logo

туризм

САЙЁҲӢ – ОМИЛИ РУШДИ ИҚТИСОДИ КИШВАР

ТАШАББУСИ ПЕШВОИ МУАЗЗАМИ МИЛЛАТ
Дар ҷаҳони муосир соҳаи сайёҳӣ дар рушди иқтисодиву иҷтимоии кишварҳо яке аз ҷойҳои намоёнро ишғол намуда, аз ҳисоби инкишофи он кишварҳои олам буҷети худро ғанӣ мегардонанд ва ба ин васила барои рушди дигар соҳаҳояшон имконият фароҳам меоранд. Хушбахтона, Ҷумҳурии Тоҷикистон баробари соҳибистиқлол гардидан худро ҳамчун кишвари демократӣ, ҳуқуқбунёд ва дунявӣ эълон намуда, бо роҳандозии сиёсати “дарҳои боз” ва ташаккули муносибатҳои хуби дипломатӣ бо кишварҳои олам, узви комилҳуқуқи Созмони ҷаҳонии сайёҳӣ гашта, барои ҳамгироӣ бо бозори сайёҳии ҷаҳон заминаи воқеӣ фароҳам овард.

Дар ин радиф, таваҷҷуҳи ҷомеаи ҷаҳонӣ ба захираҳои сайёҳии мамлакат зиёд гардида, симои он ҳамчун кишвари осоишта ва дорои захираҳои бойи сайёҳӣ боз ҳам устувор гашт. Бахусус, соли 2018, ки аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Соли рушди сайёҳӣ ва ҳунарҳои мардумӣ эълон ва Тоҷикистон ба маҷрои нави созандагиву ободонию пешрафти комил дар ҳамаи соҳаҳои ҳаёти ҷомеа, хосса, дар соҳаи сайёҳӣ ворид шуд.
БАҲОИ БАЛАНДИ ҶОМЕАИ ҶАҲОНӢ БА ТОҶИКИСТОН
Дар заминаи сиёсати созандаи Пешвои муаззами миллат соҳаи сайёҳии Тоҷикистон дар ҷомеаи ҷаҳонӣ мавқеи худро тадриҷан беҳтару мустаҳкам намуда истодааст. Дар қатори 10 кишвари ҷолибтарин барои боздиди сайёҳон эълон шудани Тоҷикистон, дар сархати даҳгонаи кишварҳои ҷолиб барои сайёҳони саргузаштӣ ҷой додани Тоҷикистон, ба 10 роҳи зеботарини дунё шомил намудани шоҳроҳи Помир, чун даҳгонаи мавзеъҳои бехатар аз рӯи таъмини амнияти шабона эътироф шудани пойтахти кишвари мо шаҳри Душанбе, ба даҳгонаи кишварҳои беҳтарин аз рӯи сайёҳии пиёдагардӣ ва саргузаштӣ шомил шудани Тоҷикистон ва ба панҷгонаи беҳтарин аз рӯи низоми содаи пешниҳоди раводид ворид шудани ҷумҳурӣ шаҳодати гуфтаҳои болост.
ЗАМИНАИ ҲУҚУҚӢ
Аз замони ба даст овардани Истиқлолияти давлатӣ то ин дам дар кишвар маҷмӯи санадҳо ва меъёрҳои гуногуни ҳуқуқӣ, аз ҷумла  қабул ва татбиқи Консепсияи миллии рушди туризм барои солҳои 2009-2019, “Барномаи рушди сайёҳӣ барои солҳои 2018-2020”, Қонуни Ҷумҳурии Тоҷикистон “Дар бораи сайёҳӣ” дар таҳрири нав ва як қатор санадҳои зерқонунӣ, таҳияи Қонуни Ҷумҳурии Тоҷикистон “Дар бораи ҳунармандӣ” ва “Стратегияи давлатии рушди сайёҳӣ дар Ҷумҳурии Тоҷикистон барои то давраи солҳои 2030” қабул карда шудаанд ва имкон медиҳанд, то кӯчактарин масоили марбути соҳаи сайёҳӣ роҳи ҳалли худро пайдо намояд ва дар маҷмӯъ ин соҳаи сердаромад дар Тоҷикистон рушд кунад.
МУАРРИФИИ ИҚТИДОРИ САЙЁҲИИ ТОҶИКИСТОН
Тоҷикистон дар рушди соҳаи сайёҳӣ қадамҳои нахустин ва устувори худро мегузорад ва дар ин ҷараён омӯхтани таҷрибаи ҷаҳонӣ ва тарғибу ташвиқи захираҳои сайёҳии мамлакат басо муҳим аст. Аз ин лиҳоз, портал ё сомонаи миллии сайёҳии Тоҷикистон бо забонҳои тоҷикӣ, русӣ ва англисӣ омода ва дар шабакаи интернет роҳандозӣ карда шуда, айни ҳол тарҷумаи он ба забонҳои дигари хориҷӣ идома дорад.
Сомонаи миллии сайёҳӣ тавассути Созмони умумиҷаҳонии сайёҳӣ ба  158 давлат ва 508 ташкилоту муассисаҳои узви вобастаи он муаррифӣ карда шуда, ба ин васила бори нахуст соҳаи сайёҳии ҷумҳурӣ ба бозори ҷаҳонии сайёҳӣ ё низоми байналмилалии сайёҳӣ пайваст гардид. Ҷиҳати мунтазам расондани маълумоти саҳеҳу дуруст ба сайёҳон, нахустин Маркази иттилоотии сайёҳӣ дар шаҳри Душанбе бо истифодаи технологияҳои муосири коммуникатсионӣ, маводҳои чопии тарғиботӣ, гӯшаи туҳфаҳои армуғонӣ ба сайёҳон ва навору лавҳаҳои зебои сайёҳӣ таъсис дода шуд.
ҲАДАФҲОИ БУЗУРГ
Мувофиқи таҳлилҳо амалӣ намудани барномаҳои давлатӣ ва нақшаи чорабиниҳо имкон медиҳад, ки саҳми соҳаи сайёҳӣ дар маҷмӯи маҳсулоти дохилии кишвар то соли 2020 ба 5 дарсад ва саҳми ғайримустақими он барои рушди соҳаҳои дигари иқтисодиёт бошад, то 15 дарсад расонда шавад. Бо боварӣ метавон гуфт, ки дар сурати амалӣ гаштани нақшаҳову ҳадафҳои Консепсияи миллии рушди туризм барои солҳои 2009 - 2019, ки ҳамаи паҳлуҳои соҳаи сайёҳиро фарогир аст, дастуру супориш ва ҳидоятҳои дар Паёми Сарвари давлат зикргардида қабули 1 миллион сайёҳони хориҷӣ то соли 2019 имконпазир хоҳад шуд.
Моҳлиқои ИСРОИЛ, мудири бахши котиботи
Кумитаи рушди сайёҳии назди
Ҳукумати Ҷумҳурии Тоҷикистон

 

 

 

 

 

 

 


 


Баёни ақида (0)    Санаи нашр: 22.08.2018    №: 166    Мутолиа карданд: 282

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед