logo

фарҳанг

АКАДЕМИЯИ ВАО. ИЛМАТ БА АМАЛ ЧУ ЁР ГАРДАД...

Академияи воситаҳои ахбори оммаи Тоҷикистон ба хотири бозомӯзӣ ва такмили ихтисоси кормандони  ВАО - и кишвар таъсис дода шудааст. То ин дам дар кишвар ниҳоди алоҳидае, ки ба такмили ихтисоси рӯзноманигорон машғул шавад, вуҷуд надошт. Ба гуфтаи собиқадорони соҳа, курсҳои омӯзиширо пештар гоҳ - гоҳе Иттифоқи журналистон роҳандозӣ менамуд, ки дар бештари он журналистони маҳаллӣ ҷалб мешуданд.
Дар чунин шароит ба фаъолият пардохтани Академия ВАО, ки ҳадафи аслиаш такмили ихтисоси рӯзноманигорон ва ба ин восита боз ҳам беҳтару ҳадафрас намудани барномаҳои телевизион, радио ва ба меъёрҳои муосир мутобиқ гардондани фаъолияти матбуоти даврӣ аст, муҳим ва саривақтӣ арзёбӣ мегардад.
Таҳлили фаъолияти  муассиса нишон медиҳад, ки он дар се самт кор мебарад: доир намудани машғулиятҳои омӯзишӣ баҳри такмили ихтисос, бозомӯзии касбии кормандони ВАО - и чопӣ ва электронӣ гузарондани назарсанҷӣ оид ба муҳтавои барномаҳои радиову телевизион ва нашрияҳои даврии кишвар.
Бо мақсади муайян намудани талабот  ба такмили ихтисос ва бозомӯзии кормандони ВАО академия қаблан саволнома омода намуда, ба расонаҳо пешниҳод мекунад, ки кадом табақаи кормандонашон ба бозомӯзӣ  ниёз доранд. Яъне, нақшаи корӣ дар асоси талаботи ВАО таъсис дода мешавад. Ба ин хотир, академия давоми ду соли фаъолият дар самти таҳияи барномаҳои фарҳангӣ - фароғатии радио, таҳияи хабар барои телевизион, асосҳои навиштани  сенария барои барномаҳои телевизион ва кино, ҳунари наворбардорӣ, истифодаи нави технологияи коммуникатсионӣ барои васеъ намудани аудитория ва дигар паҳлуҳои фаъолияти журналистон  машғулиятҳои омӯзишӣ доир намуд. Барои гузарондани курсҳои омӯзишӣ ва такмили ихтисос на танҳо мутахассисони  дохилӣ, балки устодони варзидаи соҳа аз  Белгия  ва  Русия низ  ҷалб шуданд.
Ба иттилои Зинатулло Исмоилзода, директори академия, дар нимсолаи аввали соли равон 138 корманди телевизион, радио, оҷонсиҳои иттилоотӣ, марказҳои матбуотӣ ва нашрияҳои даврӣ такмили ихтисос ва бозомӯзӣ  карданд.
- Аз шабакаҳои телевизион муҳаррирон, наворбардорону танзимгарон ба бозомӯзӣ ҷалб шуданд. Барои боло бурдани ҳунари ровиёни радио ва телевизион дарсҳои маҳорат баргузор гардид. Кормандони шабакаҳои иҷтимоӣ ва нашрияҳо тарзи дурусти усулҳои истифода аз сомонаҳои интернетиро дар шароити муосир омӯхтанд.
Чанде қабл Татяна Тихамирова, устоди Донишгоҳи иқтисодии Русия, барои    роҳбарони радио ва телевизион машғулияти омӯзишӣ гузаронд, - изҳор дошт З. Исмоилзода.
Инчунин, бо ҷалби мутахассисон ширкати машҳури «SONY» барои  кормандони бахши техникии ВАО  силсилаи машғулиятҳои омӯзишӣ гузаронда шуданд.
Бештари машғулиятҳо дар бинои академия баргузор мегарданд. Барои журналистони минтақавӣ машғулиятҳои махсуси сайёр роҳандозӣ мешаванд. Ин тадбир имкон медиҳад, ки онҳо бо назардошти шароити корие, ки доранд, бозомӯзии касбӣ гузаранд.
Дар самти назарсанҷӣ низ корҳои  алоҳида ба сомон расиданд. Ин самти фаъолияти академия ба он хотир роҳандозӣ гардид, ки  андешаи мардум дар хусуси муҳтавои барномаҳои радиову телевизион ва нашрияҳои даврӣ омӯхта шавад. Аз ҷумла, чанде пеш кормандони академия  дар вилояти Суғд миёни беш аз 1500 нафар назарсанҷӣ гузаронданд. Зинатулло Исмоилзода изҳор дошт, ки академия андешаҳои истифодабарандагони ВАО - ро ба хотири рафъи мушкилоти соҳа ва беҳтар гардидани фаъолияти ниҳодҳои дахлдор дар шакли китоб омода  ба Кумитаи телевизион ва радиои назди Ҳукумати ҷумҳурӣ ва масъулони ВАО пешниҳод менамояд.
Дар маҷмӯъ, корҳое, ки Академияи ВАО анҷом додааст, ба хотири ба талаботи замон  мувофиқ намудани сифати маводи чопӣ, барномаҳои радиову телевизион аст, ки аллакай самари чашмрас дода истодааст.
- Мо ба масъалаи натиҷабахш будани омӯзишҳоямон таваҷҷуҳи зиёд дорем ва ҳамеша мекӯшем журналистон донишҳои азхудкардаашонро дар амал тадбиқ намоянд. Оянда нақша дорем, бевосита роҳбарони ВАО – ро низ ба бозомӯзӣ ва такмили ихтисос ҷалб намоем, то самаранокии усулҳои нави пешниҳоди маводҳо бештар эҳсос шавад, - афзуд Зинатулло Исмоилзода.
Фарзона ФАЙЗАЛӢ, «Ҷумҳурият»

 


 


Баёни ақида (0)    Санаи нашр: 23.08.2018    №: 167    Мутолиа карданд: 427
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед