошноӣ пайдо мекунанд ва аз дастовардҳои ҳунармандонаи ин миллати бофарҳанг лаззати маънавӣ мегиранд.
Дар шоҳроҳҳои кишвар мебинем, ки сайёҳҳони зиёде тавассути дучархаву мошинҳо ҷониби мавзеъҳои ҷолибу назаррабои минтақаҳои кишвар - шаршараи Сари Хосор, мамнӯъгоҳҳои Дашти Ҷуму Бешаи палангон,  кӯҳҳову чашмаҳои Варзобу Ромит ва Бадахшон, Искандаркӯлу баҳри Тоҷик ва мавзеъҳои таърихии Ҳисору Хатлон ва Рашту Суғди бостонӣ азми сафар доранд.
Ҳамзамон, зимни сафар аз истиқболи тоҷиконаву меҳрубонона ва меҳмоннавозии мардумони минтақаҳои гуногуни ин сарзамин ба ваҷд меоянд.
Тоҷикистон бо табиати зебо ва меваҳои шаҳдбораш имкон дорад, ки дар тамоми тамоми чор фасли сол таваҷҷуҳи сайёҳонро ҷалб намояд ва бо ин вижагияш онҳоро фараҳманд гардонад. Чунин имкониятҳои табиӣ дар камтар аз кишварҳо мавҷуд мебошанд.
Эълон гардидани ин сол ҳамчун Соли рушди сайёҳӣ ва ҳунарҳои мардумӣ дар баробари аҳамияти иҷтимоию иқтисодӣ доштан моҳияти дигаре низ дорад. Яъне, ҳар як сайёҳе, ки аз ин кишвар дидан мекунад, аз дастовардҳои таърихӣ, фарҳангию ҳунарии ин сарзамин ва табиати дилрабову обҳои мусаффои он лаззат мебарад, сулҳу субот, амнияту оромӣ, ҳамдигарфаҳмию муносибати инсонпарваронаи мардуми ин кишварро чун армуғон ба ватани худ мебарад. Маҳз тавассути сайёҳҳон сулҳу суботи кишвари мо дар олам тарғибу ташвиқ ва таваҷҷуҳу муҳаббати аҳли башар ба ин миллати сулҳофару соҳибтамаддун боз ҳам бештар мегардад.
Маҳмаддовуд САЛОМОВ, дотсенти ДМТ

 

 

 

 


Баёни ақида (0)    Санаи нашр: 20.08.2018    №: 164 - 165    Мутолиа карданд: 179

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед