logo

фарҳанг

ВАФО

(ҳикоя)
Ман ин одамро  ҳар рӯзи якшанбе  медидам.  Субҳгаҳон ҳангоми харидани  шир аз пешам мебаромад. Аз болои яктаги сафед ҷомаи сатини сиёҳро ба китф партофта,  дастҳояшро ба пушт карда,  оҳиста гузашта мерафт ӯ. Ба атроф нигоҳ намекард. Ифодаи рӯи ӯро ҳамон лаҳзаҳо  шахси як бор дидагӣ ҳеҷ гоҳ  фаромӯш намекард. Гарчанд ба замин нигоҳ карда рафта истода бошад ҳам, дар  чашми ӯ ғаму аламро ҳис мекардам. Пешопешаш сагчаи сафеди барроқ  низ мегашт. Сагча ба рӯйи соҳибаш ҳар лаҳза - ҳар лаҳза нигоҳ карда, забони хурдакакашро бароварда зери пойи соҳибаш чарх зада,  бо қадамҳои майда - майда медавид. 
Вақте ки ин одамро бори якум дида будам, духтари хурд будам. Ҳамон вақтҳо ӯ хушқомат, ришу мӯйҳояш сип - сиёҳ, китфдор, хушрӯй,  як марди чил - чилу панҷсола  буд. Занҳо аз қафои ӯ шивир-шивир карда «ба  назди қабри занаш меравад»  гуфтанашон ба гӯшам мерасид.
Солҳо гузашт. Пештар ба ин одам ҳамту нигоҳ кунам,  акнун дарду дилашро  ҳис карда  аз пешаш мегузарам. Салом медиҳам. Ӯ оҳиста сар ҷунбонда, алейк мегирад, вале    нигоҳ намекунад. Акнун ришу мӯйи  ӯ сап - сафед, пир шудааст. Вақте ки ӯ мегузарад, бачаҳои шӯх андак хомӯш мемонанд, калонсолҳо суханашонро қатъ мекунанд. Занҳо худашонро  ба як сӯ гирифта, аз қафояш нигоҳ карда, оҳи  дароз  мекашанд. Тавре  ки шунидам, ӯ  занашро нағз дида хонадор шуда будааст. Якдигарро ба Замину Осмон бовар накарда, аҳлона зиндагӣ мекардаанд. Арӯси ҷавон кӯдаки якумашро ба дунё оварда, худаш аз олам чашм пӯшидааст. Мегӯянд, ки ин одам писари ширмакро ба ҳеҷ кас  надода бо шир ба воя расондааст.
Ман ин одамро дар рӯзҳои сарди  зимистон, дар тобистони гарму сӯзон,  дар баҳори нозанин, дар тирамоҳи заррину мусаффо  аз ҳамин роҳ гузаштанашро медидам.  Акнун китфҳои ӯ баромадагӣ, вале дар чеҳрааш ба аҳён - аҳён мӯйсафедон мушарраф мешудагӣ нуроният,  покӣ, зебоӣ, самимият  барқ зада меистод. Зебоии  бо ҳузну  покӣ омехта.
Мегӯянд, ки  ба  наздикӣ ба нафақа баромадааст. Ӯ аз ин кӯча боз зуд-зуд мегузаштагӣ шуда монд. Аз атрофи  қабре, ки санги мармар гузошта шудааст, тобистону тирамоҳ  райҳону гул канда намешавад. Ин гулҳоро ҳамин одам меорад, ҳамин одам  мерӯбад. Занҳо ӯро ба шавҳарҳояшон мисол оварда нишон медодаанд.
Достони ин одам аз Фарҳоду Ширин зиёдтар. Фақат ба қалами шоир гирифта нашудааст.  Ӯ ба ҳиссиёти  беғубори ҷавонӣ содиқ монда, ҳиссиётҳои  худаш бовар мекардагӣ, худаш саҷда мекардагиро  поймол карда натавонистааст. 
Бо ӯ охирин бор  дар саршавии баҳор вохӯрдам. Борони  субҳгоҳон борида, хоки нури офтоб нарасидагиро лой намуда, хирманҳои абри сап - сафед офтобро дошта, ба замин фаровардан намемонанд. Ҳама ҷо нам. Деворҳо  низ нам кашида мерехтагӣ барин.   Ҳамин одам дар пояш маҳсию калӯш, дар китфаш ҷомаи куҳна, вале озода, ҳамроҳаш сагчаи сафеди барроқ. Ранги рӯяш кандагӣ,  қадамҳояш вазнин, қаду қоматаш боз ҳам хамидагӣ метофт ба назарам. 
Баъд ӯро надидам. Рӯзҳои якшанбе ба шир рафта истода,  беихтиёр ӯро ёд мекардам.   Танҳо ду - се  бор ба сагчаи сафеди барроқ рӯ ба рӯ омадам.  Сагча танҳо, дар наздаш соҳибаш наменамуд. Акнун ӯ пештара барин ба қадами мӯйсафед нигоҳ намекард, саросемавор, давида мерафт. Барои чӣ соҳибаш нест? Пештар гузашта рафтагист, хаёл мекардам.   Тирамоҳ низ гузашт.  Рӯзҳои сарди зимистон сар шуд. Барф меборид.  Замин шип - шилта лой. Барфи  боридагӣ об мешуд. Рӯз хира гашта буд. Аз кор мегаштам. Як ҷавони  палтои сафед пӯшидагӣ  ба бағалаш  чизе сафедиро бардошта аз наздам гузашта рафт. Вақте рӯ ба рӯ шудам, дар бағалаш ҳамон сагчаи сафеди барроқро дидам.  Дилам   «шуввос» кард. Фаҳмидам, ки  сагча ба қабристон мерафт… Ба пушт тоб хӯрда нигоҳ кардам. Оре, ин писари ӯ. Гӯё ҷавонии  падараш.
- Одамгариаш, дили софаш ба падар монанд бошад,  вале бахташ ба ӯ монанд нашавад, - ба ӯ таманно   намудам. Ҳар рӯзи якшанбе ба кӯча мебарояму беихтиёр ҳамин одам ба ёдам  меояд. Аз кӯчаамон гузашта истоданаш маъқул буд.  Ӯ дили одамонро  нарм, забонашонро мулоим намуда меистод. Оре, ӯ  ба одамон инсоф   тақсим карда мегашт.   
Саида ЗУННУНОВА, Шоираи халқии Ӯзбекистон,
тарҷумаи Сулаймон ЭРМАТОВ

 

 

 


Баёни ақида (0)    Санаи нашр: 22.08.2018    №: 166    Мутолиа карданд: 320

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед